1 Corintios 16:16 - Kaqchiquel Bible

¹⁶ Y nink'utuj k'a utzil chiwe chi tinimaj kitzij rije', y chuqa' chi tinimaj kitzij konojel ri e achi'el rije', ri yeto'on y nikiben ri rusamaj ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁶ Nichilabꞌej kꞌa chiwa hermanos, chi tinimaj kitzij ri eꞌachel rejeꞌ, y tinimaj chuqaꞌ kitzij konojel ri ngetoꞌon pa rusamaj ri Dios y kin ndikijech kiꞌ chupan chin ndikibꞌen.

Kaqchikel Santa Maria de Jesus

¹⁶ Y niꞌan rogar chiva chi quixniman chica ijejeꞌ, chica jeꞌ quinojiel ri incheꞌl ijejeꞌ, ri ncaꞌtoꞌn y niquiꞌan rusamaj ri Dios.

Kaqchikel Central Guatemala

¹⁶ Y ninbij c'a chive chi tinimaj quitzij rije', y chuka' chi tinimaj quitzij conojel ri e achi'el rije', ri yeto'on y niquiben ri rusamaj ri Dios.

Re C'ac'a Testamento pa Kach'abal

¹⁶ Y nimbij chiva che tinimaj quitzij reje', y chuka' che tinimaj quitzij conojel re hermanos re je ancha'l reje', re ye'ta'on y niquiban re rusamaj re Dios.

Kaqchikel Western Solola

¹⁶ Y nbij c'a chiwe chi tinimaj quitzij ri kach'alal ri', y chuka' chi tinimaj quitzij quinojel ri ye achi'el riye', ri yeto'on y niquiben ri rusamaj ri Dios.

1 Corintios 16:16 ပူးပေါင်းရင်းမြစ်များ

Hebreos 13:17

Kan tiqanimaj k'a kitzij ri qach'alal ri e uk'uey qichin richin niqaya' kikoten pa taq kánima, roma ja rije' ri yechajin ri qánima, y k'o chi nibekiq'alajirisaj chuwech ri Dios ri samaj ri nikiben. Roma wi xa man niqanimaj ta kitzij, rije' xtikiben ri kisamaj rik'in bis. Y re' xa man jun utz ruk'amon-pe.

1 Tesalonicenses 5:12

Qach'alal, niqak'utuj utzil chiwe chi tiya' kejqalen ri achi'a' ri janila yesamej chi'ikojol pa rusamaj ri Dios, roma ja rije' ri e uk'uayon iwichin, y yixkipixabala'.

3 Juan 1:8

Roma ri' nik'atzin chi roj ri qatzeqeliben ri Jesucristo, yojto'o kichin. Y rik'in ri', roj junan yojsamej kik'in rije' chutzijoxik ri qitzij.

Apocalipsis 2:3

Ik'owisan tijoj-poqonal, y janila ix samajineq woma yin y man jani ix q'itajineq ta.

1 Pedro 5:5

Y rix ri k'a ix ak'uala' na, tinimaj k'a kitzij ri e uk'uayon iwichin. Y kan chi'iwonojel tinimala' tzij chiwech. Man tinimirisaj-iwi', roma chupan ri ruch'abel ri Dios ri tz'iban kan, nubij:*f8* Ri Dios man yeqa ta chuwech ri nikinimirisaj-ki'. Jak'a ri nikiqasaj-ki', rija' nuya' ri rutzil pa kiwi', nicha'.

Hebreos 6:10

Ri Dios kan choj wi, y roma ri' man xtumestaj ta ri samaj ri ibanon-pe, y ri ajowabel ri k'o iwik'in, roma e ito'on-pe ri ch'aqa' chik ralk'ual ri Dios, y k'a ye'ito' na.

1 Timoteo 5:17

Ri uk'uey kichin ri molaj qach'alal ri kan jebel kik'uaxik nikiben chike ri qach'alal, kan ruk'amon chi ka'i' ta bey nikik'ul ri rajel ruk'exel. Y kan más ruk'amon chi nikik'ul keri', ri nikitzijoj ri ruch'abel ri Dios y ri yetijon.

