1 Corintios 6:13 - Kaqchiquel Bible

¹³ Y ek'o ch'aqa' chik nikibij chi ri Dios xuben ri wey richin ri qapan y ri qapan richin chi nuk'ul ri wey; ri' qitzij wi. Jak'a xtapon ri q'ij chi ronojel ri' xa xtik'is. Jak'a roj man keri' ta. Ri ajaw Dios kan xojruben richin chi xojok richin rija' y rija' qichin roj. Man nrajo' ta chi ri achi'a' y ri ixoqi' nikikanola-ki' richin yemakun.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Ekꞌo chuqaꞌ ngebꞌiꞌin chi ri ndiqakꞌux, kin chin wi ri qapan, y ri qapan chin ri ndiqakꞌux, ngechajeꞌ. Riꞌ qetzij, pero chi kaꞌiꞌ kin xtukꞌis kiqꞌij ri Dios, y nibꞌij chiwa chi ri qa-cuerpo ma chin ta ndiqakꞌamalaꞌ qa qiꞌ xa achoq na ikꞌin chin ndiqabꞌen mak, porque ri qa-cuerpo chin ri Ajaw, y ri Ajaw chin ri qa-cuerpo.

Kaqchikel Santa Maria de Jesus

¹³ Y can ketzij ri niꞌeꞌx chi ri vay richin ri kapan y ri kapan richin ri vay. Pero xtalka ri kꞌij chi ri Dios xtuꞌon chica ri kapan y ri vay chi xcaꞌqꞌuis. Mareꞌ ri ka-cuerpo man otz ta nicꞌujieꞌ riqꞌuin jun chic y xa man oj-cꞌulan ta riqꞌuin. Ri ka-cuerpo can richin ri Ajaf Dios y jajaꞌ can richin ri ka-cuerpo.

Kaqchikel Central Guatemala

¹³ Y ri niquibij rije' chi ri Dios xuben ri vey richin ri kapan y ri kapan richin chi nuc'ul ri vey, ri' kitzij vi. Pero xtapon ri k'ij chi ronojel ri' xa xtiq'uis can, roma ri Dios can queri' xuben chique. Jac'a roj man que ta ri'. Ri Ajaf Dios can xojruben richin chi yojoc richin rija' y rija' kichin roj. Y man xojruben ta richin chi nikac'uaj jun itzel c'aslen. Man nrajo' ta chi ri achi'a' y ri ixoki' niquicanola-qui' richin yemacun.

Re C'ac'a Testamento pa Kach'abal

¹³ Y re niquibij reje' che re Dios xuban re vay chin re kapan y re kapan can chin-va che nuc'ul re vay, re' can katzij-va. Pero re kapan y re vay xa can xtapon-va re k'ij tak re Dios xtuban chique che xque'q'uis. Re Ajaf Dios can xojruban chin che yojoc richin reja' y reja' ndoc kachin yoj. Y man xojruban-ta chin che nakac'uaj jun itzel c'aslen. Man nrajo-ta che re achi'a' y re ixoki' niquicanola-qui' chin ye'macun.

Kaqchikel Western Solola

¹³ Y can kitzij wi ri nibix chi ri kaway riche (rixin) chi nunojsaj ri kapan y ri kapan riche (rixin) chi nuc'ul ri kaway. Pero xtapon na jun k'ij tek ri cosas ri' xa xqueq'uis, ruma ri Dios can que wi ri' xtuben chique. Yac'a ri Ajaf Dios xuya' ri kach'acul riche (rixin) chi ntoc riche (rixin) Riya' y ri Ajaf ntoc kiche (kixin) riyoj. Y ma xuya' ta ri kach'acul riche (rixin) chi nikacusaj chubanic ri mac, ma que ta ri'. Ma nrajo' ta chi ri achi'a' y ri ixoki' ri xa ma quic'ulaj ta qui' niquicanoj qui' riche (rixin) chi yemacun.

1 Corintios 6:13 ပူးပေါင်းရင်းမြစ်များ

1 Corintios 6:19

¿Man iwetaman ta k'a chi rix ix rachoch chik ri Loq'olej Espíritu? Rija' peteneq rik'in ri Dios, y pa taq iwánima k'o-wi. Y roma ri' ri ich'akul kan man iwichin ta chik rix.

1 Corintios 3:16

¿Man iwetaman ta k'a rix chi ix achi'el jun rachoch ri Dios, y chi ri Loq'olej Espíritu richin ri Dios k'o iwik'in?

