1 Corintios 4:10 - Kaqchiquel Bible

¹⁰ Chikiwech ri winaqi' richin ri ruwach'ulew, roj xa oj nakaneq chupan ri rusamaj ri Cristo. Jak'a rix kan ix nowineq-wi rik'in ri Cristo. Chikiwech rije', roj xa maneq quchuq'a'. Jak'a rix kan janila wi iwuchuq'a'. Chikiwech rije', roj xa man jun qaq'ij. jak'a rix janila iq'ij.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Roj roma ndiqajoꞌ ri Cristo, achel roj nakaneq ngojtzꞌetetej, jakꞌa rix santienta inojibꞌal roma itaqin ri Cristo. Roj xa ma jun qeqalen ngojtzꞌetetej, jakꞌa rix santienta iweqalen. Roj ngojtzeꞌex, jakꞌa rix kin ndinimrisex ibꞌiꞌ.

Kaqchikel Santa Maria de Jesus

¹⁰ Chivach ixreꞌ, ojreꞌ can oj-nacanak ruma nakaꞌan ri rusamaj ri Cristo, y ixreꞌ can altíra inoꞌj iviluon riqꞌuin ri Cristo. Chivach ixreꞌ, ojreꞌ manak kachukꞌaꞌ, y ixreꞌ can altíra ivuchukꞌaꞌ. Ojreꞌ can man jun kakꞌij, y ixreꞌ can altíra ikꞌij.

Kaqchikel Central Guatemala

¹⁰ Chivech rix, roj can oj nacanek vi c'a chupan ri rusamaj ri Cristo, jac'a rix más etamabel ic'ulun riq'uin ri Cristo. Chivech rix, roj xa manek kuchuk'a', jac'a rix can janíla vi ivuchuk'a'. Chivech rix, roj xa man jun kak'ij, jac'a rix janíla ik'ij.

Re C'ac'a Testamento pa Kach'abal

¹⁰ Chivach yex, yoj can yoj nacanak-va chupan re rusamaj re Jesucristo, jac'a yex camas na'oj ic'ulun riq'uin re Jesucristo. Chivach yex, yoj xa manak kachuk'a', jac'a yex can c'o-va más ivuchuk'a'. Chivach yex, yoj can man jun kak'ij, jac'a yex camas ik'ij nina',

Kaqchikel Western Solola

¹⁰ Chiwech ka riyix, riyoj xa can yoj nacanek c'a chupan ri rusamaj ri Cristo, yac'a riyix nibij chi can c'o ina'oj ic'ulun riq'ui ri Cristo. Chiwech riyix, riyoj xa majun oc kachuk'a', yac'a riyix nibij chi can c'o iwuchuk'a'. Riyix nibij chi can c'o ik'ij. Yac'a riyoj xa yojetzelex.

1 Corintios 4:10 ပူးပေါင်းရင်းမြစ်များ

1 Corintios 2:3

Roma ri' toq xik'oje' iwik'in, xinna' chi ri pa nuyonil-qa yin man jun yitikir ninben. Xa janila xinxibij-wi' y xibaybot.

Hechos 26:24

Jak'a ch'abel ri' ri najin chubixik ri Pablo richin nuq'alajirisaj chi rija' man jun rubanon. Jak'a ri Festo kan jari' xch'on rik'in uchuq'a', y xubij: Pablo, roma janila etamabel k'o awik'in, xa xach'ujer, xcha' chire.

Hechos 17:18

Ek'o k'a ch'aqa' achi'a' ri kan e ajowey richin etamabel ri chiri' pan Atenas, achi'a' ri nibix epicúreo*f37* chike y ch'aqa' chik ri nibix estoico chike. Yebetzijon k'a rik'in ri Pablo y nikibij chire: ¿Achike kami nrajo' nubij chiqe re jun achin re', ri xaxe niwolol?, yecha'. Ch'aqa' chik nikibila' k'a: Re achin re' achi'el xa nuya' kitzijol ch'aqa' chik dios kichin ch'aqa' chik winaqi' ri xa man e aj wawe' ta, yecha'. Keri' ri nikibij ri winaqi' ri', roma ri nutzijoj ri Pablo chike, ja ri ruch'abel ri Jesús ri nik'amon-pe kolotajik, y nubij chuqa' chike chirij ri k'astajibel kichin ri kaminaqi'.

1 Pedro 4:14

Jebel ruwa-iq'ij rix wi nibix poqon taq tzij chiwe roma itzeqeliben ri Cristo, roma re' nel chi tzij chi ri jebelej Loq'olej Espíritu richin ri Dios kan k'o iwik'in.

