1 Corintios 5:13 - Kaqchiquel Bible

¹³ Ri winaqi' ri man kikuquban ta kik'u'x rik'in ri Cristo, ja ri Dios ri niq'aton-tzij pa kiwi'. Jak'a ri qach'alal ri k'o chi'ikojol y najin chubanik ri etzelal, nik'atzin chi tiwelesaj-el chi'ikojol.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Jakꞌa ri ndiqꞌato tzij pa kiwiꞌ ri wineq ma kitaqin ta ri Ajaw, ja ri Dios. Pero rix tiwelesaj e chiꞌikajal ri jun ri rukꞌuan qa riꞌ rikꞌin ri rukan ruteꞌ.

Kaqchikel Santa Maria de Jesus

¹³ Ri vinak ri man quiniman ta y man chicajol ta icꞌo-ve, ja ri Dios xtibꞌano juzgar quichin. Pero ri hermano reꞌ ri cꞌo chicajol y nuꞌon pecado, tivalasaj-el chicajol.

Kaqchikel Central Guatemala

¹³ Ri vinek ri man quiniman ta y man chi'icojol ta ec'o-vi, ja ri Dios ri nik'aton tzij pa quivi'. Jac'a ri kach'alal ri c'o chi'icojol y najin chubanic ri etzelal, nic'atzin chi tivelesaj-el chi'icojol.

Re C'ac'a Testamento pa Kach'abal

¹³ Re vinak re man quiniman-ta re Jesucristo y man chi'icojol-ta jec'o-va, ja re Dios re nibano juzgar quichin. Jac'a re hermano re c'o chi'icojol y ntajin chubanic re etzelal, tilisaj-a chi'icojol.

Kaqchikel Western Solola

¹³ Ri winek ri ma quiniman ta ri Jesucristo y ma chicojol ta riyix yec'o wi, ya na ri Dios ri xtik'ato tzij pa quiwi'. Yac'a ri kach'alal ri c'o chicojol ri c'o chupan ri il mac ri', rajawaxic chi tiwelesaj el chicojol.

1 Corintios 5:13 ပူးပေါင်းရင်းမြစ်များ

Deut 17:7

Ri yetz'eton ronojel chirij, ja rije' ri nabey ri yek'aqon ri abej chirij ri wineq ri nikisujuj. Y k'ari' xtuben ri tinamit richin keri' nik'is ronojel ri itzel ri k'o chi'ikojol rix.

Deut 13:5

Jak'a ri wineq ri nubij chi q'alajirisey ruch'abel ri Dios o k'o ri yerachik'ala' y xa man keri' ta, kan k'o chi nikamisaj, roma xa yixrutaqchi'ij richin nipaba-iwi' chuwech ri Jehová ri qa-Dios ri xojelesan-pe pan Egipto ri akuchi xixxime' pa samaj. Rija' xaxe k'a nrajo' yixruch'er kan chire ri bey ri rubin ri Jehová ri qa-Dios chi nitzeqelibej. Jun wineq keri' kan tikamisex richin tik'is-el ri etzelal chi'ikojol.

Deut 21:21

Jari' toq ri winaqi' richin ri tinamit nikikamisaj chi abej ri alk'ualaxel ri' y keri' nik'is-el ri etzelal ri k'o pan iruwach'ulew. Y toq xtikak'axaj k'a konojel ri qawinaq, xtikik'en rukiy.

San Mateo 18:17

Y wi ri awach'alal kan man nrak'axaj ta, y man yerak'axaj ta chuqa' rije', kan tabesujuj k'a chikiwech ri molaj awach'alal. Y toq rat abin chik chike y man rik'in ri' man niniman ta richin chi tuna' chi man utz ta ri xuben, tibana' k'a chire chi man iwach'alal ta chik.

Deut 22:24

jari' xke'uk'uex-el chi e ka'i' chuchi' ri tinamit akuchi xkek'aq chi abej y xkeken chi e ka'i'; ri xten roma man xuraqaqej ta ruchi' richin ta xto'ox, y ri achin roma xuqasaj ruq'ij ri xten ri xok ta rixjayil ri rachpochel; keri' xtik'is-el re etzelal re' chi'ikojol rix.

Deut 17:12

Jak'a wi k'o jun nupaba-ri' y man xtunimaj ta kitzij, ri wineq ri' kan xtikamisex k'a, richin keri' xtel ri itzel chukojol ri tinamit Israel.

