1 Corintios 4:14 - Kaqchiquel Bible

¹⁴ Ronojel ri xinbij, man richin ta k'a ninya' ik'ix. Xaxe roma ninwajo' yixinpixabaj, roma kan ix achi'el walk'ual ninna' yin, y janila yixinwajo'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Re nitzꞌibꞌaj chiwa, ma chin ta ngixinkꞌixbꞌisaj, xa chin ngixinpixabꞌaj, roma ngixinwojoꞌ achel jun tataꞌatz ngerajoꞌ ri ralkꞌuaꞌl.

Kaqchikel Santa Maria de Jesus

¹⁴ Ri nitzꞌibꞌaj chiva, man richin ta chi niyaꞌ iqꞌuix. Xa richin nquixchꞌolij, ruma ixreꞌ can ix incheꞌl valcꞌual y altíra nquixvajoꞌ.

Kaqchikel Central Guatemala

¹⁴ Ronojel ri xinbij man richin ta c'a ninya' iq'uix. Man que ta ri'. Xaxe ninvajo' yixinpixabaj juba', roma can ix achi'el valc'ual ninna' yin, y janíla yixinvajo'.

Re C'ac'a Testamento pa Kach'abal

¹⁴ Ronojel re ximbij man chin-ta che ninya' iq'uex, xaxe chin che yiximpaxabaj, roma yex can ancha'l che yix vajc'ual nina' yen, y camas yixinjo'.

Kaqchikel Western Solola

¹⁴ Ronojel re xtintz'ibaj el chiwe ma riche (rixin) ta c'a chi nya' (ntzek) iq'uix. Ma que ta ri'. Xaxu (xaxe wi) nwajo' yixinpixabaj juba', ruma can yix achi'el tak walc'ual nna' riyin, y sibilaj yixinwajo'.

1 Corintios 4:14 ပူးပေါင်းရင်းမြစ်များ

Ez 3:21

Jak'a wi ta rat xtabij chire chi man chik timakun y rija' xq'ax chuwech chi man utz ta ri xuben, rija' man xtiken ta k'a, roma kan xunimaj ri xabij chire y rat chuqa' xkakolotej, xcha'.

Hechos 20:31

Roma ri', kan tichajij-iwi'. Toqaqa chi'ik'u'x chi yin oxi' juna' ri xik'oje' iwik'in, y jantape' xixinwoq'ej y xixinpixabaj chi'ijujunal.

1 Corintios 15:34

Titzolin-pe ik'u'x, y man chik kixmakun. Rix kan ruk'amon k'a chi yixk'ix-qa, roma chi'ikojol k'a ek'o ri man ketaman ta ruwech ri Dios.

1 Corintios 4:15

Rix xikuquba' ik'u'x rik'in ri Cristo Jesús roma ri ch'abel ri xintzijoj chiwe, y roma ri' yin xinok achi'el jun tata'aj chiwe rix. Y stape' ta e janila ri yetijon iwichin chirij ri Cristo, man xtik'oje' ta k'iy itata'.

1 Corintios 4:17

Roma ri' xinteq-el ri qach'alal Timoteo iwik'in, richin nunataj chiwe ri achike rubanikil ri k'aslen rik'in ri Cristo. Yin yalan ninwajo' ri Timoteo, y rija' kan achi'el walk'ual. Y achi'el xtubij rija' chiwe chi nik'atzin chi rix nik'uaj jun k'aslen utz, keri' chuqa' ninbij yin chike konojel ri molaj qach'alal.

1 Corintios 6:5

Ninbij keri' chiwe richin kixk'ixbitej. ¿Kan man jun k'a qach'alal chi'ikojol ri k'o ta na'oj rik'in, richin nuchojmirisaj jun ch'ojikil chiwech rix?

1 Corintios 9:15

Jak'a yin man jun ri nuk'utun ta chiwe, y chuqa' man ninbij ta ronojel re' richin kiniwilij. Roma chuwe yin, más ta utz yiken ke chuwech nikelesaj ri kikoten ri k'o wik'in richin man nink'utuj ta rajel ri nintzijoj chiwe ri utzilej ch'abel richin kolotajik.

2 Corintios 11:11

¿Achike k'a roma kere' ninbij chiwe? ¿Roma kami chi yin man yixinwajo' ta? Man keri' ta, roma ri Dios retaman chi yin kan yixinwajo-wi.

2 Corintios 12:19

¿Nich'ob rix chi rik'in ri ch'abel ri xqabij-qa yojtajin chiqato'ik-qi' chiwech? Ni, roma kan chuwech ri Dios ninbij chi xojch'on keri' iwik'in, roma jun qabanon rik'in ri Cristo. Kan richin k'a yixqato' roma janila yixqajo', y richin kan yixk'iy ta rik'in ri ik'aslen.

2 Corintios 7:3

Ronojel ri xinbij chiwe man richin ta chi yich'olin chiwij. Roma rix kan jantape' ixk'o pa qánima, y man jun xtelesan ri ajowabel ri' qik'in. Ni ri kamik man xtitikir ta xtrelesaj, ni xabachike ri niqak'uluwachij chupan re k'aslen re'.

Colosenses 1:28

Roj kan ja ri Cristo ri niqaq'alajirisaj. Niqabij chike konojel chi tikiya' kan ri mak, y rik'in ronojel etamabel yeqatijoj konojel, roma niqajo' chi kan tz'aqet ta ri kik'aslen toq ye'apon-q'anej rik'in ri Dios.

1 Tesalonicenses 2:11

Rix iwetaman chi roj kan qakuquban ik'u'x, kan ixqato'on, achi'el nuben jun tata'aj chike ri ralk'ual y qaya'on pixabanik chiwe, richin chi tik'uaj jun k'aslen utz achi'el ruk'amon nikiben ri e ralk'ual chik ri Dios, roma rija' xojroyoj richin yojok pa rajawaren ri akuchi k'o-wi ruq'ij-ruk'ojlen.

1 Tesalonicenses 5:14

Chuqa', qach'alal, ke'ipixabaj ri qach'alal ri k'o kiq'oral. Y ri qach'alal ri xa ka'i' kik'u'x rubanon, tikuqubala' kik'u'x. Y ri man jani k'o ta kuchuq'a' jebel chupan ri kik'aslen rik'in ri Jesucristo, kan ke'itola'. Y chuqa' ke'ikoch'ola' konojel.

2 Tesalonicenses 3:14

Wi k'o jun ri man nrajo' ta nuben ri xqabij yan qa, titz'eta' k'a achike ri' richin nich'er-el-iwi' rik'in y keri' nik'ixbitej.

Filemón 1:10

Nink'utuj utzil chawe pa ruwi' ri Onésimo, ri achi'el nuk'ajol, roma rija' xukuquba' ruk'u'x rik'in ri Jesucristo re wawe' pa cárcel toq yin xintzijoj ri kolotajik chire.

1 Juan 2:1

Rix ri kan ix achi'el walk'ual, nintz'ibaj yan k'a el ronojel re' chiwe richin man kixmakun. Jak'a wi k'o jun ri xtimakun chiwe, k'o jun ri nik'utun chire ri Tata'ixel richin tikuy rumak. Y ri' ja ri Jesucristo, ri kan choj wi.

3 Juan 1:4

Y ronojel bey toq ninwak'axaj chi ri qach'alal ri e achi'el walk'ual kan qitzij kojqan ri ruch'abel ri Dios, yalan kikoten nuya' pa wánima.