1 Corintios 14:32 - Kaqchiquel Bible

³² Keri' ri qach'alal ri k'o nikiq'alajirisaj, tikibana' ronojel pa ruchojmilal.

နောက်ထပ်ဗားရှင်းများ

Kaqchikel Santo Domingo (Xenacoj)

³² Porque ri ngeqꞌalajrisan ri ndubꞌij pe ri Dios pa kánima, ndikꞌatzin chi ndikiqꞌet kiꞌ chin ma ngechꞌaꞌa atoq jun chik ndichꞌaꞌa.

Kaqchikel Santa Maria de Jesus

³² Ruma ri profetas ncaꞌtiquir niquiyoꞌiej-quiꞌ. Ijejeꞌ ncaꞌtiquir niquikꞌat ruchukꞌaꞌ ri cánima.

Kaqchikel Central Guatemala

³² Roma ri yo'on chique chi niquik'alajirisaj ri nibix chique roma ri Dios, yetiquir c'a nicoyobela-qui'. Roma ri Lok'olej Espíritu man nuben ta c'a chique chi can tiquik'alajirisaj yan ri xbix chique roma ri Dios.

Re C'ac'a Testamento pa Kach'abal

³² Roma re hermanos re ye'tiquir niquitzijoj re xbex chique roma re Dios, can ye'tiquir niquiyabej-qui'. Roma re Espíritu Santo man nuban-ta chique che can tiquitzijoj-yan re xbex chique roma re Dios.

Kaqchikel Western Solola

³² Ruma ri yatajnek chique ruma ri Lok'olaj Espíritu chi niquik'alajsaj ri nibix chique ruma ri Dios, rajawaxic chi quetaman nicoyobej qui' chiquijujunal riche (rixin) chi nich'o ri jun chic.

1 Corintios 14:32 ပူးပေါင်းရင်းမြစ်များ

1 Juan 4:1

Wach'alal ri yalan yixinwajo', man tinimaj ri nubij jun wineq xaxe roma ri nubij chi rik'in ri Loq'olej Espíritu peteneq-wi. Rix xa kan nik'atzin chi nich'ob rij jebel richin niwetamaj, roma e k'iy winaqi' chuwech re ruwach'ulew ri yebin chi ja ri ruch'abel ri Dios ri nikitzijoj, y xa man qitzij ta.

Wuj Richin ri Jeremías 20:9

Jak'a wi man ninq'alajirisaj ta ri ach'abel o man yich'on ta pan abi' rat, jari' toq ri wánima k'o jun achi'el q'aq' ri nik'at chupan y man yitikir ta ninchup y napon k'a pa nubaqil, stape' ninwajo' nik'oje' chiri', xa kan k'o chi ninq'alajirisaj.

2 Rey 2:5

Y chiri' pa tinamit Jericó ek'o k'a jun chik tzobaj e q'alajirisey ruch'abel ri Dios. Y rije' xbekik'ulu' ri Eliseo y xkibij chire: ¿Awetaman chi ri Jehová xtrelesaj-el ri awajaw chawech chupan re q'ij re'?, xecha'. Y rija' xubij: Ja, wetaman chik. Man jun chik tibij, xcha'.

2 Rey 2:3

Y chiri' pa tinamit Betel ek'o k'a ri e q'alajirisey ruch'abel ri Dios. Y rije' xbekik'ulu' ri Eliseo y xkibij chire: ¿Awetaman chi ri Jehová xtrelesaj-el ri awajaw chawech chupan re q'ij re'?, xecha'. Y rija' xubij: Ja' wetaman chik. Man jun chik tibij, xcha' chike.

Hechos 13:1

Chikikojol ri molaj qach'alal ri ek'o pan Antioquía, ek'o k'a ri yeq'alajirisan ri nibix chike roma ri Dios, y ek'o chuqa' tijonela' ri yetijon kichin ri qach'alal chupan ri ruch'abel ri Dios. Jeri' ri Bernabé, ri Simón ri jun achin ri ti q'eq nitzu'un, ri Lucio ri aj-Cirene, ri Saulo y ri Menahem ri xk'iy kik'in ri aj pa rachoch ri Herodes ri xq'aton-tzij chiri' pa Galilea.

1 Corintios 14:31

Rik'in ri keri', kan konojel k'a qach'alal yetikir nikiq'alajirisaj ri nibix chike. Jak'a nik'atzin chi nabey nich'on na jun, k'ari' ri jun chik. Y ri ch'aqa' chik qach'alal kan k'o-wi k'a niketamaj chirij ri nik'atzin chike chupan ri kik'aslen.

1 Corintios 14:33

Roma ri Dios nrajo' chi ronojel nibanatej rik'in ruchojmilal y rik'in ch'uch'ujil y man rik'in ta sachibel-k'u'x. Nik'atzin chi rix tibana' achi'el nikiben ri ch'aqa' molaj qach'alal.

2 Tesalonicenses 2:2

Roma qak'axan chi xtzijox chiwe chi ri q'ij richin nipe ri ajaw xa xq'ax yan. Jak'a man tijalatej ri ich'obonik y man tisach ik'u'x, stape' xya'ox rutzijol chiwe roma jun ri nubij chi q'alajirisey ruch'abel ri Dios, o chupan jun wuj ri ik'ulun ri pa qabi' roj k'o-wi-el.

Apocalipsis 22:6

Y ri ángel ri uk'uayon wichin xubij chuwe: Re ch'abel re' kan qitzij y kan xkebanatej-wi. Roma kan ja ri ajaw Dios ri xya'on ch'abel pa taq kánima ri e q'alajirisey ri ruch'abel, kan ja chuqa' rija' ri taqayon richin ri ru-ángel richin chi nuya' rutzijol chike ri e rusamajela', chirij ri xkebebanatej yan, xcha'.