1 Corintios 2:9 - Kaqchiquel Bible

⁹ Kan achi'el ri tz'ibatel kan toq nubij:*f5* Man jun k'a tz'eteyon, ni ak'axayon ri xtibanatej. Man jun ch'oboyon ta juba' pa ruwi' ri xtuya' ri Dios chike ri ye'ajowan richin, nicha'.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Kin achel tzꞌibꞌan kan chupan ri rutzij ri Dios ri ndubꞌij: Nixta jun tzꞌeteyon, nixta jun akꞌaxayon, Nixta jun wineq qꞌaxneq pa ránima, Ri runabꞌan ri Dios chin nduyaꞌ chake ri ngeꞌojowan richin. Keriꞌ tzꞌibꞌan kan.

Kaqchikel Santa Maria de Jesus

⁹ Can incheꞌl ri nuꞌej chupan ri ruchꞌabꞌal ri Dios ri tzꞌibꞌan can: Kax ri man jun tzꞌatayuon, ni cꞌaxayuon, ni man jun bꞌanayuon pensar, jareꞌ ri ranun preparar ri Dios chi nuyaꞌ chica ri ncaꞌjoꞌn richin. Quireꞌ nuꞌej ri tzꞌibꞌan can.

Kaqchikel Central Guatemala

⁹ Can achi'el ri nubij chupan ri ruch'abel ri Dios ri tz'ibatel can: Man jun c'a tz'eteyon ri e ruchojmirisan ri Dios richin chi nuya' chique ri ye'ajovan richin. Y chuka' can man jun ri ac'axayon ni ch'oboyon ta juba'. Queri' nubij ri tz'ibatel can.

Re C'ac'a Testamento pa Kach'abal

⁹ Can ancha'l nubij chupan re ruch'abal re Dios: Man jun tz'eteyon re rubanon preparar re Dios chin che nuya' chique re ye'jovan richin. Y chuka' man jun ac'axayon-ta y runojin-ta ba', che re Dios camas q'uiy cosas rubanon preparar chaka. Quire' nubij chupan re ruch'abal re Dios re tz'iban can.

Kaqchikel Western Solola

⁹ Can achi'el ri nubij chupan ri ruch'abel ri Dios ri tz'ibatal ca: Majun c'a tz'eteyon ta y chuka' majun ac'axayon ta ni majun ch'oboyon ta, ri ruchojmirisan ri Dios riche (rixin) chi nuya' chique ri winek ri ye'ajowan riche (rixin). Queri' nubij ri tz'ibatal ca.

1 Corintios 2:9 ပူးပေါင်းရင်းမြစ်များ

Wuj Richin Bix Chire ri Dios 31:19

Kan janila nim ri awutzil rat Jehová, roma kan ye'ato' ri nikiya' aq'ij-ak'ojlen. Re' kan xaben k'a kik'in ri nikito-ki' awik'in, richin nikitz'et ri ch'aqa' chik winaqi'.

Wuj Richin ri Isaías 64:4

Kan man jun bey ak'axan ta, ni man jun bey tz'eton chi k'o ta chik jun Dios achi'el rat, ri nibanon chi nusiloj ri nima'q taq juyu'.

Wuj Richin ri Isaías 65:17

Titz'eta' k'a; yin kan xtinben jun chik k'ak'a' kaj, y jun chik k'ak'a' ruwach'ulew. Ronojel ri q'axo'n xa xkemestex, y kan man xtinatex ta chik.

San Mateo 20:23

Ri Jesús xubij chik k'a chike: Kan qitzij wi k'a chi rix xtikoch' na wi achi'el ri xtiban chuwe yin; jak'a ri nibij, chi rix niwajo' chi jun nitz'uye' pa wijkiq'a' y jun ri pa wajxokon, ri' man pa nuq'a' ta k'a yin k'o-wi richin chi ninya' chiwe. Roma ri nik'utuj rix, ri' xa pa ruq'a' chik ri nata' k'o-wi, xcha' ri Jesús.

San Mateo 25:34

Y jari' k'a toq yin ri in rey xtinbij chike ri ek'o pa wijkiq'a': Kixanpe k'a rix, ri ik'ulun chik ri rutzil ri nata' Dios; kixk'oje' k'a pan ajawaren ri kan iwichin wi rix toq rubanon pa rutikeribel richin re ruwach'ulew.

San Juan 3:16

Ri Dios kan janila wi k'a yerajo' konojel ri winaqi', y roma ri' kan xuteq k'a pe ri juney ruk'ajol, richin chi xabachike k'a ri xtukuquba' ruk'u'x rik'in, man k'a xtapon ta chupan ri kamik ri richin jantape', xa kan xtik'oje' k'a ruk'aslen richin q'asen.

Romanos 8:28

Qetaman chi ronojel ri niqak'owisaj utz nuben chiqe roj ri niqajo' ri Dios, roma xojroyoj rija' richin xojok ralk'ual.

Hebreos 11:16

Jak'a koyoben jun ruwach'ulew ri más utz, ri' ja ri chila' chikaj, y roma ri' ri Dios man nik'ix ta nubij chi ja rija' ri ki-Dios; y kan runaban chik ri kitinamit.

Santiago 1:12

Ri wineq ri nukoch' ri tijoj-poqonal, kan jebel ruwa-ruq'ij, roma ri Dios xtuya' chire ri wineq ri' ri sipanik richin ri utzilej k'aslen ri man jun bey xtik'is. Ja sipanik ri' ri rubin chi xtuya' chire ri najowan richin.

Santiago 2:5

Wach'alal ri kan yixinwajo', tich'obo' k'a jebel re xtinbij chiwe. Ri Dios ja ri winaqi' ri man jun ok k'o kik'in chuwech re ruwach'ulew ri xerucha' richin yebeyomer rik'in ri kikuqubabel-k'u'x, y nikichinaj ri ajawaren ri rusujun chike ri ye'ajowan richin.

1 Pedro 1:12

Y kan xq'alajirisex chike ri achi'a' ri' chi ri kolotajik ri xkitzijoj xa man kichin ta rije', xa kan qichin roj ri oj k'o chupan re q'ij re'. Y re wakami ri utzilej ch'abel ri' ri richin kolotajik, xtzijox k'a chiwe rix koma achi'a' ri eto'on roma ri Loq'olej Espíritu ri taqon-pe chila' chikaj. Y chuqa' ri ángel janila nikajo' chi niketamaj chirij ri xtzijox chiwe rix.

1 Juan 4:19

Y ja ri Dios ri xojajowan-pe nabey, roma ri' roj xqajo' rija'.