1 Tesalonicenses 2:9

Qach'alal, jebel iwetaman chi man jun bey xqak'utuj qaway chiwe. Jak'a roj xojsamej chi paq'ij chi chaq'a' richin xqach'ek qaway, richin man xixqaya' ta pa k'ayew, toq xojk'oje' iwik'in chubixik ri utzilej ruch'abel ri Dios ri nik'amon-pe kolotajik.

1 Tesalonicenses 1:3

Roma jantape' noqaqa chiqak'u'x ri samaj ri niben, roma ikuquban ik'u'x rik'in ri Jesucristo; chuqa' janila yixsamej roma niwajo' rija', y rik'in koch'onik iwoyoben-apo ri q'ij toq xtipe chik.

Filipenses 4:3

Nink'utuj k'a utzil chawe rat ri at wachibil, chupan ri samaj, chi xke'ato' ta k'a ri ka'i' qach'alal ixoqi' ri', roma rije' xenwachibilaj chuq'alajirisaxik ri utzilej ch'abel richin kolotajik junan rik'in ri qach'alal Clemente y ri ch'aqa' chik qach'alal, ri kan tz'iban chik ri kibi' chila' chikaj, chupan ri wuj richin k'aslen.

Efesios 5:21

Kan tinimaj k'a itzij chi iwachibil-qa-iwi', richin niya' ruq'ij ri Cristo.

1 Corintios 12:28

Chi'ikojol rix molaj qach'alal, chiwe chi'ijujunal ruya'on jun sipanik. Pa nabey ek'o ri e taqon roma ri Cristo, pa ruka'n ja ri yeq'alajirisan ri ruch'abel ri Dios, pa rox ja ri yetijon. K'ari' ri yetikir nikiben meyel taq banobel, jujun chik ri yek'achojirisan kichin ri yawa'i', o ri yeto'on kichin ri ch'aqa' chik qach'alal, o ek'o ri e uk'uey bey, y pa ruk'isibel ri yetikir yech'on pa ch'aqa' chik ch'abel.

1 Corintios 3:9

Roma qachibil-qi' pa rusamaj ri Dios, y rix ix achi'el rulew ri Dios ri kan nusamajij-wi. Chuqa' kan ix achi'el jun jay ri nuben ri Dios.

Romanos 16:12

Tiya' rutzil-kiwech ri qach'alal Trifena y ri Trifosa, ri e rusamajela' ri Dios. Tiya' rutzil-ruwech ri qach'alal Pérside, rija' janila samajineq pa rusamaj ri Dios.

Romanos 16:9

Tiya' rutzil-ruwech ri qach'alal Urbano. Rik'in rija' junan xojsamej pa rusamaj ri Cristo Jesús. Y tiya' chuqa' rutzil-ruwech ri qach'alal Estaquis, ri yalan ninwajo'.

Romanos 16:6

Tiya' rutzil-ruwech ri qach'alal María. Rija' janila samajineq chi'ikojol.

Romanos 16:3

Tiya' rutzil-kiwech ri qach'alal Prisca y ri Áquila, ri junan xojsamej kik'in pa rusamaj ri Cristo Jesús.

1 Crón 12:18

Y k'o k'a jun achin rubini'an Amasai, aj-raqen pa kiwi' jun tzobaj achi'a' ri k'o janila kuchuq'a'. Y ri Espíritu richin ri Dios xqaqa-pe pa ruwi' rija' richin xubij chire ri David: Ojk'o awik'in David; Ojk'o awik'in, ruk'ajol ri Isaí; Man oj peteneq ta richin niqaben oyowal awik'in; Y man oj peteneq ta richin niqaben oyowal kik'in ri yeto'on awichin; Roma ri qa-Dios kan at ruto'on, xcha' ri Amasai. Y ri David xeruk'ul k'a chi utzil, y xeruya' aj-raqen pa kiwi' ri aj-labal.

Wuj Richin ri Molojri'il 1:3

Roma, ¿achike ta k'a nuch'ek jun achin ri janila nisamej chuwech re ruwach'ulew chuxe' ri ruk'atanal ri q'ij?

Hebreos 13:24

Tiya' rutzil-kiwech konojel ri e uk'uey iwichin y ri loq'olej taq qach'alal. Chuqa' ri qach'alal aj-Italia nikiteq-el rutzil-iwech.