1 Corintios 14:36 - Kaqchiquel Bible

³⁶ Toqaqa k'a chi'ik'u'x chi ri ruch'abel ri Dios man xtikir ta pe iwik'in rix, y ni man xaxe ta rix ri ix k'uluyun.

နောက်ထပ်ဗားရှင်းများ

Kaqchikel Santo Domingo (Xenacoj)

³⁶ Keriꞌ nibꞌij chiwa, porque ma iwikꞌin ta rix xtzꞌukutej e rutzijoxik ri rutzij ri Dios, nixta xe chiwa rix tzijon kan.

Kaqchikel Santa Maria de Jesus

³⁶ ¿Acaso iviqꞌuin ixreꞌ alanak-el ri ruchꞌabꞌal ri Dios o joꞌc iviqꞌuin ixreꞌ xalka-ve?

Kaqchikel Central Guatemala

³⁶ Rix can man utz ta c'a ri nich'ob. ¿Roma rix niben chi achi'el ta can iviq'uin rix petenek-vi ri ruch'abel ri Dios y romari' ja rix ri yixbin ri achique c'o chi niban? ¿Man ivetaman ta c'a chi xa man iyon ta rix, richin chi can xe ta ri nivajo' rix ri niben? E q'uiy chic ec'o ri apovinek chic ri ruch'abel ri Dios quiq'uin, y man niquiben ta achi'el ri niben rix.

Re C'ac'a Testamento pa Kach'abal

³⁶ Yex re yix aj-Corinto, man otz-ta re ninojij. Roma yex niban che can ancha'l che iviq'uin yex pitinak-va re ruch'abal re Dios y mare' ja yex re yixbin re andex niban. Y tiya' pa cuenta che man xe-ta yex re ic'ulun re ruch'abal re Dios, sino que can je q'uiy re quic'ulun chic re ruch'abal re Dios, y reje' man niquiban-ta ancha'l re niban yex.

Kaqchikel Western Solola

³⁶ ¿La iwuq'ui cami riyix xwinakir wi pe ri ruch'abel ri Dios? ¿O la xaxu (xaxe) cami iwuq'ui riyix aponak wi ri ruch'abel ri Dios? Ma que ta ri'.

1 Corintios 14:36 ပူးပေါင်းရင်းမြစ်များ

1 Tesalonicenses 1:8

Y man xaxe ta ri aj-Macedonia y ri aj-Acaya kak'axan chi rix ikuquban ik'u'x. Xa kan chijun ruwach'ulew nitzijox-wi. Y roma ri' man nik'atzin ta chi roj yojtzijon pa ruwi' ri'.

1 Corintios 4:7

Rix ri nina' chi k'o janila iq'ij, ¿achike kami biyon chiwe chi ja rix ri más nim iq'ij? ¿Roma achike ta kami ri k'o iwik'in rix ri man ja ta chuqa' ri Dios yoyon-pe chiwe? Man jun. Y wi keri', man jun nik'atzin-wi chi ninimirisaj-iwi', roma xa ta iyon rix, man jun ta k'o iwik'in.

Hechos 17:15

Ri qach'alal ri xerachibilaj-el ri Pablo, toq ek'o chik chuchi' ri palou, xkik'uaj k'a el k'a pa tinamit Atenas. Rije' xetzolin k'a, y bin-pe chike roma ri Pablo chi ri Silas y ri Timoteo ke'apon yan chi'anin ri pan Atenas.

Hechos 17:1

Ri Pablo y ri Silas kichapon k'a bey. Xeq'ax ri pa taq tinamit Anfípolis y Apolonia, y k'ari' xe'apon ri pa tinamit Tesalónica. Y ri winaqi' judío ri ek'o chiri', k'o k'a jun jay ri nikimol-wi-ki' richin nikak'axaj ruch'abel ri Dios.

Wuj Richin ri Zacarías 14:8

Xtibanatej k'a chupan ri q'ij ri' chi pa Jerusalem xtibiyin ya' ri nuya' k'aslen. Chupan chijun ri juna' kan xtibiyin k'a. Nik'aj k'a chire ri ya' ri' xtapon chupan ri Tzayi-Choy ri k'o pa relebel-q'ij y ri nik'aj chik xtapon pa palou ri k'o pa qajbel-q'ij.

Wuj Richin ri Isaías 2:3

Janila chi winaqi' xke'apon y xtikibij k'a chikiwech: Kixanpe, qojjote-el pa ruwi' la juyu' richin ri Jehová. Jo' chupan ri rachoch ri ki-Dios ri israelita. Chiri' ri Jehová xtiberuk'utu' ri rubey chiqawech, y roj kan xqojtikir xqojbiyin chupan. Roma chiri' pa Sión xtel-wi-pe ri rutijonik ri Jehová, y chiri' pa Jerusalem xtibeq'alajin-wi ri ruch'abel, xkecha'.

1 Corintios 14:35

Y wi k'o jun tzij ri xa man niq'ax ta chikiwech, tikik'utuj k'a chike ri kachijilal toq ye'apon pa taq kachoch, roma man ruk'amon ta chi jun ixoq nich'on-apo chiri'.

1 Corintios 14:37

Y wi k'o ta jun qach'alal ri nibin chi rija' kan nuq'alajirisaj ri ruch'abel ri Dios, o ruk'ulun jun chik sipanik, kan tuq'alajirisaj k'a chiwech chi ri xinbij yin kan rik'in ri Dios peteneq-wi.