1 Corintios 12:2 - Kaqchiquel Bible

² Rix iwetaman ri achike rubanik ri k'aslen ri xik'uaj toq man jani iwetaman ruwech ri Dios. Rix utz k'a chiwe chi xixuk'uex richin chi xiya' kiq'ij wachibel, stape' ri wachibel ri' xa man jun xuben iwoma rix o xch'on ta pe chiwe.

နောက်ထပ်ဗားရှင်းများ

Kaqchikel Santo Domingo (Xenacoj)

² Rix iwetaman chi atoq kꞌajani titaqij ri Ajaw, achel ta tzꞌapin iwech xixukꞌuꞌex chin xiyaꞌ kiqꞌij tiox ri xa ma ngechꞌaꞌa ta, achel ndikibꞌen ri esachineq.

Kaqchikel Santa Maria de Jesus

² Inreꞌ niꞌej chi ixreꞌ cꞌa nalka pan iveꞌ ri chica xiꞌan antok cꞌa majaꞌ ivataꞌn roch ri Dios. Ixreꞌ can otz chivach chi icꞌo ri xixquisach ruma xixucꞌuax incheꞌl niꞌan chica ri ídolos, ri ncaꞌcꞌuax jun lado y jun chic lado, y ijejeꞌ xa man ncaꞌchꞌoꞌ ta.

Kaqchikel Central Guatemala

² Yin ninbij chi rix c'a noka' na chi'ic'u'x ri achique rubanic ri c'aslen ri xic'uaj tok rubanon can, tok man jani ivetaman ta ruvech ri Dios. Rix utz c'a chive chi xixuc'uex richin chi xiya' quik'ij vachibel. Y xa man jun vachibel ri c'o ta xuben ivoma rix o xch'on ta pe chive. Xa can utz c'a chive chi xabacuchi xixuc'uex-vi y xa richin sachbel ivichin.

Re C'ac'a Testamento pa Kach'abal

² Yen nimbij che yex c'a ne'ka chi'c'o'x re andex che c'aslen xic'uaj, tak c'amaje-na tinimaj re Dios che'. Yex can otz xiban xina' tak xiya' quik'ij imágenes re xa vinak je'banayon-ka. Y man jun chique re imágenes re' c'o-ta jun cosa xuban pan i-cuenta o c'o-ta jun tzij xubij-pa chiva. Xa can otz chiva che xabanche' xixc'uax-va y xa chin satzabal ivichin.

Kaqchikel Western Solola

² Riyix iwetaman ri achique rubanic ri ic'aslen ri xic'uaj tek rubanon ca, tek c'a ma jane iwetaman ta ruwech ri Dios. Riyix chak utz chiwe chi xabacuchi (xabachique) xixuc'uex wi riche (rixin) chi xiya' quik'ij dios ri ma yech'o ta, dios ri xa ye banon cuma winek.

1 Corintios 12:2 ပူးပေါင်းရင်းမြစ်များ

1 Pedro 4:3

Xa man chik k'a tiben banobel ri xe'iben ojer kan, toq xa kan man xixk'ix ta xe'ibanala' ronojel ruwech etzelal. Kan xiben k'a ronojel ri xirayij, xixq'aber, xe'ibanala' nima'q taq wa'in richin xitej ya' y xiyala' kiq'ij ch'aqa' chik dios ri xa e banon.

1 Tesalonicenses 1:9

Ja winaqi' ri' ri yetzijon chi toq xojapon iwik'in, xojik'ul jebel. Nikitzijola' chuqa' chi xikuquba' ik'u'x rik'in ri k'aslik Dios richin nisamajij, y man xiya' ta chik kiq'ij wachibel.

Wuj Richin Bix Chire ri Dios 115:5

K'o kichi', jak'a xa man yech'on ta: K'o runaq' taq kiwech, jak'a xa man yetzu'un ta:

Gálatas 4:8

Y toq rubanon kan, toq k'a man jani tiwetamaj ruwech ri Dios, rix xa ja ri ch'aqa' chik dios ri xe'isamajij, ri xa man e qitzij dios ta.

1 Corintios 6:11

Y ri rubanon kan, keri' ri ik'aslen rix. Jak'a re wakami ch'ajch'oj chik ri iwánima, ix ch'aron chik richin ri Dios, y man jun chik imak yixk'ulun chuwech rija' roma ri samaj ri xuben ri ajaw Jesús y ri Loq'olej Espíritu.

Wuj Richin ri Jeremías 10:5

Rije' e achi'el poy pa jun qejoj ri tikon pepino chuwech. Rije' man yech'on ta; k'o chi ye'uk'uex na, roma man yetikir ta yebiyin. Roma ri' man tixibij-iwi' chikiwech, roma rije' man jun achoq chire nikiben-wi, utz ni itzel, xcha' ri Jehová.

1 Pedro 1:18

Ri Dios xixrukol chuwech jun k'aslen ri maneq ruchojmilal, ri xiwichinaj kan kik'in ri iwati't-imama' man rik'in ta q'anapueq ni saqipueq ri xa nik'is,

Tito 3:3

Roma toq rubanon kan, roj chuqa' oj nakaneq rik'in ri qach'obonik. Man xojniman ta tzij, y yalan oj sachineq ri chiri'. Man xojtikir ta xqaq'il-qi' chuwech ri mak. Xa kan xqaben ronojel ri itzel ri xqarayij. Yalan itzel ri qak'aslen xqak'uaj. Itzel xeqatz'et ri ch'aqa' chik roma ri utz k'o kik'in. Y kan niqetzelaj-qi'.

San Mateo 15:14

Xa ke'iya' kan la winaqi' la', roma rije' xa kan e moyirineq rik'in ri etamabel ri k'o kik'in, y yekiyuqej ch'aqa' chik ri xa e moyi' chuqa'. Y wi ri e moyi' yekiyuqej ri ch'aqa' chik moyi', xa kan junan k'a xketzaq pa taq jul, xcha' ri Jesús.

Wuj Richin ri Isaías 46:7

K'ari' nikiya-el chuwi-kitele'n richin nikik'uaj. Kan nikiya' k'a pa ruwi' jun k'ojelibel. Y kan chiri' k'a nik'oje-wi, y man nitikir ta nisilon-el juba'. Stape' k'o ta jun nich'on rik'in, ri wachibel ri' man nich'on ta pe, ni man nitikir ta nukol chupan jun q'axo'n.

Wuj Richin Bix Chire ri Dios 135:16

K'o kichi', jak'a man yech'on ta; K'o kitzubal, jak'a man yetzu'un ta;

Wuj Richin Bix Chire ri Dios 115:7

K'o kiq'a', jak'a xa man jun nikichop: K'o kaqen, jak'a xa man yebiyin ta: K'o kiqul, jak'a xa man yech'on ta.