1 Corintios 16:2 - Kaqchiquel Bible

² Jare' ri ruchojmilal: Ri nabey q'ij chire ri wuqu' q'ij k'atzinel chi rix nich'er kan juba' chire ri nich'ek, richin niya-el chike ri qach'alal. Keri' tibana' richin chi k'o chik ronojel toq xkinapon yin, y man nik'atzin ta chik chi k'ari' nimol.

နောက်ထပ်ဗားရှင်းများ

Kaqchikel Santo Domingo (Xenacoj)

² Ri nabꞌey qꞌij chin nojel semanas, chiꞌijununal tikꞌamaꞌ kan jubꞌaꞌ rikꞌin ri méra ndichꞌek y tiyakaꞌ, chin keriꞌ imolon chik nojel ri ofrenda ndiyaꞌ atoq ngibꞌeqaqa iwikꞌin.

Kaqchikel Santa Maria de Jesus

² Ri naꞌay kꞌij richin nojiel semana, ixreꞌ tiyacaꞌ yan apa ri janeꞌ (jaroꞌ) nquixtiquir ntiyaꞌ, según ri ntichꞌec. Quireꞌ tibꞌanaꞌ richin quireꞌ antok inreꞌ xquinalka, manak chic ofrenda xtimol.

Kaqchikel Central Guatemala

² Ri nabey k'ij richin jun semana ninvajo' chi rix nich'er can ri nivajo' niya-el. Ri kach'alal ri xquich'ec q'uiy, niquich'er ta c'a can juba' más, y ri kach'alal ri man q'uiy ta xquich'ec, niquich'er ta c'a can ri janipe' yetiquir niquiya'. Can ronojel c'a semana tibana' queri', richin chi c'o chic ronojel tok xquinapon yin y man nic'atzin ta chic chi c'ari' nimol.

Re C'ac'a Testamento pa Kach'abal

² Re nabey k'ij chin jun semana ninjo' che yex nijech'aj-ta can re nijo' niya-a. Re hermanos re xquich'ac q'uiy, niquijech'aj-ta can ba' más, y re hermanos re man can-ta q'uiy xquich'ac, niquijech'aj-ta can re jenipa' ye'tiquir niquiya'. Can quire' tibana' ronojel semana, chin che c'o chic ronojel tak xquinapon yen, y man c'aja-ta tak xquinapon c'ajare' tak xtitz'am rumolic.

Kaqchikel Western Solola

² Ri nabey k'ij riche (rixin) ronojel semana nwajo' chi ijujunal riyix tiwelesaj ca ri niwajo' niya'. Ri kach'alal ri q'uiy xquich'ec, q'uiy juba' ri tiquilesaj ca, y ri kach'alal ri ma q'uiy ta xquich'ec, tiquilesaj ca janipe' ri yecowin niquiya'. Can ronojel c'a semana tibana' queri', riche (rixin) chi c'o chic ronojel tek xquinapon riyin y ma rajawaxic ta chi c'ari' nimol.

1 Corintios 16:2 ပူးပေါင်းရင်းမြစ်များ

Wuj Richin ri Rutikeribel 26:12

Y ri Isaac xuben-qa rutiko'n chupan ri ruwach'ulew ri' y ri rutiko'n chupan ri juna' ri' xuben chi ri jun ruwech xuya' wok'al ruwech, roma ri Jehová xuya' urtisanik pa ruwi'.

Wuj Richin ri Rutikeribel 30:27

Jak'a ri Labán xubij chire: Nink'utuj utzil chawe richin kak'oje' wik'in, roma kan xya'ox jun retal chuwe, chi awoma rat, ri Jehová ruya'on urtisanik pa nuwi'.

Wuj Richin ri Rutikeribel 30:30

roma toq man jani kinoqaqa awik'in e juba' ok y wakami e janila e k'iy, y re' kan ja ri Jehová ri urtisayon awichin woma yin, ¿k'a janipe' k'a xkisamej pa nuyonil pa kiwi' ri ek'o pa wachoch?, xcha'.

Wuj Richin ri Rutikeribel 32:10

Yin man ruk'amon ta k'a richin xink'ul ronojel utzil re xaya' chuwe, y kan abanon wik'in ronojel ri qitzij. Toq yin xiq'ax-el pa ruwi' re raqen-ya' Jordán, man jun nuk'uan-el, xaxe re ti nuch'ame'y y wakami xitzolin-pe y e peteneq e ka'i' tzobaj winaqi' wik'in.

