1 Corintios 11:6 - Kaqchiquel Bible

⁶ Roma ri' wi man nikajo' ta nikikuch ri kijolon, más utz nikijuk'-el ri rusumal-kiwi'. Jak'a kan más ruk'amon chi tikikuchu' ri kijolon, richin chi man yek'ixbitej.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Pero si jun ixaq ma ndirajoꞌ ta ndutzꞌapij rujolon atoq kimolon kiꞌ ri eralkꞌuaꞌl ri Dios, tujukꞌuꞌ e ri rusmal ruwiꞌ. Pero si ri ndujukꞌ e ruwiꞌ ndukꞌen pe kꞌix chare, tutzꞌapij ri rujolon.

Kaqchikel Santa Maria de Jesus

⁶ Y xa icꞌo ixokiꞌ ri man nicajoꞌ ta niquiyaꞌ tziak pa quijaluon, tiquisocaj-el nojiel ri quiveꞌ. Y xa ncaꞌqꞌuix niquisocaj-el nojiel ri quiveꞌ, can tiquiyaꞌ tziak pa quijaluon.

Kaqchikel Central Guatemala

⁶ Y vi ec'o ixoki' ri man nicajo' ta niquitz'apej quijolon (quivi'), tiquikupij-el ri rusmal quivi'. Pero vi yeq'uix niquikupij-el ri rusmal quivi', vi yeq'uix niquisocaj-el ronojel ri rusmal quivi', tiquitz'apej c'a ri quijolon (quivi').

Re C'ac'a Testamento pa Kach'abal

⁶ Y vo xa jec'o ixoki' re man niquijo-ta niquicuch tziak pa quijalom, tiquisocaj-a re quive', o tiquijuc'u-a pa quijalom. Pero vo xa ye'q'uex niquisocaj-a o niquijuc'-a pa quijalom, pues tiquicuchu' c'a tziak pa quijalom.

Kaqchikel Western Solola

⁶ Y wi yec'o ixoki' ri ma nicajo' ta niquicuch quijolon (quiwi'), tiquisocaj el ri rusmal quiwi'. Pero wi yeq'uix niquisocaj el ri rusmal quiwi', tiquicuchu' c'a ri quijolon (quiwi').

1 Corintios 11:6 ပူးပေါင်းရင်းမြစ်များ

Wuj Richin ri Q'axanri'il 5:18

Xeri' ri sacerdote nrelesaj-el ri tzieq ri k'o pa rujolon ri ixoq. K'ari' nuya' ri cebada pa ruq'a', ri k'atzinel richin natabel richin chi niq'alajin jun mak roma ri atixanik. Jak'a ri sacerdote ruk'uan pa ruq'a' ri xára ri k'o ri ya' chupan ri nik'amon-pe ri etzelanik pa ruwi' ri aj-mak.

Hechos 18:18

Ri Pablo k'iy k'a q'ij ri xk'oje' na qa ri chiri' kik'in ri qach'alal pa Corinto. Y toq ch'owineq chik kan chike ri qach'alal, xbe richin niberuchapa-pe jun barco richin nibe k'a pa ruwach'ulew Siria. Y e rachibilan k'a el ri Priscila y ri Áquila. Ri Pablo k'o ri rusujun chire ri Dios. Roma ri' toq xe'apon pa Cencreas, ri tinamit ri k'o chi ye'ok-el pa barco, ri Pablo xujuk'-el ri rusumal taq ruwi', richin retal chi rija' xuk'is yan pa ruwi' ri rusujun chire ri Dios chi nuben.

1 Corintios 11:5

Jak'a ri ixoqi', toq yech'on rik'in ri Dios y toq nikibij ri ruq'alajirisan ri Dios chike, tikikuchu' k'a kijolon rik'in jun tzieq. Roma wi man keri' ta, nikiqasaj ruq'ij ri jolomaj ri k'o pa kiwi' rije' y xa junan rik'in ri juk'un ta el ronojel ri rusumal-kiwi'.

1 Corintios 11:7

Ri achin man utz ta chi nukuch ri rujolon, roma kan ruwachibel ri Dios, y ruwaq'ijaj richin rija'. Y ri ixoq nuk'ut ri ruruwaq'ijaj ri rachijil.

Deut 22:5

Ri ixoq man tukusaj rutziaq ri achin richin nuben achi'el achin, y ri achin man tukusaj rutziaq ri ixoq richin nuben achi'el ixoq, roma ri banobel ri' kan itzel nutz'et ri Jehová ri qa-Dios.