1 Corintios 6:15 - Kaqchiquel Bible

¹⁵ ¿Man iwetaman ta k'a chi rix xa jun ibanon rik'in ri Cristo, achi'el xa ta ix ruch'akul? Y wi kan jun ibanon rik'in, ¿utz kami chi nich'er-iwi' rik'in rija' y nitun-iwi' rik'in jun ixoq ri itzel ruk'aslen? kan man utz ta.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Rix iwetaman chi ri i-cuerpo okuneq ruqꞌa-raqen ri Cristo. ¿Utz kami chi yin o jun ta chik achi ri okuneq ruqꞌa-raqen ri Cristo ndirelesaj e riꞌ rikꞌin ri Cristo chin ndikꞌojeꞌ rikꞌin jun ixaq ri ndukꞌayilaꞌ riꞌ chake achiꞌaꞌ? ¡Ma utz ta!

Kaqchikel Santa Maria de Jesus

¹⁵ ¿Man ivataꞌn ta cꞌa chi ri i-cuerpo can rukꞌa-rakan ri Cristo? ¿Otz came chi nquixiel-el riqꞌuin jajaꞌ y nquixuoc rukꞌa-rakan jun ramera? Man otz ta.

Kaqchikel Central Guatemala

¹⁵ ¿Man ivetaman ta c'a rix chi can ix ruk'a-raken ri Cristo? Y vi can jun ibanon riq'uin ri Cristo, ¿utz cami chi yixel-el riq'uin rija' y yixoc ruk'a-raken jun ixok ri xa man utzilej c'aslen ta ruc'uan? Man utz ta.

Re C'ac'a Testamento pa Kach'abal

¹⁵ Yex itaman che can yix ruk'a-rakan re Jesucristo. Y vo xa can jun ibanon riq'uin re Jesucristo, can man otz-ta che yex yixel-a riq'uin reja' y yixoc ruk'a-rakan jun ixok re xa man otz-ta ruc'aslen. Can man tujovaj re Dios che quire-ta nibanataj.

Kaqchikel Western Solola

¹⁵ ¿La ma iwetaman ta c'a riyix chi can yix ruk'a' raken ri Cristo? Y wi xa jun chic ibanon riq'ui ri Cristo, ¿la utz cami chi yixel el riq'ui Riya' y yixoc ruk'a' raken jun ixok ri xa ma utzilaj c'aslen ta ruc'uan? Ma utz ta.

1 Corintios 6:15 ပူးပေါင်းရင်းမြစ်များ

Efesios 5:30

Roj jun k'a qabanon rik'in rija', roma ri' ja roj ri oj achi'el ruch'akul.

Romanos 12:5

Y keri' chuqa' roj ri oj richin chik ri Cristo. Stape' oj k'iy y man junan ta ri qasamaj, man rik'in ri' jun qabanon rik'in ri Cristo, achi'el jun ch'akulaj.

Colosenses 2:19

Rije' xa man ek'o ta apo rik'in ri Cristo, y rija' kan k'o pa qawi' qonojel ri qaniman chik. Ja rija' nibanon chiqe chi yojk'iy, qonojel junan yojsamej, achi'el jun ch'akulaj richin jun wineq ri kan nisamej.

1 Corintios 12:27

Rix wach'alal aj-Corinto kan ix okineq chik ruch'akul ri Cristo; chi'ijujunal ix richin chik ri ch'akulaj ri'.

Efesios 4:12

Keri' xuben richin chi yekitijoj ch'aqa' chik qach'alal richin nikisamajij ri Dios, richin kik'iyirinen ri molaj qach'alal, ri achi'el ruch'akul ri Jesucristo,

1 Corintios 11:3

Yin kan ninwajo' chi rix niwetamaj chi ri Dios ja rija' ri jolomaj pa ruwi' ri Cristo. Y ri Cristo jari' ri jolomaj pa kiwi' ri achi'a', y ri achi'a' ja rije' ri e jolomaj pa kiwi' ri kixjayilal.

1 Corintios 6:19

¿Man iwetaman ta k'a chi rix ix rachoch chik ri Loq'olej Espíritu? Rija' peteneq rik'in ri Dios, y pa taq iwánima k'o-wi. Y roma ri' ri ich'akul kan man iwichin ta chik rix.

Efesios 5:23

roma ja ri iwachijilal ri ek'o pan iwi'; kan achi'el ri Cristo ri k'o pa qawi' qonojel ri qakuquban qak'u'x rik'in. Ja rija' k'a ri qakolonel roj, y niqanimaj rutzij, achi'el ri ruch'akul jun wineq nunimaj ri ruch'obonik.