Wuj Richin ri Rutikeribel 33:11

Tak'ulu' k'a re jun sipanik re nuk'amon-pe chawe, roma yin kan nuk'ulun ri rutzil ri Dios y k'o wik'in ronojel ri nik'atzin chuwe, xcha'. Y k'iy k'a mul xusuj chire y k'ari' ri Esaú xuk'ul.

2 Crón 31:10

Y ri nimalej sacerdote Azarías, ri rijatzul kan ri Sadoc, xubij chire: Toq ri winaqi' xkichop nikik'en-pe ri kuchuj chupan ri rachoch ri Jehová, kan k'o k'a k'iy ri niqatej y kan k'a pa ruk'iyal na k'a ri nik'oje' kan, roma ri Jehová kan ruya'on urtisanik pa qawi' roj ri oj rutinamit, xcha'.

Marcos 14:8

Jak'a rija' xuben ri achike nitikir nuben wik'in. Roma toq re ixoq re' xuq'ej chuwij re jun jubulej aq'om re', xuben yan k'a wik'in achi'el niban chike ri kaminaqi' toq yemuq.

San Lucas 16:10

Jun ri kan utz nuben rik'in ri xa maneq rejqalen, kan utz k'a chuqa' xtuben rik'in ri kan janila rejqalen. Jak'a ri xa man choj ta nuben rik'in ri xa maneq más rejqalen, xa keri' chuqa' xtuben rik'in ri kan k'o-wi rejqalen.

San Lucas 24:1

Ri nimaq'a' ri nabey q'ij richin ri semana, ri ixoqi' xebe k'a ri chuchi' jul, y e kik'ualon-el ri jubulej taq aq'om ri e kibanon-el.

San Juan 20:19

Toq xok k'a pe ri aq'a' chupan ri q'ij ri', ri tijoxela' kimolon-ki' pa jun jay, jak'a kan e kitz'apelon k'a ri ruchi' ri jay ri ek'o-wi, roma rije' kan kixibin-ki' chikiwech ri achi'a' ri kan k'o kiq'ij. Y jari' k'a toq xkitz'et ri Jesús pa kinik'ajal. Y xubij chike: Ja ta k'a ri uxlanen xtik'oje' pa taq iwánima chi'iwonojel, xcha'.

San Juan 20:26

Waqxaqi' yan k'a q'ij ri' toq ri tijoxela' xkitz'et ri Jesús. Rije' kan kimolon chik k'a ki' jun bey, kitz'apen k'a ki' pa jay y k'o k'a ri Tomás kik'in. Jari' k'a toq ri Jesús xapon chik pa kinik'ajal y xubij chike: Ja ta k'a ri uxlanen xtik'oje' pa taq iwánima chi'iwonojel, xcha'.

Hechos 20:7

Ri jun chik q'ij chirij ri q'ij richin uxlanen, xkimol-ki' ri qach'alal ri ek'o chupan ri tinamit ri' richin nikitej ri kaxlan-wey natabel richin ri rukamik ri ajaw Jesucristo. Ri Pablo xch'on k'a chikiwech ri qach'alal, y xapon k'a nik'aj-aq'a', roma ja ri ruka'n q'ij k'o chi nibe.

2 Corintios 8:10

Y wakami yin k'o k'a jun ri ninwajo' ninnataj chiwe y kan utz wi nuben chiwe, chi kan junabir yan ri' ri xalex pan iwánima richin xichop rumolik ri to'onik kichin ri qach'alal. Kan ja rix k'a ri nabey ri xixch'obon, y kan ja rix chuqa' ri xixya'on nabey.

Deut 8:18

Toqaqa k'a chi ik'u'x ri Jehová ri qa-Dios roma kan ja rija' ri xtiya'on ronojel ri uchuq'a' y ri ch'obonik chiwe richin xkixbeyomer, richin nuben ri rujikiban kik'in ri qati't-qamama', achi'el re xqatz'et yan.

Apocalipsis 1:10

Y chupan jun chike ri q'ij toq niqaya' ruq'ij ri Dios, ri Loq'olej Espíritu xirunojisaj rik'in uchuq'a'. Y xinwak'axaj k'a chi k'o jun ri nich'on-pe chuwij ri ruch'abel kan achi'el niq'ajan jun trompeta.