1 Corintios 6:8 - Kaqchiquel Bible

⁸ Jak'a rix xa man keri' ta niben. Pa ruk'exel ri', xa ja rix ri yixbanon ri etzelal y ri eleq' ri'. Y rix kan chike k'a ri iwach'alal niben-wi.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Pero pa rukꞌexel chi ngixkochꞌon, xa ja rix ngixbꞌanun itzel y ngixchꞌakatin, y kin chake hermanos ndibꞌen keriꞌ.

Kaqchikel Santa Maria de Jesus

⁸ Pero ixreꞌ xa man quireꞌ ta ntiꞌan. Pa rucꞌaxiel reꞌ, xa ixreꞌ ri nquixbꞌano ri itziel noꞌj y ri alakꞌ. Y xa chica mismo ri hermanos ntiꞌan-ve quireꞌ.

Kaqchikel Central Guatemala

⁸ Pero rix xa man que ta ri' niben. Pa ruq'uexel ri', xa ja rix ri yixbanon ri etzelal y ri elek' ri'. Y rix can chique c'a ri ivach'alal niben-vi.

Re C'ac'a Testamento pa Kach'abal

⁸ Pero yex xa man quire-ta niban. Roma xa ja yex re yixbano re etzelal y re elak'. Y ronojel re etzelal y re elak' re', can chique c'a re ivchibil chic-ivi' niban-va, re junan chic iniman re Jesucristo quiq'uin.

Kaqchikel Western Solola

⁸ Yac'a riyix xa ma que ta ri' niben. Pa ruq'uexel chi que ta ri', xa yix c'a riyix ri yixbano ri etzelal y can nicanoj rubanic riche (rixin) chi niben alek' y can chique ri kach'alal niben wi.

1 Corintios 6:8 ပူးပေါင်းရင်းမြစ်များ

1 Tesalonicenses 4:6

Man tiq'ol jun chike ri qach'alal richin yixk'oje' rik'in ri rixjayil. Roma wi keri' niben, ri Dios xtuya' ruk'ayewal pan iwi'. Kere' xqabij chiwe toq xojk'oje' iwik'in.

Colosenses 3:25

Jak'a ri yebanon etzelal, xtikik'ul rutojbalil roma ri etzelal nikiben. Roma ri Dios man nutzu' ta ri wineq wi k'o ruq'ij o maneq.

Santiago 5:4

Rix xa rik'in q'oloj man e itojon ta ri isamajela' richin pa juyu' y rije' kan yejilo k'a. Jak'a ri nimalej ajaw, ri rajaw ronojel, kan xrak'axaj ri kiraqoj-chi'ij rije'.

Marcos 10:19

Yin ninbij chi rat jebel awetaman ri lajuj pixa' ri xuya' ri Dios chire ri Moisés ojer kan, chi man tiben kamik, chi ri e k'ulan man tikikanoj jun chik, chi man kixeleq', chi man tiyek-tzij chirij jun chik wineq, man tiq'ol jun wineq y tiya' kiq'ij ri ite-itata', xcha'.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Wuj Richin ri Miqueas 2:2

Nikirayila' k'a rulew ri jun chik y nikiben kan kichin chire. Nikirayila' ruwech jay kichin ch'aqa' chik y nikimej kan. Rik'in tz'ukun-tzij nikeleq'aj kan ri rachoch ri jun chik wineq. Ronojel ri kichinan kan ri kiwinaq nikelesaj kan chike.

Wuj Richin ri Chojmirisabelri'il 19:13

Man k'a ke'iwetzelaj ri iwinaq, y man k'a kixeleq' kik'in. Y toq nisamej jun wineq iwik'in kan jari' titojo', man tiya' kan richin jun chik q'ij ri xuch'ek.

San Mateo 20:13

Ri rajaw ri samaj xubij k'a chire jun chike ri samajela' ri': Rik'in ri junan xentoj ri ch'aqa' chik samajela' man jun itzel xinben chawe rat. Roma awik'in rat xa kan oj kanajineq kan chi ja ri nach'ek jun q'ij ri ninya' chawe.