2 Corintios 13:9

Y roma ri' roj kan yojkikot toq rix k'o iwuchuq'a' stape' roj maneq uchuq'a' qik'in. Roj kan niqak'utuj k'a chire ri Dios chi rix ix tz'aqatineq ta rik'in ri ik'aslen.

1 Corintios 3:18

Man tiq'ol-qa-iwi'. Wi k'o jun chi'ikojol ri nuna' chi k'o na'oj richin re ruwach'ulew rik'in, tubana' k'a chi maneq ri na'oj ri' rik'in; richin keri' xtok jun qitzij aj-na'oj.

1 Tesalonicenses 4:8

Y wi k'o jun ri chi'ikojol ri xa man nrak'axaj ta ronojel ri xqabij yan qa chiwe, man ja ta roj o jun ta chik wineq ri nretzelaj ri ruch'abel. Xa kan nretzelaj ri ruch'abel ri Dios, ri xya'on-pe ri Loq'olej Espíritu qik'in.

2 Corintios 11:29

Toq jun qach'alal maneq ruchuq'a' y yawa' nuna', yin kan jari' ink'o-apo rik'in. Toq jun qach'alal nitzaq kan roma jun chik, ri wánima kan niq'axo roma ri xban chire.

2 Corintios 11:19

Kan qitzij wi chi rix wach'alal kan janila chik etamabel k'o iwik'in. Roma ri' kan rik'in kikoten ye'ik'ul xabachike ri xa man jun ketaman.

2 Corintios 10:10

Roma ek'o chiwe rix ri yetzijon chi yin toq k'o wuj yenteq-el chiwe, chupan ri' ruyon kow y poqon taq ch'abel ri yentz'ibaj-el, jak'a toq yinapon iwik'in xa maneq wuchuq'a' y maneq rejqalen ri yenbij.

1 Corintios 10:12

Roma ri' wi k'o jun qach'alal ri kan nuch'ob chi kan jebel kuqul ruk'u'x, roma ri' man nitzaq ta, xa kan nik'atzin k'a chi tuchajij-ri' jebel richin chi man nitzaq.

1 Corintios 4:8

Rix nina' chi k'o chik ronojel iwik'in, y man jun chik ri nik'atzin chiwe. Nina' chi kan k'o chik q'atbel-tzij pan iq'a', y roj man yojk'atzin ta chiwe. Jebel ta ri' wi ta kan k'o chik q'atbel-tzij pan iq'a', richin chi roj yojok ta chuqa' q'atoy taq tzij iwik'in rix.

1 Corintios 3:2

Xaxe ri tijonik ri man e k'ayew ta xinya' chiwe, roma man jani niq'ax ta chiwech ri ch'aqa' chik tijonik. Xa ix achi'el ak'uala' ri k'a yetz'uman na y man jani yetikir nikitej wey. K'a ke na ri' ibanon rix.

1 Corintios 2:14

Ri winaqi' ri man k'o ta ri Loq'olej Espíritu richin ri Dios kik'in, man niq'ax ta chikiwech ri tijonik ri e peteneq rik'in rija'. Chikiwech rije' xa kan man jun rejqalen, roma xaxe ri k'o ri Loq'olej Espíritu qik'in, ri niq'ax chiqawech y qetaman ri tijonik ri'.

Hechos 17:32

Toq ri winaqi' xkak'axaj chi k'o Jun ri xk'astej-pe chikikojol ri kaminaqi', xa xetze'en-apo chirij ri Pablo. Y ek'o xebin chire chi k'a xketzijon na chik jun bey.

Hechos 9:16

Ri janipe' tijoj-poqonal ri xtuq'axaj roma ri nubi' yin, k'a ja na yin ri xkik'utu chuwech, xcha'.

San Lucas 18:9

Ri Jesús xuya' chik k'a jun k'ambel-tzij chikiwech ri winaqi', roma ek'o chike rije' ri nikich'ob chi janila e choj, y yeketzelaj ri ch'aqa' chik. Y rija' xubij:

San Lucas 10:16

Jak'a rix nutijoxela', achike k'a wineq ri xkixruk'ul jebel richin nrak'axaj ri ich'abel, kan ja chuqa' yin ri yiruk'ul. Y ri achike k'a chuqa' ri xkixetzelan kan, ja chuqa' yin ri yiretzelaj. Y ri netzelan wichin yin, kan ja chuqa' ri Dios ri taqayon-pe wichin ri nretzelaj, xcha' el ri Jesús.

