1 Corintios 15:43 - Kaqchiquel Bible

⁴³ Ri ch'akulaj ri nimuq, man kan ta utz, jak'a ri ch'akulaj ri xtik'astej-el, kan jebel wi. Ri ch'akulaj ri nimuq, maneq ruchuq'a', jak'a ri ch'akulaj ri xtik'astej-el, janila ruchuq'a'.

နောက်ထပ်ဗားရှင်းများ

Kaqchikel Santo Domingo (Xenacoj)

⁴³ Ri aj rochꞌulew ru-cuerpo jun wineq ri ndimuq, xa maneq chik reqalen, pero atoq ndikꞌastajbꞌex pe, yalan yan chik rubꞌanun. Ri aj rochꞌulew ru-cuerpo jun wineq ri ndimuq, maneq ruchuqꞌaꞌ, pero atoq ndikꞌastajbꞌex pe, yalan yan chik ruchuqꞌaꞌ.

Kaqchikel Santa Maria de Jesus

⁴³ Ri qui-cuerpo ri xcꞌujieꞌ vaveꞌ choch-ulief manak rukꞌij, pero ri qui-cuerpo ri xticꞌujieꞌ antok xcaꞌcꞌastaj-pa, can xticꞌujieꞌ rukꞌij. Ri qui-cuerpo ri xcꞌujieꞌ vaveꞌ, manak ruchukꞌaꞌ, pero ri qui-cuerpo ri xticꞌujieꞌ antok xcaꞌcꞌastaj-pa, can cꞌo ru-poder.

Kaqchikel Central Guatemala

⁴³ Ri quich'acul c'a ri xquic'uaj vave' chuvech re ruvach'ulef manek ruk'ij, jac'a ri quich'acul ri xtiquic'uaj tok yec'astej-el, can c'o-vi ruk'ij. Ri quich'acul xquic'uaj vave', manek ruchuk'a', jac'a ri quich'acul xtiquic'uaj tok xquec'astej-el, janíla ruchuk'a'.

Re C'ac'a Testamento pa Kach'abal

⁴³ Roma re qui-cuerpo re xquic'uaj vova' chach re ruch'ulef manak ruk'ij, jac'a re qui-cuerpo re xtiquic'uaj tak xque'c'astaj-a, can c'o-va ruk'ij. Jac'a re qui-cuerpo re xquic'uaj vova', manak ru-poder, pero re qui-cuerpo re xtiquic'uaj tak xque'c'astaj-a, can xtic'ue' ru-poder.

Kaqchikel Western Solola

⁴³ Ri quich'acul c'a ri xquic'uaj wawe' chuwech re ruwach'ulef majun ruk'ij, yac'a ri quich'acul ri xtiquic'uaj tek xquec'astej el, can xtic'oje' wi ruk'ij. Ri quich'acul ri xquic'uaj wawe', majun ruchuk'a', yac'a ri quich'acul ri xtiquic'uaj tek xquec'astej el, can xtic'oje' ruchuk'a'.

1 Corintios 15:43 ပူးပေါင်းရင်းမြစ်များ

Colosenses 3:4

Xaxe ri Cristo niya'on ri ik'aslen, y toq xtipe chik jun bey, jari' xkixq'alajin rik'in, y junan xkixbek'oje' rik'in rija' ri chila' chikaj rik'in ruq'ij-ruk'ojlen.

Filipenses 3:10

Kan ninwajo-wi k'a ninwetamaj jebel ruwech ri Cristo y ri uchuq'a' ri xk'ason richin chikikojol ri kaminaqi'. Ninwajo' nintej poqon junan rik'in rija', y ri nukamik kan achi'el ta ri rukamik rija',

2 Corintios 13:4

Ri Cristo xuya' ri' chuwech ri cruz, achi'el xa ta maneq ruchuq'a', jak'a wakami k'es roma ri nimalej ruchuq'a' ri Dios. Y keri' roj, kan maneq-wi quchuq'a' achi'el ri Cristo toq xken. Jak'a chuqa' kan xqojk'ase' rik'in ri Cristo, roma ri ruchuq'a' ri Dios richin xkixqasamajij rix.

Dn 12:1

Xtapon k'a ri ruq'ijul, y xtipe k'a ri ángel Miguel, ri chajinel richin ri atinamit. Ri q'ij ri' kan q'ij k'a richin q'axo'n, y kan man jun bey k'a banatajineq-pe keri', pa rutikeribel janipe' ek'o-pe ri winaqi', k'a toq xtapon ri q'ij ri'. Y chupan k'a ri q'ij ri' ri atinamit rat kan xkekolotej k'a chuwech ri tijoj-poqonal konojel ri tz'ibatel kibi' chupan ri wuj.

1 Corintios 6:14

Y achi'el k'a xuben ri Dios chire ri ajaw Jesús chi xk'astej-el chikikojol ri kaminaqi', keri' chuqa' xtuben chiqe roj. Xqojruk'asoj k'a rik'in ri ruchuq'a'.

San Mateo 13:43

Jak'a ri winaqi' ri choj chik kik'aslen, kan xkech'ich'an achi'el ri q'ij. Kan xkeq'alajin k'a chi ek'o pa rajawaren ri aj-chikajil qatata'. Ri k'o k'a rak'axabal, kan trak'axaj k'a ri xinbij, xcha'.

Wuj Richin Bix Chire ri Dios 102:23

Jehová, rat kan xawelesaj k'a wuchuq'a' toq k'a in ala' na. Xaben k'a chi xa ti juba' ok ri nuk'aslen.

Wuj Richin ri Achin Job 14:10

Jak'a toq ri wineq niken, kan jumul nik'is ri ruchuq'a'. Toq nitane' richin nujiq'aj ri ruxla', jari' xk'is chiri'.

San Juan 8:49

Jak'a ri Jesús xubij chike: Yin man jun itzel espíritu ri k'o ta wik'in. Yin kan ja ri nata' ri ninya' ruq'ij, jak'a rix xa man niya' ta nuq'ij.