1 Corintios 4:4 - Kaqchiquel Bible

⁴ Yin ninna' chi kan jebel nubanon chire ri samaj. Jak'a man roma ta ri' yitikir ninbij chi ronojel ri nubanon, kan utz. K'a ja ri Cristo ri xtitz'eton ri nusamaj, y xtubij wi utz xinben chire ó xa man utz ta.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Porque maske ri wánima maneq ndubꞌij chuwa chi ma utz ta nubꞌanun chare ri samaj jachon pa nuqꞌaꞌ, pero riꞌ ma ndel ta chi tzij chi utz nubꞌanun chare, xa kin kꞌaja na ri Ajaw ndibꞌiꞌin si utz o ma utz ta.

Kaqchikel Santa Maria de Jesus

⁴ Inreꞌ ninaꞌ chi otz nubꞌanun cha ri samaj. Pero man ruma ta reꞌ nquitiquir niꞌej chi nojiel ri nubꞌanun, can otz. Ja ri Ajaf ri xtiꞌeꞌn xa otz xinꞌan cha o xa man otz ta.

Kaqchikel Central Guatemala

⁴ Yin ninna' chi can jebel nubanon chire ri samaj. Pero man roma ta ri' yitiquir ta ninbij chi ronojel ri nubanon, can ta utz. Ja ri Ajaf ri xtitz'eton ri nusamaj y ja rija' ri xtibin vi utz xinben chire o xa man utz ta.

Re C'ac'a Testamento pa Kach'abal

⁴ Yen nina' che can otz nbanon cha re samaj. Pero man roma-ta re' che yintiquir nimbij che ronojel re nbanon, camas otz. Y can jac'a re Ajaf re xtitz'eto re nusamaj y ja reja' re xtibin vo xa otz ximban cha o xa man otz-ta.

Kaqchikel Western Solola

⁴ Riyin nuna' ri wánima chi utz ri yitajin chubanic. Pero ma riq'ui ta ri' yicowin nbij chi can utz yitajin chubanic, ma que ta ri', ya c'a ri Ajaf ri xtibin.

1 Corintios 4:4 ပူးပေါင်းရင်းမြစ်များ

Wuj Richin ri Achin Job 15:14

Jun wineq xa man jebel ta rubanik ri ruk'aslen, richin chi kan ch'ajch'oj ta. Jun wineq kan etaman k'a ri' chi jun ixoq ri xalan richin chuwech re ruwach'ulew.

Wuj Richin ri Achin Job 25:4

¿Kan nitikir kami nubij jun wineq chire ri Dios chi man aj-mak ta? Roma ri wineq xa aj-ruwach'ulew y kan wawe' chuqa' alaxineq-wi, xa roma ri' kan man ch'ajch'oj ta.

Wuj Richin ri Achin Job 27:6

Ri ruchojmilal ri nuk'aslen, kan nuchapon kow y man xtinya' ta kan rubanik; keri' ri wánima kan man jun k'a achike ta xtubij chuwe chire ri nubanobal ri q'axineq kan.

Wuj Richin ri Achin Job 40:4

Yin xa man jun ok ri wetamabal, man ninwajo' ta chi nojin man nojin ri yenbij-apo chawe; xa más utz nintz'apej re nuchi' rik'in re nuq'a'.

Wuj Richin ri Achin Job 9:20

Yin kan choj-wi ri nuk'aslen, y xa roma ja yin ri yibin, rik'in juba' chuwech ri Dios man keri' ta. Ri nuk'aslen kan ch'ajch'oj k'a, jak'a ri Dios rik'in juba' xa itzel nutz'et ri nuk'aslen.

Wuj Richin Bix Chire ri Dios 130:3

Jehová, wi ta rat atz'iban ta ronojel ri qamak, ¿achike ta k'a xtitikir xtipa'e' chawech?

Wuj Richin Bix Chire ri Dios 143:2

Man yinaya' pa latz', yin ri in asamajel; roma man jun ri ruyon ta xtuben-qa chi man aj-mak ta chawech rat.

Wuj Richin Bix Chire ri Dios 19:12

¿Achike ta k'a wineq ri nitikir nutz'et-qa-ri' chire ri man ja ta ri yeruben? Roma ri' tabana' utzil Jehová, takuyu' ri numak ri kan man yitikir ta nintz'et-qa yin.

