1 Corintios 14:31 - Kaqchiquel Bible

³¹ Rik'in ri keri', kan konojel k'a qach'alal yetikir nikiq'alajirisaj ri nibix chike. Jak'a nik'atzin chi nabey nich'on na jun, k'ari' ri jun chik. Y ri ch'aqa' chik qach'alal kan k'o-wi k'a niketamaj chirij ri nik'atzin chike chupan ri kik'aslen.

နောက်ထပ်ဗားရှင်းများ

Kaqchikel Santo Domingo (Xenacoj)

³¹ Y keriꞌ chi jujun chi jujun kꞌo cheꞌel ndiqꞌalajrisaj ri ndubꞌij pe ri Dios pa iwánima, chin keriꞌ rix iwonojel kꞌo ndiwetamaj y ndibꞌochiꞌix chuqaꞌ iwánima pa rubꞌey ri Dios.

Kaqchikel Santa Maria de Jesus

³¹ Ruma man joꞌc ta jun ri nitiquir nuꞌej ri niꞌeꞌx cha ruma ri Dios, can ixvonojiel nquixtiquir ntiꞌej ri niꞌeꞌx chiva, pero chi jujun tibꞌanaꞌ chi quireꞌ quinojiel nicatamaj ri nicꞌatzin chica chupan ri quicꞌaslien choch ri Dios.

Kaqchikel Central Guatemala

³¹ Riq'uin ri queri', man xe ta c'a jun ri nitiquir nik'alajirisan ri nibix chire roma ri Dios, can conojel c'a kach'alal yetiquir niquik'alajirisaj ri nibix chique y ri ch'aka' chic kach'alal can c'o-vi c'a niquetamaj chirij ri nic'atzin chique chupan ri quic'aslen. Pero nic'atzin chi nabey nich'on na jun, c'ari' jun chic; can ticoyobela' c'a qui' richin yech'on.

Re C'ac'a Testamento pa Kach'abal

³¹ chin quire' c'o modo ye'ch'o conojel re hermanos re ye'tiquir niquitzijoj re xbex chique roma re Dios. Pero nic'atzin che nabey nich'o jun, c'are' nich'o chic jun, can tiquiyabej-qui' chin ye'ch'o. Y re nic'aj chic hermanos can c'o cosas niquitamaj chij re ndoc chique chupan re quic'aslen.

Kaqchikel Western Solola

³¹ Riche (rixin) chi queri' can chi'iwonojel yixcowin nik'alajsaj ri nibix chiwe ruma ri Dios. Pero chi jojun chi jojun quixch'o riche (rixin) chi queri' quinojel c'o niquetamaj y quinojel niquic'ul pixabanic.

1 Corintios 14:31 ပူးပေါင်းရင်းမြစ်များ

1 Tesalonicenses 5:14

Chuqa', qach'alal, ke'ipixabaj ri qach'alal ri k'o kiq'oral. Y ri qach'alal ri xa ka'i' kik'u'x rubanon, tikuqubala' kik'u'x. Y ri man jani k'o ta kuchuq'a' jebel chupan ri kik'aslen rik'in ri Jesucristo, kan ke'itola'. Y chuqa' ke'ikoch'ola' konojel.

1 Tesalonicenses 5:11

Roma ri' tikuqubala' ik'u'x chi'iwachibil-iwi'. Y chuqa' titola-iwi' richin chi yixk'iy rik'in ri ik'aslen, kan achi'el ri ibanon-pe.

1 Tesalonicenses 4:18

Roma ri' tikuqubala' ik'u'x chi'iwachibil-iwi', rik'in re ch'abel re'.

Efesios 6:22

Roma ri' ninteq-el, richin chi tiwetamaj achike qabanon roj wawe', y richin chuqa' chi xtukuquba' más ik'u'x.

2 Corintios 1:4

Y ja rija' ri nibanon chiqe roj chi niqakuquba' qak'u'x toq yojk'oje' pa tijoj-poqonal, richin chi toq roj yeqatz'et chi ek'o qach'alal pa tijoj-poqonal, kan yojtikir k'a yeqato', achi'el nuben ri Dios qik'in roj.

1 Corintios 14:35

Y wi k'o jun tzij ri xa man niq'ax ta chikiwech, tikik'utuj k'a chike ri kachijilal toq ye'apon pa taq kachoch, roma man ruk'amon ta chi jun ixoq nich'on-apo chiri'.

1 Corintios 14:19

Jak'a toq yin yinapon chikikojol ri molaj qach'alal, yin ninwajo' más yich'on pa jun ch'abel ri kan niq'ax-wi chikiwech konojel, roma stape' ta xa ka'i-oxi' ch'abel ri ninbij, más utz ke chuwech ninbij ta 10,000 ch'abel chike ri xa man niq'ax ta chikiwech.

1 Corintios 14:3

Jak'a ri nuq'alajirisaj ri ruch'abel ri Dios, kan chike k'a ri winaqi' nich'on-wi. Nuben chike richin yek'iy rik'in ri kik'aslen, yerupixabaj y nukuquba' kik'u'x.

Romanos 1:12

Keri' niqato-qi', richin nikuqer más qak'u'x. Rix yinito' yin, y yin yixinto' rix.

Wuj Richin Etamabel-Tzij 9:9

Kan tiya' k'a más rutzil chuwech ri aj-na'oj y xtik'oje' más runa'oj. kan titijoj k'a ri wineq choj ruk'aslen y rija' xtinimer más retamabal.

Wuj Richin Etamabel-Tzij 1:5

Ri aj-na'oj ri kan nrak'axaj re', ri retamabal nibe más pa jotol, y ri kan niq'ax chuwech, kan xtretamaj k'a ri achike ruk'amon chi nuben.

1 Corintios 14:30

Jak'a wi k'o ta jun qach'alal ri nich'on, y ri Dios k'o ta chuqa' jun chik ri nuq'alajirisaj chire jun qach'alal ri tz'uyul chiri', ri nich'on pa nabey xa titane-qa y tuya' kan q'ij chire ri jun chik.

1 Corintios 14:32

Keri' ri qach'alal ri k'o nikiq'alajirisaj, tikibana' ronojel pa ruchojmilal.

Colosenses 2:2

Ninben re' richin ninkuquba' ik'u'x y junan ta iwech niwajowala-iwi', richin niq'ax jebel chiwech ri qitzijri'il ri ewatel-pe ri xuq'alajirisaj ri Qatata' Dios chirij ri Cristo,

1 Tesalonicenses 5:20

Y toq ri Dios nuya' jun rutzijol chire jun qach'alal richin k'o nuq'alajirisaj, man tiwetzelaj.