1 Corintios 15:23 - Kaqchiquel Bible

²³ Jak'a kan pa ruchojmilal xtibanatej ronojel re'. Ri Cristo nabey xk'astej-el. Y toq xtipe chik jun bey, roj ri oj richin chik rija' xqojk'astej-el chuqa'.

နောက်ထပ်ဗားရှင်းများ

Kaqchikel Santo Domingo (Xenacoj)

²³ Pero nojel reꞌ kꞌo rubꞌeyal: Nabꞌey xkꞌastajbꞌex pe ri Cristo, ri achel nabꞌey ruwech jun tikoꞌ ri xchꞌup e chikikajal nojel teq ruwech. Y atoq ri Cristo nditzolij pe, kin achel ndichꞌuputej ri más chik ruwech tikoꞌ, riꞌ ndubꞌij tzij chi ngekꞌastajbꞌex pe konojel ri xkitaqij e rijaꞌ.

Kaqchikel Santa Maria de Jesus

²³ Pero nojiel en su orden: Ja ri Cristo ri naꞌay xcꞌastaj-pa. Y antok xtipa chic jun bꞌay, ojreꞌ ri oj richin chic jajaꞌ xkojcꞌastaj-pa jeꞌ.

Kaqchikel Central Guatemala

²³ Y jac'a ri Cristo ri nabey xc'astej-el. Y tok xtipe chic jun bey, roj ri oj richin chic rija' xkojc'astej-el chuka'. Can jac'a rucholajen ri'.

Re C'ac'a Testamento pa Kach'abal

²³ Y jac'a re Jesucristo re nabey xc'astaj-a re ru-cuerpo. Y tak xtipa chic jun bey, yoj re yoj richin chic reja' xtic'astaj-a chuka' re ka-cuerpo.

Kaqchikel Western Solola

²³ Y ya c'a ri Cristo ri nabey xc'astej el. Y yac'a tek xtipe chic jun bey, ya chic c'a riyoj ri yoj riche (rixin) chic Riya' ri xkojc'astej el. Quec'ari' rucholajen ri nibanatej.

1 Corintios 15:23 ပူးပေါင်းရင်းမြစ်များ

Gálatas 3:29

Y roma ri' qonojel ri oj richin chik ri Cristo, xojok riy-rumam kan ri Abraham. Y niqichinaj k'a chuqa' ri utzil ri xusuj ri Dios chire rija' ri ojer kan.

Wuj Richin ri Isaías 26:19

Jak'a ri qakaminaq kan xkebek'ase' chik pe jun bey. Tabana' utzil chi xkebeyakatej ta chik pe jun bey. Ke'ak'asoj chik pe richin xkebixan rik'in kikoten. Ri raxq'ab ri naya-pe, nuya' ruk'aslen ri ulew, y keri' chuqa' xtaben kik'in ri kaminaqi' xtaya' k'ak'a' kik'aslen.

1 Corintios 15:52

Xtibanatej k'a chi xa pa jun ti ramaj xqojjalatej-el, achi'el pa jun ruyupik runaq'-wachaj. Kan jak'a toq xtuya' rutzijol ri ruk'isibel trompeta, jari' xkek'astej-el ri kaminaqi' rik'in chik kich'akul ri man k'isel ta. Y roj ri k'a oj k'es kan, xqojjalatej-el chuqa'.

1 Corintios 15:20

Jak'a ri Cristo kan xk'astej-wi-el. Ja rija' ri nabey ri xk'astej-el chikikojol ri ch'aqa' chik kaminaqi' ri xkek'astej-el.

2 Corintios 10:7

Rix yixch'on chiqij xaxe rik'in ri yojitz'et. Nich'ob chi xaxe rix ri ix richin ri Cristo. Jak'a kan tich'obo' jebel, roma roj chuqa' kan oj richin wi ri Cristo.

1 Tesalonicenses 2:19

Roj kan niqajo-wi yojapon iwik'in, roma nikikot qánima chi rix ikuquban ik'u'x rik'in ri Jesucristo rik'in ronojel iwánima. Y roma ri' rik'in kikoten qoyoben ri q'ij toq xtipe ri qajaw Jesucristo. Roma chupan ri q'ij ri' xtikikot ránima ri Jesucristo qik'in roj iwoma rix, chi k'o rejqalen ri xqatzijoj ri ruch'abel ri Dios chiwe.

Gálatas 5:24

Keri', qonojel k'a ri oj richin chik ri Cristo, achi'el ta kan xojbajix rik'in rija', richin roj xeqaya' kan ri itzel taq rayinik.

1 Corintios 3:23

Y rix ix richin ri Cristo, y ri Cristo richin ri Dios.

San Mateo 16:27

Yin, ri xiqaqa-pe achi'el wineq chi'ikojol, kan xkipe chik k'a jun bey, y junan chik k'a nuq'ij-nuk'ojlen rik'in ri Tata'ixel y e wachibilan-pe ri nu-ángel. Y jari' toq xtinya' ruk'exel chike konojel winaqi' achi'el ri kibanobal.

San Mateo 16:28

Y kan qitzij k'a ninbij chiwe: Kan ek'o k'a chiwe re ixk'o wawe' ri man xkixken ta k'a toq in itz'eton chik yin, ri xiqaqa-pe achi'el wineq chi'ikojol, toq xkipe richin nonq'ata-tzij, xcha'.

Hechos 26:23

Ja rije' ri e biyon kan chi ri Cristo xtuk'owisaj na tijoj-poqonal y xtikamisex. Jak'a rija' ri xtik'astej-el nabey chike konojel ri e kaminaqi' chik el. Roma ri' rija' kan xtuya-wi k'a saqil chiqe qonojel roj judío y ri man e judío ta, xcha'.

1 Corintios 6:14

Y achi'el k'a xuben ri Dios chire ri ajaw Jesús chi xk'astej-el chikikojol ri kaminaqi', keri' chuqa' xtuben chiqe roj. Xqojruk'asoj k'a rik'in ri ruchuq'a'.

Filipenses 3:11

rik'in ri oyobenri'il chi yin chuqa' xkik'astej-el chikikojol ri kaminaqi'.

Apocalipsis 1:5

Y kan tik'ulu' chuqa' ri utzil y ri uxlanen ri nuya' ri Jesucristo, ri nuq'alajirisaj ri qitzij, ri xk'astej-pe nabey chikikojol ri kaminaqi' y k'o pa kiwi' konojel q'atoy taq tzij ri ek'o chuwech re ruwach'ulew. Rija' yojrajo' y roma ri' xken y xbiyin rukik'el richin xojrukol chuwech ri qamak.