1 Corintios 14:23 - Kaqchiquel Bible

²³ Man rik'in ri', xa ta rix imolon-iwi' y yixch'on ta pa ch'aqa' chik ch'abel, toq ye'apon ta iwik'in qach'alal ri man k'iy ta ketaman chirij ri ruch'abel ri Dios, o ye'apon ta ri man jani kikuquban ta kik'u'x, xa xtikibij k'a chiwe chi ix ch'ujerineq.

နောက်ထပ်ဗားရှင်းများ

Kaqchikel Santo Domingo (Xenacoj)

²³ Y keriꞌ kꞌa, si rix ri rix ralkꞌuaꞌl ri Dios imolon iwiꞌ jun apeꞌ, y rix iwonojel ngixchꞌaꞌa pa teq chꞌabꞌel ri ma itijon ta iwiꞌ rikꞌin, y ja atoq riꞌ ngebꞌeqaqa chiriꞌ wineq ri ma ketaman ta rubꞌeyal ri ndibꞌanatej iwikꞌin o wineq ri ma kitaqin ta ri Ajaw, rejeꞌ xa xtikibꞌij chi rix xa rix chꞌujulej teq wineq.

Kaqchikel Santa Maria de Jesus

²³ Xa ta imaluon-iviꞌ ri niꞌeꞌx iglesia chiva y ixvonojiel nquixchꞌoꞌ nicꞌaj chic chꞌabꞌal, y jareꞌ antok ncaꞌbꞌaka iviqꞌuin ri man qꞌuiy ta cataꞌn chirij ri ruchꞌabꞌal ri Dios, o ncaꞌbꞌaka ri man quiniman ta ri Dios, ¿man came niquiꞌej ta chiva chi ix chꞌuꞌj?

Kaqchikel Central Guatemala

²³ Man riq'uin ri', xa ta rix imolon-ivi' y yixch'on ta pa ch'aka' chic ch'abel tok ye'apon ta vinek iviq'uin y rije' man ta q'uiy quetaman chirij ri ruch'abel ri Dios, o ye'apon ta ri man quiniman ta, ¿nik'ax ta cami chiquivech ri nibij rix? ¿Man cami niquibij ta chive chi ix ch'ujirinek, roma man jun ti ch'abel ri nibij rix ri nik'ax ta chiquivech?

Re C'ac'a Testamento pa Kach'abal

²³ Xe-ta yex imalon-ivi' y yixch'o-ta pa tak nic'aj chic ch'abal re man itaman-ta y ye'bapon-ta re hermanos iviq'uin, re man q'uiy-ta quitaman chij re ruch'abal re Dios, o ye'bapon-ta re cama-va quiniman-ta re Dios, reje' xtiquibij chiva che c'o ruyabil ijalom, roma man jun ch'abal re nibij yex re nak'ax-ta pa quive'.

Kaqchikel Western Solola

²³ Xa ta riyix ri iniman chic ri Jesucristo, ri nibix iglesia chiwe, imolon ta iwi' pa jun lugar y chi'iwonojel yixch'o ta pa nic'aj chic ch'abel ri xa ma ye ich'abel ta y ye'apon ta winek iwuq'ui ri xa ma q'uiy ta quetaman chrij ri ruch'abel ri Dios, o ye'apon ta ri ma quiniman ta, ¿la ma niquibij ta cami chiwe chi xa yix ch'ujernek, ruma majun ch'abel nik'ax chiquiwech?

1 Corintios 14:23 ပူးပေါင်းရင်းမြစ်များ

Hechos 2:13

Jak'a ek'o k'a winaqi' ri xa yetze'en-apo chikij ri yech'on jun chik ch'abel, y nikibila' k'a chi xa e q'abarela'.

1 Corintios 11:18

Ri nabey ri ninwajo' ninbij chiwe, ja ri ninwak'axaj chiwij chi toq rix nimol-iwi', xa man junan ta iwech, xa ich'aralon-iwi'. Y yin ninbij chi rik'in juba' qitzij ri nibix chuwe.

Hechos 26:24

Jak'a ch'abel ri' ri najin chubixik ri Pablo richin nuq'alajirisaj chi rija' man jun rubanon. Jak'a ri Festo kan jari' xch'on rik'in uchuq'a', y xubij: Pablo, roma janila etamabel k'o awik'in, xa xach'ujer, xcha' chire.

San Juan 10:20

E k'iy k'a chike rije' ri xkibij chirij ri Jesús chi rija' xa ch'u'j, y xa itzel espíritu ri k'o rik'in, y man tinimex ri nubij.

Os 9:7

Xapon k'a ri q'ij chi niqaqa ri rutojbalil-mak, kan xtiqaqa k'a pan iwi' ri ruk'amon chiwe rix. Rix aj-Israel kan xtiwetamaj k'a chi xoqaqa yan pan iwi' ronojel re'. Rix israelita kan nibij k'a: La q'alajirisanel la' xa maneq runa'oj. La rusamajel ri Dios xa xch'ujer, yixcha'. Ronojel re' nibij roma kan ix nojineq chi etzelal. Kan janila k'a nim ri ch'upun-k'u'x ri k'o pan iwánima.

San Lucas 12:46

Jak'a ri q'ij y ri hora toq man nikich'ob ta chi noqaqa ri kajaw, jari' toq noqaqa. Ri ajaw kan xtuya-wi ruk'ayewal pa kiwi' ri samajela' ri yebanon keri', y xtikitej poqon kik'in ri ch'aqa' chik samajela' ri man yeniman ta tzij.