1 Corintios 3:15 - Kaqchiquel Bible

¹⁵ Jak'a wi k'o ta jun ri xa nik'at ri rusamaj ri xuben, kan man jun k'a rajel ruk'exel ri xtuk'ul. Y xaxe k'a rija' ri nikolotej, stape' xa xtik'at ri rusamaj.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Pero si xtikꞌat pa qꞌaqꞌ ri rusamaj, xa chiriꞌ ndikꞌis nojel ri samaj xubꞌen. Ri samajel riꞌ ndikolotej, pero xa achel animajneq pe pa qꞌaqꞌ keriꞌ.

Kaqchikel Santa Maria de Jesus

¹⁵ Pero xa xticꞌat ri jay ri xkapabꞌaꞌ, man jun rucꞌaxiel xtiyoꞌx chika. Ojreꞌ xkojcolotaj, pero ri samaj ri xkaꞌan xa xticꞌat.

Kaqchikel Central Guatemala

¹⁵ Pero vi xtic'at ri jay ri xkapaba', man jun rajel-ruq'uexel xtikac'ul ta. Roj xkojcolotej, pero ri samaj ri xkaben xa xtic'at.

Re C'ac'a Testamento pa Kach'abal

¹⁵ Pero vo xa xtic'at re jay re xkapoba', man jun rajal-ruq'uixel xtakac'ul. Pero yoj can xkojcolotaj, pero re samaj xkaban xa xtic'at.

Kaqchikel Western Solola

¹⁵ Pero wi xa xtic'at ri samaj ri xkaben, majun rajel ruq'uexel xtikac'ul ta, xa xtiq'uis chi queri'. Yac'a riyoj xkojcolotej, achi'el ta kojcolotej pe pa jun k'ak'.

1 Corintios 3:15 ပူးပေါင်းရင်းမြစ်များ

2 Juan 1:8

Jak'a rix ri jebel isamajin-pe ri Dios, tichajij k'a ri ik'aslen, richin keri' man ta xtisach kan juba' chire ri ich'akon k'a re wakami. Y wi keri' xtiben, kan tz'aqet k'a ri xtik'ul.

Judas 1:23

Ch'aqa' chik winaqi' ri xa yebe yan pa q'aq' kan ke'ikolo' k'a kan chuwech ri q'aq'. Keri' chuqa' ri winaqi' ri kik'uan itzel taq rayinik, nik'atzin chi nijoyowaj kiwech. Jak'a k'o chi nichajij-iwi' chikiwech, richin man yixtzaq chuqa' rix chupan ri kibanobal rije'.

Apocalipsis 3:18

Roma ri' ninbij chiwe chi kan tiloq'o' k'a q'anapueq ri k'o wik'in yin ri kan k'owisan chik pa q'aq' richin keri' kan yixok qitzij beyoma'. Chuqa' kan tiloq'o' k'a ri seq tzieq richin chi nukuch ri ik'ix. Y tiloq'o' chuqa' ri aq'om richin niya' pa taq runaq'-iwech richin yixtzu'un chik jebel.

1 Pedro 4:18

Ri ruch'abel ri Dios nubij chi janila k'ayew nuben chire jun wineq richin nikolotej. Jak'a más k'ayew chire jun wineq ri man nutzeqelibej ta rija'.

Wuj Richin ri Zacarías 3:2

Jak'a ri ángel xubij chire ri Satanás: Ja ri Jehová xkach'olin. Ja ri Jehová ri kan rucha'on chik ri Jerusalem xkach'olin, re achin re' kan achi'el jun rutza'n si' ri xelesex-pe pa q'aq', xcha'.

Wuj Richin Bix Chire ri Dios 66:12

Xaben chiqe chi ri e etzelanel qichin xojkixeq'. Kan xaben k'a chiqe chi achi'el xa ta xojq'ax pa q'aq' y pa ya', chirij k'a ronojel re' xaya' uxlanen pa ruk'iyal chiqe.

Am 4:11

Xinya' jun ruk'ayewal pan iwi' achi'el xinben kik'in ri aj-Sodoma y ri aj-Gomorra. Rix kan ix achi'el jun si' k'atineq rutza'n ri elesan-el pa q'aq'. Man rik'in ri' man xtzolej ta pe ik'u'x wik'in. Yin Jehová ri yibin.

Hechos 27:21

Roma kan k'o yan chik q'ij ri man qatijon ta qaway, ri Pablo xbepa'e-pe ri chiri' chiqakojol, y xubij chiqe: Xiwak'axaj ta na juba' ri xinbij chiwe ri pa Creta, man ta na xojel-pe, man ta ojk'o pa k'ayew roj, re nima-barco, ri rusamajibal y ri ejqa'n ri ruk'amon-pe.

Hechos 27:44

Jak'a chike ri ch'aqa' chik ri man yetikir ta yemuxan, xubij k'a chi yekichapala-el tz'alem o xabachike che' richin ri nima-barco ri e joq'otajineq chik el, richin man yejiq'. Y keri' xqaben richin xojel-el k'a chuchi' ri ya', y man jun ri xken ta chiqe.

Wuj Richin ri Achin Job 23:10

Jak'a rija' kan retaman achike bey ri nuchapon-el, y toq yiruya' pa tejtobenik, kan yinok k'a achi'el ri q'anapueq toq nich'ich'an.

Wuj Richin Bix Chire ri Dios 66:10

Qa-Dios roj, ronojel re' xaben richin xojatejtobej; xojach'ajch'ojirisaj achi'el toq nijosq'ix ri saqipueq.