1 Corintios 5:5

K'ari' pa rubi' k'a ri ajaw Jesús, ri achin ri xbanon keri', xtijach-el pa ruq'a' ri Satanás richin chi kan xtutej poqon y ri ru-espíritu xtikolotej toq xtipe ri ajaw Jesús.

2 Pedro 2:9

Ronojel re' nuk'ut chi ri Dios kan yerukol ri e uk'uayon jun k'aslen ri achi'el nrajo' rija' toq yek'oje' pa jun tijoj-poqonal. Jak'a ri winaqi' ri man kik'uan ta jun choj k'aslen, rija' xa yeruyek-apo richin ri q'ij toq xtiq'at-tzij pa kiwi'.

1 Corintios 5:7

Keri', tiwelesaj k'a el chi'ikojol ri mak, achi'el nelesex-el ri ch'amilej-q'or ri nich'amirisan ri kaxlan-wey; richin chi yixok achi'el ri kaxlan-wey ri banon rik'in k'ak'a' k'ej. Rix, kan qitzij, maneq imak chuwech ri Dios, achi'el toq maneq ch'amilej-q'or rik'in ri kaxlan-wey ri nitij chupan ri q'ij richin Solbelri'il. Roma ri Cristo jari' ri achi'el karne'l ri xkamisex pa qak'exel roj, chupan ri nimaq'ij ri'.

1 Corintios 5:1

Kan xetamex k'a ri mak ri banatajineq chi'ikojol rix, ¡roma k'o jun qach'alal ri xkik'en-qa-ki' rik'in ri ruyijte' ri pa jay! re banobel re', ni ri winaqi' ri man ketaman ta ruwech ri Dios man jun bey nikiben.

Romanos 2:16

Y kan keri' chuqa' xtibanatej toq ri Dios xtuben chi ri Jesucristo xtuq'et-tzij pa qawi' chire ri k'o pa qánima. Keri' nubij ri utzilej ch'abel richin kolotajik ri ninch'abalij yin.

Hebreos 13:4

Tiya' ruq'ij ri k'ulubik. Roma ri achijlonel y ri ixjayilonel man yemakun ta toq nikik'uaj-ki' chupan ri k'ulubik. Jak'a wi nikikanoj jun chik richin yek'oje' kik'in kan yemakun. Chuqa' ri man e k'ulan ta y nikikanoj jun richin yek'oje' rik'in, xa yemakun. Y ri Dios kan xtuq'et k'a tzij pa kiwi' ri keri' nikiben.

Hechos 17:31

Roma rija' kan rucha'on jun q'ij richin toq xtuq'et-tzij pa kiwi' konojel winaqi'. Rucha'on chik k'a Jun ri kan choj xtiq'aton-tzij. Ri Dios xuq'alajirisaj chi qitzij chi ri Jun ri' xtiq'aton-tzij, roma xuben chire chi xbek'astej-pe chikikojol ri kaminaqi', xcha' ri Pablo.

Wuj Richin ri Molojri'il 9:18

Ri na'oj kan más k'a rejqalen ke chuwech ri jalajoj kiwech kamisabel ri ye'ukusex pa labal. Roma toq man rik'in ta na'oj nibanatej jun banobel, kan nuyoj ronojel ri utz. Xa rik'in jun aj-mak, kan k'iy k'a ri man utz ta nuk'en-pe.

Wuj Richin Bix Chire ri Dios 50:6

K'ari' ri kaj xtuq'alajirisaj k'a ri ruchojmilal richin rija', roma kan ja ri Dios ri qitzij q'atoy-tzij.

Wuj Kichin ri To'onela' 20:13

Wakami k'a tiya' q'ij chiqe chi yeqachop ri itzel taq achi'a' ri ek'o chiri' pa Guibeá, richin yeqakamisaj, y keri' nich'ajch'ojir ri qatinamit Israel chire re mak re', xecha'. Jak'a ri aj-Benjamín man xkajo' ta xkak'axaj ri kich'abel ri kach'alal.

1 Corintios 5:2

Man rik'in ri' rix kan janila inimirisan-iwi'. Pa ruk'exel ri' kan ruk'amon ta chi yixbison y yixoq' ta roma ri rubanon ri qach'alal ri'; y niwelesaj ta el chi'ikojol.