1 Corintios 13:9 - Kaqchiquel Bible

⁹ Man ronojel ta k'a qetaman; y ri niqaq'alajirisaj, xa man ja ta chuqa' ri' ronojel.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Porque wokami kin kꞌo etamabꞌel ngeyoꞌox pe chaqe roma ri Dios, pero ma nojel ta, y kꞌo chuqaꞌ ndubꞌij pe ri Dios pa qánima chin ndiqaqꞌalajrisaj, pero ma nojel ta.

Kaqchikel Santa Maria de Jesus

⁹ Ri noꞌj ri cꞌo kiqꞌuin vacame, xa man ja ta reꞌ nojiel, y quireꞌ jeꞌ ri niꞌeꞌx chika ruma ri Dios chi nakaꞌej, xa man ja ta jeꞌ reꞌ nojiel;

Kaqchikel Central Guatemala

⁹ Ri etamabel ri c'o kiq'uin vacami xa man ja ta ri' ronojel, y que chuka' ri' ri nibix chike roma ri Dios richin nikak'alajirisaj, xa man ja ta chuka' ri' ronojel.

Re C'ac'a Testamento pa Kach'abal

⁹ Re na'oj re c'o kaq'uin vocame xa ba-oc kataman cha, y xa ba-oc re nubij re Dios chaka chin nakatzijoj chique re vinak, man ronojel-ta.

Kaqchikel Western Solola

⁹ Ruma ri na'oj ri yatajnek chake wacami xa ma ya ta ri' ronojel, y queri' chuka' ri nibix chake ruma ri Dios riche (rixin) chi nikak'alajsaj, xa ma ya ta chuka' ri' ronojel.

1 Corintios 13:9 ပူးပေါင်းရင်းမြစ်များ

Wuj Richin ri Achin Job 26:14

Ronojel re' xa kan xaxe ok ti ruchi' ri rubanobal ri Dios; re' kan man jun ok chire ronojel ri nitikir nuben rija'. Kan man jun k'a ri k'o chiqakojol roj winaqi' ri kan niq'ax ta chuwech ronojel ri nitikir nuben rija', roma rija' jun nimalej Dios.

Wuj Richin Bix Chire ri Dios 139:6

Ronojel re etamabel re' kan meyel taq banobel chuwe yin. Kan janila nim, kan man niq'ax ta k'a chinuwech.

Wuj Richin Bix Chire ri Dios 40:5

Kan janila k'a k'iy ri meyel taq abanobal. Ri ach'obonik pa qawi' roj kan k'iy-wi. Kan man jun k'a achoq ik'in ta xkitikir xkatinjunamaj-wi. Yin man yitikir ta nintzijoj ronojel re', roma janila k'iy.

Wuj Richin Etamabel-Tzij 30:4

¿Kan k'o ta kami jun wineq ri xbe yan chila' chikaj y xtzolin ta chik pe? ¿Kan k'o ta kami jun wineq ri nitikir nuchop ri kaq'iq' rik'in ri ruq'a'? ¿Kan k'o ta kami jun ri nitikir nuyek ri ya' pa jun tzieq? ¿Kan k'o ta k'a kami jun ri nitikir nuya' retal ri akuchi k'o-wi ri ruchi' ri ruwach'ulew? ¿Y achike kami etamayon rubi' ri nitikir nibanon keri', y retaman ta rubi' ri ruk'ajol?

San Mateo 11:27

Y k'ari' ri Jesús xubij chike ri winaqi': Ri nata', kan ronojel k'a ruya'on-pe pa nuq'a'. Y man jun chik k'a etamayon in achike yin, xaxe ri nata' etamayon. Y man jun chuqa' etamayon achike ri' ri nata', xaxe yin ri ruk'ajol. Jak'a yin xtink'ut ri nata' ri achoq chuwech ninwajo' nink'ut-wi.

Romanos 11:34

¿K'o kami jun wineq ri q'axineq chuwech ri achike nuch'ob ri Dios? ¿O k'o kami jun ri tikirineq rubin chire ri Dios ri ruk'amon chi nuben?*f45*

1 Corintios 13:10

Jak'a k'o jun q'ij toq xtipe ri kan tz'aqet; y ri man e tz'aqet ta xa kan xkek'is.

1 Corintios 13:12

Re wawe' chuwech re ruwach'ulew man e tz'aqet ta ri etamabel ri ek'o qik'in. Kan junan rik'in ri yojtzu'un ta pa jun espejo ri xa tz'il ruwech, y man kan ta niq'alajin ri achike niqatz'et. Jak'a xtapon ri q'ij toq kan xtiq'alajin-wi ri niqatz'et. Chupan ri q'ij ri' kan xtiqetamaj jebel ruwech ri Dios, kan achi'el rija' retaman qawech roj wakami.

1 Corintios 2:9

Kan achi'el ri tz'ibatel kan toq nubij:*f5* Man jun k'a tz'eteyon, ni ak'axayon ri xtibanatej. Man jun ch'oboyon ta juba' pa ruwi' ri xtuya' ri Dios chike ri ye'ajowan richin, nicha'.

1 Corintios 8:2

Ri nich'obo chi janila k'iy etamabel k'o rik'in, xa man jun retaman chire ri ruk'amon ta richin nretamaj.

Efesios 3:8

Xa ja yin ri man kan ta más wejqalen chikiwech konojel qach'alal. Man rik'in ri' ri Dios xuya' ri rutzil chuwe richin nintzijoj ri rutzil ri Cristo chiwe rix ri man ix judío ta. Y ri utzil ri' kan janila nim, y man tikirel ta niq'ax chiqawech.

1 Juan 3:2

Wach'alal ri yalan yixinwajo', wakami oj ralk'ual chik ri Dios. Jak'a man jani tiq'alajin ri achike xqojbeok. Xaxe qetaman chi toq xtipe chik jun bey ri Jesucristo, xqojok achi'el rija' roma xtiqatz'et achike rubanik rija'.