Wuj Richin Bix Chire ri Dios 26:12

Yin kan in jikil chawech, roma ri' kan xtinya' aq'ij chikiwech ri nuwinaq.

Wuj Richin Bix Chire ri Dios 50:6

K'ari' ri kaj xtuq'alajirisaj k'a ri ruchojmilal richin rija', roma kan ja ri Dios ri qitzij q'atoy-tzij.

Wuj Richin Etamabel-Tzij 21:2

Ronojel rubeyal k'aslen, kan e choj yeq'alajin chuwech ri wineq; jak'a ri Jehová nupej y nutzu', achike roma toq ri ránima ri wineq xurayij ri bey ri ruk'uan.

Wuj Richin Etamabel-Tzij 29:26

E janila winaqi' ri nikiben chi utz yetz'et koma ri ek'o pa kiwi', richin chi man jun nikik'uluwachij, y man noqaqa ta chikik'u'x chi ri xtiq'aton-tzij pa kiwi' konojel ri winaqi', ja ri Jehová.

San Juan 21:17

Y pa rox bey, ri Jesús xubij chik chire: Rat Simón ri ruk'ajol ri Juan, ¿kan yinawajo'?, xcha'. Ri Pedro kan q'alaj wi k'a chi xpe bis pa ránima, roma ja yan ri' ri rox bey ri xk'utux chire roma ri Jesús. K'ari' ri Pedro xubij: Wajaw, rat kan ronojel k'a awetaman. Kan awetaman k'a chi yatinwajo', xcha'. Y ri Jesús xubij chik chire: Kan ke'ayuq'uj y ke'achajij k'a ri nukarne'l.

Hechos 23:1

Ri Pablo xerutzu' k'a ri achi'a' ri kan pa komon wi yeq'aton-tzij, y xubij chike: Achi'a' ri ix nuwinaq yin, kan man jun k'a achike ta nuna' ri wánima, roma ri nuk'aslen chuwech ri Dios kan choj k'a rubanon-pe, xcha'.

Romanos 2:13

Ri Dios man nuben ta chi ri winaqi' man jun kimak yek'ulun chuwech xaxe roma rije' nikak'axaj ri nubij ri pixa'. Jak'a nuben chi man jun kimak yek'ulun chuwech wi kibanon ronojel ri nubij.

Romanos 4:2

Rija' man jun rumak xk'ulun chuwech ri Dios, jak'a man roma ta ri utz ri xerubanala'. Wi ta roma ri', xtikir ta xunimirisaj-ri'. Jak'a ri Dios nubij chi man roma ta ri' toq ri Abraham choj xk'ulun chuwech.

1 Corintios 4:3

Roma ri' man jun wineq ri xtitikir xtibin wi utz ri nusamaj ó xa man utz ta. Roma wi utz ó man utz ta nitz'et ri nusamaj, chuwe yin man jun nuben. Y stape' ta jun q'atoy-tzij ri nitz'eton ri nusamaj, man jun chuqa' nuben chuwe, ni yin man yitikir ta ninbij-qa wi utz ó man utz ta ri nusamaj.

1 Corintios 4:5

Roma ri' rix man kixnabeyej yan chuq'atik tzij. Nik'atzin chi tiwoyobej na ri q'ij toq xtipe chik jun bey ri Cristo Jesús. Rija' kan xkerelesaj-pe chuwa-saqil ri banobel ri man yeq'alajin ta y xkeruq'alajirisaj-pe ri achike k'o pa taq qánima. Y ri Dios jari' toq xtubij chiqe chiqajujunal roj chi utz ri xeqabanala'.

2 Corintios 1:12

Ri kikoten ri k'o qik'in roj wakami, kan roma qetaman chi ri qabanobal kan rik'in wi ch'ajch'oj qánima yeqaben, y kan qitzij wi chuwech ri Dios. Man qana'oj ta k'a roj ri niqakusaj, xa kan ja ri na'oj ri qak'ulun rik'in ri Dios. Kan keri' ri qak'aslen ri qak'utun chikiwech ri ek'o chuwech re ruwach'ulew, y más chiwech rix.

2 Corintios 5:10

Niqaben re' roma kan qonojel roj k'o chi yojapon na chuwech ri ruq'atbal-tzij ri Cristo, y chiqajujunal niqak'ul na k'a rajel-ruk'exel ri qabanobal toq xojk'oje' chupan re ch'akulaj chuwech re ruwach'ulew; wi utz xqaben o man utz ta.