San Lucas 6:22

Jebel ruwa-iq'ij rix ri yixetzelex koma ri winaqi', yixkelesaj-pe chikikojol, yixyoq', y nibix chiwe chi ix itzel roma ja ri nubi' yin ri iniman, yin ri xiqaqa-pe achi'el wineq chi'ikojol.

San Mateo 24:9

Xkixyalox k'a pa taq tijoj-poqonal, y ek'o k'a chiwe rix ri kan xkekamisex. Xa kan xkixetzelex-wi k'a koma konojel kiwech winaqi' ri ek'o chuwech re ruwach'ulew, roma ri nubi' yin.

San Mateo 5:11

Jebel ruwa-iq'ij rix, toq xkixyoq', xkixtzeqelibex y xtitz'uk-tzij chiwij woma yin.

Os 9:7

Xapon k'a ri q'ij chi niqaqa ri rutojbalil-mak, kan xtiqaqa k'a pan iwi' ri ruk'amon chiwe rix. Rix aj-Israel kan xtiwetamaj k'a chi xoqaqa yan pan iwi' ronojel re'. Rix israelita kan nibij k'a: La q'alajirisanel la' xa maneq runa'oj. La rusamajel ri Dios xa xch'ujer, yixcha'. Ronojel re' nibij roma kan ix nojineq chi etzelal. Kan janila k'a nim ri ch'upun-k'u'x ri k'o pan iwánima.

Wuj Richin ri Isaías 53:3

Kan xetzelex k'a, y kan man jun rejqalen xkiben ri winaqi' chire. Rija' jun achin ri kan janila xq'axomer, y kan xuk'owisaj ruk'ayewal. Kan man jun xjoyowan ta ruwech, y kan man jun xpoqonan ta richin, y roj xqapiskolij ri qapalej richin man xqatzu' ta.

Wuj Richin Etamabel-Tzij 11:12

Ri wineq ri xa maneq runa'oj, nuqasaj ruq'ij ri rachpochel rik'in ri ruch'abel, jak'a ri achin ri kan k'o-wi retamabal, nuchajij-ri' rik'in ri ruch'abel.

2 Rey 9:11

Chirij ri' ri Jehú xbe'el-pe pa jay y ri rachibil xkik'utuj chire: ¿Man jun xak'uluwachij? ¿Achike roma xpe la jun ch'u'j la' awik'in?, xecha' chire. Ri Jehú xubij: Rix kan iwetaman chik ri achike ch'abel yerubij ri achin ri', xcha'.

1 Corintios 1:21

Ri Dios rik'in ri na'oj ri k'o rik'in, roma ri' man xucha' ta ri etamabel richin re ruwach'ulew richin chi rik'in ri' ri winaqi' niketamaj ta ruwech rija'. Ri Dios xuch'ob nukusaj ri rutzijol, ri nich'on chirij ri rukamik ri Cristo richin yerukol ri winaqi' ri nikikuquba' kik'u'x rik'in, stape' re rutzijol re' xa kan ch'ujerik chikiwech ri ch'aqa' chik.

1 Corintios 1:23

Jak'a roj, kan ja ri Cristo ri xkamisex chuwech ri cruz ri niqatzijoj. Y ri' xa nuben k'a chike ri nuwinaq judío chi itzel nikina' roma man utz ta nikak'axaj, y chikiwech k'a ri man e judío ta xa ch'ujerik.

1 Corintios 1:25

Ri nikitz'et ri winaqi' chi achi'el jun ch'ujerik richin ri Dios, kan más k'a na'oj chuwech ri kina'oj konojel ri winaqi'. Y keri' chuqa' ri nikitz'et ri winaqi' chi achi'el xa ta maneq ok ruchuq'a'; ri' kan más k'a nim chuwech ri kuchuq'a' konojel ri winaqi'.

2 Corintios 6:8

Ek'o k'a winaqi' ri yeya'on qaq'ij, y ek'o chuqa' ri xa kan yojkitorij. Ek'o ri jebel yech'on chiqij, y ek'o chuqa' ri xa itzel yech'on chiqij. Y ek'o chuqa' ri yebin chi oj q'olonela', stape' roj ja ri qitzij ri niqabij chike.

2 Corintios 4:12

Roj kan niqatz'etela' k'a ruwech ri kamik. Jak'a rix re wakami xiwil yan ik'aslen.