1 Corintios 2:11 - Kaqchiquel Bible

¹¹ ¿K'o kami jun wineq ri etamayon achike nuch'ob jun chik wineq? Man jun. Xaxe ri ránima rija' ri etamayon achike nuch'ob. Y keri' chuqa' man jun etamayon ri ruch'obonik ri Dios, xa kan xaxe ri ru-Espíritu-qa rija'.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Keriꞌ nibꞌij, porque, ¿achike chik jun etamayon ri ndunojij jun wineq pa ránima? Xa kin xe ri ru-espíritu ri wineq riꞌ etamayon ri kꞌo pa ránima. Keriꞌ chuqaꞌ nixta jun etamayon ri kꞌo pa ránima ri Dios, xa kin xe ri ru-Espíritu ri Dios etamayon.

Kaqchikel Santa Maria de Jesus

¹¹ ¿Cꞌo came jun vinak rataꞌn ri chica nuꞌon pensar jun chic vinak? Joꞌc ri ru-espíritu jajaꞌ taꞌmayuon ri chica nuꞌon pensar. Y quireꞌ mismo man jun taꞌmayuon ri chica nuꞌon pensar ri Dios, joꞌc ri Ru-Espíritu jajaꞌ.

Kaqchikel Central Guatemala

¹¹ ¿C'o cami jun vinek ri etamayon achique nuch'ob jun chic vinek? Man jun. Xaxe ri ru-espíritu rija' mismo ri etamayon achique nuch'ob. Y que chuka' ri' man jun etamayon ri ruch'obonic ri Dios, xa can xe ri Espíritu richin ri Dios.

Re C'ac'a Testamento pa Kach'abal

¹¹ Man jun vinak atamayon re andex nunojij jun chic vinak. Roma xaxe re ru-espíritu reja' mismo atamayon re andex nunojij. Y chuka' man jun atamayon re nunojij re Dios, xa can xe re ru-Espíritu re Dios atamayon andex nunojij re Dios.

Kaqchikel Western Solola

¹¹ ¿La c'o cami jun winek ri netaman achique nuch'ob jun chic winek? Majun chic. Xaxu (xaxe wi) ri ru'espíritu riya' mismo ri etamayon achique nuch'ob ka. Y queri' chuka' majun etamayon ta ri ruch'obonic ri Dios, xa can xu (xe wi) ri Espíritu riche (rixin) ri Dios.

1 Corintios 2:11 ပူးပေါင်းရင်းမြစ်များ

Wuj Richin Etamabel-Tzij 20:27

Ri q'aq' richin saqil ri ruya'on ri Jehová chire ri achin, ja ri k'aslen ri xuk'ul-pe pa nabey; y re saqil re' kan yeruq'alajirisaj-pe ri e yakel y e ewatel rik'in-qa rija'.

1 Corintios 2:10

Jak'a ri Dios xuq'alajirisaj ronojel re' chiqawech roj rik'in ri Loq'olej Espíritu. Ri Loq'olej Espíritu kan retaman-wi ronojel, y kan retaman ri nimalej ruch'obonik ri Dios.

Wuj Richin ri Jeremías 17:9

Xa ruyon q'oloj k'o pa ránima ri wineq. Man nuben ta ronojel pa ruchojmilal. Y kan man jun nitikir niq'ax chuwech ri nuch'ob.

Wuj Richin Etamabel-Tzij 14:10

Ri ránima ri wineq kan retaman k'a ri q'axo'n ri k'o rik'in; y chuqa' toq k'o kikoten rik'in, kan xaxe rija' ri nina'o.

Wuj Richin Etamabel-Tzij 20:5

Ri ch'obonik ri ek'o pa ránima ri wineq, xa achi'el jun ya' ri janila nim rupan; jak'a ri wineq ri k'o retamabal, kan nitikir nuben chike chi yebek'ulun-pe chuwa saqil.

Wuj Richin ri Achin Job 15:8

¿Kan xak'oje' kami rat chupan ri molojri'il ri xuben ri Dios, richin awetaman ri nuch'ob rija'? ¿Ri na'oj xa kan xaxe kami chawe rat xjach-wi?

1 Corintios 12:8

Chike ch'aqa' qach'alal nuya' etamabel richin nikich'abalij ri ruch'abel ri Dios. Y chike ch'aqa' chik nuya' na'oj, richin nikisol rij ri nubij ri ruch'abel ri Dios.