1 Corintios 6:2 - Kaqchiquel Bible

² ¿Kan man yixtikir ta k'a niben ruchojmil ri yebanatej chi'ikojol? ¿Man iwetaman ta k'a chi kan xtapon ri q'ij toq qonojel roj ri ralk'ual ri Dios xtiqaq'et-tzij pa ruwi' re ruwach'ulew?

နောက်ထပ်ဗားရှင်းများ

Kaqchikel Santo Domingo (Xenacoj)

² Rix iwetaman chi nderilaꞌ ri qꞌij atoq ri loqꞌolej rutinamit ri Dios ndikiqꞌet tzij pa kiwiꞌ ri wineq, y si kin keriꞌ xtibꞌen, ¿achike roma ma ngixtiker ta ndibꞌen kikꞌojlen ri hermanos ri kꞌo chꞌuteq oyowal chikiwech?

Kaqchikel Santa Maria de Jesus

² ¿Man ivataꞌn ta cꞌa chi xtalka ri kꞌij antok konojiel ojreꞌ ri santos ralcꞌual ri Dios xcaꞌkaꞌan juzgar ri vinak? Y xa quireꞌ, ¿man nquixtiquir ta came ntiꞌan arreglar chꞌuteꞌk tak kax ri ncaꞌbꞌanataj chicajol?

Kaqchikel Central Guatemala

² ¿Can man yixtiquir ta cami c'a niben ruchojmil ri yebanatej chi'icojol? ¿Man ivetaman ta c'a chi xtapon na ri k'ij tok konojel roj ri lok'olej tak ralc'ual ri Dios xtikak'et tzij pa ruvi' re ruvach'ulef?

Re C'ac'a Testamento pa Kach'abal

² Yex can yixtiquir niban rubiyal re ye'banataj chi'icojol. Roma yex itaman che can xtapon-va re k'ij tak konojel yoj re yoj rajc'ual chic re Dios xtakaban juzgar pa rue' re ruch'ulef.

Kaqchikel Western Solola

² ¿La ma yixcowin ta cami riyix nichojmirisaj ri ch'itak ch'a'oj ri yebanatej chicojol? ¿La ma iwetaman ta c'a chi xtapon na jun k'ij tek konojel riyoj ri lok'olaj tak ralc'ual ri Dios xtikak'et na tzij pa ruwi' re ruwach'ulef?

1 Corintios 6:2 ပူးပေါင်းရင်းမြစ်များ

San Mateo 19:28

Ri Jesús xubij: Kan qitzij k'a ninbij chiwe chi toq xtapon ri ruq'ijul toq ronojel k'ak'a' chik rubanik, y toq yin, ri xiqaqa-pe achi'el wineq chi'ikojol, k'o chik nuq'ij-nuk'ojlen y xkitz'uye' pa nutz'uyubal richin q'atoy-tzij, jari' toq rix ri xixtzeqeliben wichin, chi'ijujunal xkixtz'uye' pa tz'uyubel richin niq'et-tzij pa kiwi' ri kablajuj tzobaj richin ri qawinaq judío.

San Lucas 22:30

richin keri' xkixwa' y xkixuk'ya' junan wik'in pa mesa, ri pa wajawaren. Y chiri' rix xkixok k'a q'atoy-tzij pa kiwi' ri kablajuj tzobaj richin ri tinamit Israel, xcha'.

Dn 7:22

k'a toq xpe na ri k'aslik Dios y xuq'et k'a tzij pa kiwi' ri kan e richin rija', roma kan jari' xtz'aqet ri q'ij ri bin-pe, y keri' rije' kan xkik'ul k'a ri ajawaren.

Apocalipsis 20:4

Y xintz'et chi ek'o tz'uyubel richin q'atbel-tzij, y chiri' e tz'uyul-wi ri ya'on chik uchuq'a' pa kiq'a' richin nikiq'et-tzij. Xintz'et chuqa' ri kánima ri xtzak'ix-el kiqul, roma xkitaqej y xkitzijoj ri ruch'abel ri Dios. Jere' ri man xeya'on ta ruq'ij ri nabey chikop y ri ruwachibel, ni man xkik'ul ta ri etal richin ri chikop nik'aj-kiwech o ri pa taq kiq'a'. Y xintz'et chi rije' xek'astej chik y junan k'a yeq'aton-tzij rik'in ri Cristo, chupan ri 1,000 juna'.