Romanos 6:12

Roma ri' kan man k'a tiqaya' q'ij chi ri mak nik'oje' pa qak'aslen chi nibin chiqe ri k'o chi niqaben. Qetaman chi xqojken, y roma ri' man tiqaya' q'ij chi ja ri itzel taq rayinik ri ye'uk'uan qichin.

1 Corintios 6:15

¿Man iwetaman ta k'a chi rix xa jun ibanon rik'in ri Cristo, achi'el xa ta ix ruch'akul? Y wi kan jun ibanon rik'in, ¿utz kami chi nich'er-iwi' rik'in rija' y nitun-iwi' rik'in jun ixoq ri itzel ruk'aslen? kan man utz ta.

Efesios 5:23

roma ja ri iwachijilal ri ek'o pan iwi'; kan achi'el ri Cristo ri k'o pa qawi' qonojel ri qakuquban qak'u'x rik'in. Ja rija' k'a ri qakolonel roj, y niqanimaj rutzij, achi'el ri ruch'akul jun wineq nunimaj ri ruch'obonik.

San Mateo 15:17

¿Kan man niq'ax ta k'a chiwech chi ri nutej-qa ri wineq xa choj pa rupan nibe-wi y k'ari' nel-el?

Romanos 14:17

Roma, ri rajawaren ri Dios man wa'in y qumuj ta. Ri nik'atzin ja ri niqak'uaj jun k'aslen choj y k'o uxlanen y kikoten pa taq qánima roma k'o ri Loq'olej Espíritu qik'in.

Romanos 12:1

Wach'alal, roma janila nim ri rutzil ri Dios ri rubanon qik'in, achi'el ri k'a juba' tiqanataj-qa, nink'utuj utzil chiwe chi tijacha' ri ik'aslen pa ruq'a' rija', achi'el jun kamelabel ri kan k'es, loq'olej y kan niqa' chuwech ri Dios. Keri' nik'atzin richin niya' ruq'ij.

2 Corintios 11:2

Kan yixinchajij-wi k'a rik'in ri ik'aslen achi'el nuben ri Dios iwik'in. Yin ninwajo' chi rix yixapon ta rik'in ri Cristo rik'in jun k'aslen ch'ajch'oj, achi'el ta jun xten ri kan ch'ajch'oj y nibek'ule' yan rik'in jun ala' ri xtok rachijil.

2 Corintios 5:15

Rija' kan qoma wi k'a qonojel toq xken, richin chi man xaxe ta oj k'es qoma roj, xa kan richin yojk'ase' roma ri xken y xk'astej qoma roj.

Romanos 7:4

Wach'alal, kan keri' chuqa' nibanatej qik'in roj. Achi'el ta kan xojken rik'in ri Cristo, toq rija' xken. Y roma ri' man ojk'o ta chik chuxe' ri pixa'; xa kan oj richin chik ri Cristo, ri xk'astej-pe. Y roma oj richin chik ri Cristo, yojtikir yojk'ase' achi'el nrajo' ri Dios.

San Juan 6:49

Ri iwati't-imama' xkitej ri aj-chikajil-wey toq xeq'ax pa tz'iran ruwach'ulew, jak'a xa konojel xeken.

San Juan 6:27

Kan kixsamej k'a, jak'a man richin ta chi nich'ek ri wey ri xa nik'is. Xa kan kixsamej richin nich'ek ri wey ri nuya' ik'aslen ri man k'isel ta, wey ri xtinya' chiwe, yin ri xiqaqa-pe achi'el wineq chi'ikojol. Y ja yin ri xiruteq-pe ri nata' Dios, richin ninben re samaj re', xcha'.

Marcos 7:19

Ronojel ri nutej-qa ri wineq xa man pa ránima ta nibe-wi, xa pa rupan nibe-wi y k'ari' nel-el, xcha'. Roma keri' xubij ri Jesús, niq'alajin chi ronojel ri e tijel kan e ch'ajch'oj-wi.

San Mateo 15:20

Y ronojel k'a ri banobel ke taq ri' jari' ri nibanon chire jun wineq chi nok man ch'ajch'oj ta. Jak'a ri nuben ri wineq chi man ruch'ajon ta ruq'a' nutej-qa ruway, achi'el nikibij rije'; ri' man nuben ta chi rija' nok man ch'ajch'oj ta, xcha' ri Jesús.

Gálatas 5:24

Keri', qonojel k'a ri oj richin chik ri Cristo, achi'el ta kan xojbajix rik'in rija', richin roj xeqaya' kan ri itzel taq rayinik.