1 Corintios 5:2 - Kaqchiquel Bible

² Man rik'in ri' rix kan janila inimirisan-iwi'. Pa ruk'exel ri' kan ruk'amon ta chi yixbison y yixoq' ta roma ri rubanon ri qach'alal ri'; y niwelesaj ta el chi'ikojol.

နောက်ထပ်ဗားရှင်းများ

Kaqchikel Santo Domingo (Xenacoj)

² Y rix xa ndinimrisalaꞌ iwiꞌ. Xa más ta utz ngixbꞌison roma ri keriꞌ ndajin, y xiwelesaj yan ta e ri ndajin rikꞌin ri mak riꞌ.

Kaqchikel Santa Maria de Jesus

² ¡Y cꞌa ntinaꞌ chi ix nimaꞌk tak vinak! Más otz quixbꞌisuon y quixuokꞌ y tivalasaj-el chicajol ri chica xbꞌano quireꞌ.

Kaqchikel Central Guatemala

² ¿Man cami ruc'amon ta chi más utz yixbison y yixok' roma ri rubanon ri kach'alal ri' y nivelesaj ta el chi'icojol? Pero rix pa ruq'uexel chi que ta ri' niben, xa man jun chivech. Achi'el man jun banatajinek chi'icojol.

Re C'ac'a Testamento pa Kach'abal

² Mare' otz che yixbison y yixok' roma re rubanabal re jun hermano re', y can-ta xilisaj-yan-a chi'icojol. Pero yex pa ruq'uixel che quire-ta ibanon cha, xa can nina' che camas ik'ij. Can ancha'l che man jun cosa banatajnak chi'icojol.

Kaqchikel Western Solola

² ¿La ma utz ta cami chi yixbison y yixok' ruma ri rubanon ri jun kach'alal ri' y niwelesaj ta el chicojol? Yac'a riyix can inimirisan iwi', xa can niben chi achi'el xa ta majun banatajnek chicojol.

1 Corintios 5:2 ပူးပေါင်းရင်းမြစ်များ

2 Rey 22:19

Ri awánima xok ch'uch'uj y xaqasaj-awi' chinuwech toq xawak'axaj ri nubij ri wuj chirij re tinamit re' y chikij ri winaqi' ri ek'o chupan. Rat kan janila xabison toq xawak'axaj chi kan man jun chik wineq xtik'oje' kan y ri ruwach'ulew kan xtik'is. Kan xaretz ri atziaq chawij y xatoq' chinuwech, y yin kan xatinwak'axaj.

Wuj Richin Bix Chire ri Dios 119:136

Yin kan yinoq' k'a roma q'axo'n, roma yentz'et ri winaqi' chi man nikitaqej ta ri apixa'.

Wuj Richin ri Jeremías 13:17

Roma wi rix man xkixniman ta, yin kan xkinoq'. Kan xtibiyin k'a ri ruya'al taq nuwech, roma kan xkixuk'uex-el pa ximonri'il, rix ri ix tzobaj richin ri Jehová, xicha'.

Ez 9:4

Y xubij chire chi tibe chukojol ri tinamit y tuya' ketal nik'aj-kiwech ri winaqi' ri yebison y yejilon, roma ri itzel taq banobel ri yekiben ch'aqa' chik winaqi' chiri', ri kan nrixowaj rija'.

Ez 9:6

Xubij chi kekikamisaj k'a chi rijita'q, chi xtani', chi alaboni', chi ixoqi', chi ak'uala'; jak'a man jun tikiben kan chike ri winaqi' ri k'o ketal. Rije' xkichop k'a kikamisaxik ri achi'a' ri k'o kiq'ij ri ek'o chupan ri rachoch ri Jehová.

Wuj Richin ri Q'axanri'il 25:6

Y k'o k'a jun achin israelita ri ruk'uan-apo jun ixoq aj-Madián y choj xq'ax-el chuwech ri Moisés y chikiwech konojel ri israelita, rokik rije' ye'oq' chuchi' ri rachoch ri Dios richin molojri'il.

1 Corintios 4:18

Yin wetaman chi chi'ikojol rix ek'o qach'alal ri nikich'ob chi yin man yinapon ta chik iwik'in. Y roma ri' janila kiq'ij nikina'.

1 Corintios 5:13

Ri winaqi' ri man kikuquban ta kik'u'x rik'in ri Cristo, ja ri Dios ri niq'aton-tzij pa kiwi'. Jak'a ri qach'alal ri k'o chi'ikojol y najin chubanik ri etzelal, nik'atzin chi tiwelesaj-el chi'ikojol.

2 Corintios 12:20

Roma yin ninna' chi toq xkinapon ri chila' iwik'in, achi'el xa man ix beneq ta achi'el ri woyoben yin. Y ninna' chuqa' chi itzel xtina' chuwe roma man ninbenbana' ta chik iwik'in achi'el ri iwoyoben rix. Rik'in juba' xa ninbenwila' chi'ikojol rix oyowalen, ch'upun-k'u'x, ek'o ri janila ye'oyower, ich'aralon-iwi', k'o itzel taq tzij ye'ibila' chikij ch'aqa' chik, yixch'on chikij ch'aqa' chik, man jun kiq'ij niben chike ri ch'aqa' chik qach'alal, y ek'o chuqa' banobel ri ye'iben ri xa man jun rubeyal.

2 Corintios 12:21

Ri ninpoqonaj k'a yin chupan re jun chik bey re yinapon iwik'in, ja wi rik'in juba' ri Dios nuqasaj nuq'ij chiwech rix y nuben chuwe chi yinoq' roma ri ibanobal rix; roma rik'in juba' xtinbenwila' chi k'a e k'iy qach'alal ri k'a ek'o na pa mak y man tzolejineq ta pe kik'u'x. Ri achi'a' y ri ixoqi' xa k'a nikikanola' na ki' richin yemakun.