Apocalipsis 3:21

Achike k'a ri xtich'akon, kan xtinya' k'a q'ij chire richin chi nitz'uye' junan wik'in. Kan achi'el ri xban chuwe yin toq xich'akon, y xitz'uye' rik'in ri Nata' Dios.

Dn 7:18

Chirij ri', ri ajawaren kan xtijach k'a pa kiq'a' ri e richin ri rutinamit ri nimalej Dios, y rije' kan xtikiq'et k'a tzij tibe-q'ij tibe-seq.

2 Corintios 4:18

Roj kan man beneq ta k'a qánima chirij ri yeqatz'etela' pa ruwi' re ruwach'ulew; roj kan qatzuliben-apo ri man e tz'etel ta. Roma ri e tz'etel, xa ronojel e q'axel, jak'a ri xa man e tz'etel ta, kan e richin-wi jantape'.

1 Corintios 6:4

Roma toq k'o ch'ojikil chi'ikojol, ¿achike roma xa kik'in q'atoy taq tzij yixbe-wi, stape' rije' xa man jun kiq'ij chikikojol ri molaj qach'alal?

Wuj Richin Bix Chire ri Dios 49:14

Rije' kan xtiban k'a chike achi'el ri karne'l ri ye'uk'uex-el pa kamik, ja ri kamik ri xtiyuqen kichin achi'el nuben jun yuq'unel, y ri choj kik'aslen kan xkebek'oje' pa kiwi' rije'. Ri jebelej kibanik kan eqal k'a nibek'is chupan ri jul muqbel kamineq.

1 Tesalonicenses 3:13

Chuqa' niqarayibej chi ri Jesucristo xtuya' ta iwuchuq'a' richin yixok loq'olej, richin keri' man jun ta itzel yixtajin chubanik toq xtipe chik jun bey ri qajaw Jesucristo, e rachibilan-pe konojel ri e loq'olej ri ek'o chik rik'in rija'.

Wuj Richin ri Zacarías 14:5

Ri aj-Jerusalem kan xke'el-el chiri' pa kitinamit, y xke'animej chupan ri taq'aj ri', y xke'apon k'a pan Asal. Kan xke'animej k'a achi'el xe'animej ri winaqi' ri ojer toq xuben ri nimalej silonel pa ruq'ijul kan ri rey Uzías. Jari' toq xtipe ri Jehová e rachibilan-pe ri choj kik'aslen.

Romanos 6:16

Rix jebel iwetaman chi xabachike wineq ri nuya-ri' chi nok loq'on samajel, kan chuxe' k'a rutzij ri rajaw ri samaj k'o-wi. Roma ri' roj wi xtiqaya-qi' chuxe' rutzij ri mak, kan xqojok-wi rusamajela' ri mak y xqojruk'uaj pa kamik. Jak'a wi xtiqaya-qi' chuxe' rutzij ri Dios, xqojok rusamajela' rija', y xqojruk'uaj chupan ri k'aslen choj.

1 Corintios 1:20

Wi keri', ¿akuchi k'a ek'o-wi ri etamanela' y ri tijonela'? Y ¿akuchi k'a ek'o-wi ri jebel yetikir yech'on pa ruwi' re etamabel richin re ruwach'ulew? Roma ri Dios rubanon chire ri etamabel richin re ruwach'ulew chi xa jun ch'ujerik.

1 Corintios 1:21

Ri Dios rik'in ri na'oj ri k'o rik'in, roma ri' man xucha' ta ri etamabel richin re ruwach'ulew richin chi rik'in ri' ri winaqi' niketamaj ta ruwech rija'. Ri Dios xuch'ob nukusaj ri rutzijol, ri nich'on chirij ri rukamik ri Cristo richin yerukol ri winaqi' ri nikikuquba' kik'u'x rik'in, stape' re rutzijol re' xa kan ch'ujerik chikiwech ri ch'aqa' chik.