1 Corintios 13:6 - Kaqchiquel Bible

⁶ Ri ajowabel nuben chi yojkikot roma ri utz ri niban, y man jun bey xtuben chi yojkikot ta toq nibanatej ri man choj ta.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Ri ndojowan rikꞌin nojel ránima, ma ndikikot ta atoq ndibꞌan ri ma pa ruchojmil ta, xa kin ndikikot atoq ndibꞌanatej nojel pa ruchojmil.

Kaqchikel Santa Maria de Jesus

⁶ Ri amor nuꞌon chika chi antok niꞌan ri man choj ta, man nkojquicuot ta, pero antok nibꞌanataj ri otz, nkojquicuot.

Kaqchikel Central Guatemala

⁶ Ri ajovabel nuben chike chi yojquicot roma ri utz ri niban, y man jun bey xtuben ta chike chi yojquicot ta tok nibanatej ri man choj ta.

Re C'ac'a Testamento pa Kach'abal

⁶ Re amor nuban chaka che yojqui'cot tak rion cosas otz ye'banataj, y tak rion cosas re man otz-ta ye'banataj, re kánma man niqui'cot-ta.

Kaqchikel Western Solola

⁶ Jun ri c'o ajowabel riq'ui, ma xtiquicot ta tek xa ma choj ta ri nibanatej; riya' niquicot tek can ya ri utz nibanatej.

1 Corintios 13:6 ပူးပေါင်းရင်းမြစ်များ

Wuj Richin Bix Chire ri Dios 10:3

Kan nikikot k'a rik'in ri rurayibel ri ránima, nikikot chuqa' kik'in ri yebanon etzelal y kan yaretzelaj rat.

Wuj Richin Bix Chire ri Dios 119:136

Yin kan yinoq' k'a roma q'axo'n, roma yentz'et ri winaqi' chi man nikitaqej ta ri apixa'.

Ex 18:9

Ri Jetro toq xrak'axaj ronojel re', kan janila k'a xkikot, roma ronojel ri utzil ri rubanon ri Jehová kik'in ri israelita, toq xerelesaj-pe pa kiq'a' ri aj-Egipto.

Wuj Richin Etamabel-Tzij 14:9

Chikikojol ri maneq kina'oj, xa yetze'en chikij ri nikik'utuj kuyubel kimak toq yemakun; jak'a chikikojol ri choj kik'aslen, kan janila jebel ri kánima.

Wuj Richin ri Jeremías 13:17

Roma wi rix man xkixniman ta, yin kan xkinoq'. Kan xtibiyin k'a ri ruya'al taq nuwech, roma kan xkixuk'uex-el pa ximonri'il, rix ri ix tzobaj richin ri Jehová, xicha'.

Wuj Richin ri Jeremías 20:10

Roma kan ninwak'axaj toq ri winaqi' yinkiyojobej y yejasjot y nikibij: K'o xibinri'il xabakuchi y nikibij: Qabesujuj, yecha'. Jajun ri wachibil koyoben chi yin k'o ta jun ninbij ri man ta nibanatej. Y roma ri' nikibij: Rik'in juba' xtuq'ol-ri' ruyon rija' y k'ari' xqojyakatej roj chirij y xtiqaya' rutojbalil pa ruwi', yecha'.

Wuj Richin ri Jeremías 9:1

Jebel ta ri' xa ta ri runaq' taq nuwech achi'el ta jun ya' ri nalex-pe chaq k'ate' y nichoxin ta pe ri ruya'al-nuwech richin yinoq' chi paq'ij chi chi'aq'a', koma ri nuwinaq e kaminaqi' richin ri nutinamit.

Os 4:8

Rik'in k'a ri sipanik ri nuya' ri tinamit richin nikuyutej kimak, rik'in ri' e k'es-wi. Roma ri' rije' kan nikirayij chi ri nutinamit nimakun ta más.

Os 7:3

Rik'in k'a ri itzel taq kibanobal nikiya' kikoten chire ri ki-rey. Ri e tata'al kan yekikot k'a rik'in ri tz'ukuj-tzij ri nikiben ri winaqi'.

Wuj Richin ri Miqueas 7:8

Rix ri ix etzelanel qichin, man kixkikot chiqij, roma stape' xojtzaq, xa kan xqojyakatej chik. Stape' xojk'oje' pa q'equ'm, jak'a ri Jehová jari' ri saqil chiqe roj.

San Mateo 18:13

Wi xa ta nril-pe, rija' kan más nikikot ránima rik'in ri jun rukarne'l ri sachineq, ke chuwech nikikot kik'in ri kan ek'o kan.

San Lucas 22:5

Rije' kan janila k'a xekikot toq xkak'axaj ri', y xkisuj ruméro.

Romanos 1:32

Rije' stape' ketaman chi ri Dios rubin chi ri yebanon etzelal ke taq ri', k'o chi niqa' ri kamik pa kiwi'. Man rik'in ri' k'a nikiben na ronojel etzelal, y chuqa' yekikot toq k'o ch'aqa' chik ri keri' nikiben.

Romanos 12:9

Kan kixajowan k'a rik'in ronojel iwánima. Tiwetzelaj ri man utz ta y tiwojqaj ri utz.

Filipenses 1:18

Chuwe yin ri más nik'atzin, kan ja ri nitzijox ri rubi' ri Cristo; y man nik'atzin ta k'a chi ninwetamaj wi ch'ajch'oj kánima toq nikitzijoj o xa man ch'ajch'oj ta. Jak'a toq kan ja ri rubi' ri Cristo ri nitzijox, kan janila kikoten ri nuya' pa wánima, y kan jantape' xkikikot.

Filipenses 1:4

Y jantape' k'a yixinnataj toq yich'on rik'in ri Dios, y rik'in kikoten nink'utuj ri rutzil pan iwi'.

Filipenses 3:18

Roma kan ek'o k'a e k'iy ri man nikinimaj ta chi k'o rejqalen chi ri Cristo xken chuwech ri cruz. Jeri' k'a ri e nunatan-el chiwe k'iy bey; y wakami kan rik'in chuqa' oq'ej ninnataj-el chiwe.

2 Tesalonicenses 2:12

Richin keri' xtiqaqa ruk'ayewal pa kiwi', roma más xqa' chikiwech ri itzel banobel ke chuwech xkikuquba' ta kik'u'x rik'in ri qitzij.

2 Juan 1:4

Janila kikoten xuya' pa wánima toq xenwil chikikojol ri awal jujun ri kojqan ri qitzij, kan achi'el nubij ri Qatata' Dios chiqe chupan ri ruch'abel.