San Lucas 20:16

Rija' xtipe k'a y xkerukamisaj ri qajoy taq ulew ri', y ri rulew xtuya' chik kan pa qajik chike ch'aqa' chik, xcha' ri Jesús. Toq ri winaqi' kak'axan chik qa ronojel re', xkibij: ¡Man ta jun bey xtibanatej keri'!, xecha'.

Gálatas 6:14

Y nej k'a k'o-wi chuwe yin, chi ninben ta achi'el ri nikiben rije', roma yin man ninkanoj ta nuq'ij. Yin xa kan xaxe-wi ri qajaw Jesucristo ri xken ri ninya' ruq'ij. Y jak'a chuqa' rija' ri banayon chuwe chi xiken yan chikiwech ri ch'obonik aj-ruwach'ulew. Y re ch'obonik re' xeken yan chuqa' chinuwech yin.

Gálatas 3:21

¿Y yojtikir kami niqabij chi ri Dios xuya' ri pixa' richin xuyoj ta ri rusujun kan? Man keri' ta. Jak'a wi ta ri pixa' xtikir ta xuya' k'aslen, ja ta ri pixa' ri' ri nibanon chiqe chi man jun qamak yojk'ulun chuwech ri Dios.

Gálatas 2:17

Roj xqakuquba' qak'u'x rik'in ri Cristo richin chi man jun qamak yojk'ulun chuwech ri Dios. Y roma ri' xq'alajin chi roj man xqataqej ta ri pixa'. Jak'a man yojtikir ta niqabij chi ja ri Cristo ri xobanon-qa aj-maki' chiqe. Man keri' ta.

1 Corintios 6:13

Y ek'o ch'aqa' chik nikibij chi ri Dios xuben ri wey richin ri qapan y ri qapan richin chi nuk'ul ri wey; ri' qitzij wi. Jak'a xtapon ri q'ij chi ronojel ri' xa xtik'is. Jak'a roj man keri' ta. Ri ajaw Dios kan xojruben richin chi xojok richin rija' y rija' qichin roj. Man nrajo' ta chi ri achi'a' y ri ixoqi' nikikanola-ki' richin yemakun.

Romanos 7:13

¿Xtinbij ta k'a chi ri utzilej pixa' nuk'en-pe kamik chuwe? Man keri' ta. Jak'a ri mak xukusaj ri utz richin xuk'en-pe ri kamik. Y rik'in ri' xuk'ut k'a chinuwech achike ri' ri mak. Keri' ri mak xukusaj ri pixa' richin niq'alajin chi ri mak kan itzel-wi.

Romanos 7:7

Y rik'in juba' niq'ax chiwech chi ri pixa' itzel, jak'a xa man keri' ta. Roma ri pixa' nik'atzin richin nuq'alajirisaj ri mak. Wi man ta k'o ri pixa' yin man ta wetaman achike ri' ri mak, achi'el toq nubij:*f14* Man tirayij chi iwik'in ta rix k'o-wi ri k'o kik'in ri iwachpochel.

Romanos 6:15

¿Achike k'a nel chi tzij ri xqabij? ¿Kan jantape' ta k'a xqojmakun xaxe roma ja ri rutzil ri Dios ri nikolon qichin, y man ja ta ri pixa'?

Romanos 6:2

¡Man keri' ta! Roma roj man niqak'axaj ta toq ri mak yojroyoj, roj xa oj achi'el kaminaqi' chire ri mak. Wi keri', ¿achike k'a roma k'a ojk'o na chupan ri mak?

Romanos 3:31

¿Nich'ob rix chi ri yojniman ri Jesús niqaben chire ri pixa' chi man jun rejqalen? ¡Man keri' ta! Roma roj kan niqaya-wi rejqalen ri pixa'.

Wuj Richin ri Rutikeribel 44:17

Y ri José xubij chike: Man ruk'amon ta chi keri' ninben. Xaxe achoq ik'in xilitej-wi ri qumbel xtok kan nusamajel y xtixime' kan pa samaj wik'in. Rix kixtzolin pa rachoch ri itata' rik'in uxlanibel-k'u'x, xcha'.

Romanos 3:6

Jak'a man keri' ta, roma wi ri Dios man ta choj, ¿nitikir kami nuq'et-tzij pa ruwi' re ruwach'ulew?

1 Corintios 6:3

¿Man iwetaman ta k'a chi xtapon ri q'ij toq roj xtiqaq'et-tzij pa kiwi' ri ángel? Y wi keri', ¿achike k'a roma man yixtikir ta yixq'aton-tzij pa kiwi' oyowal ri yebanatej chi'ikojol chupan re ik'aslen wakami?

1 Corintios 6:17

Jak'a ri jun rubanon rik'in ri ajaw, keri' chuqa' ri ránima kan k'o rik'in rija'.