1 Corintios 11:27 - Kaqchiquel Bible

²⁷ Xabachike k'a chiwe ri nitijo ri kaxlan-wey y nuqum ri vino ri xa man richin ta nuya' ruq'ij-ruk'ojlen ri Cristo, kan nimakun chirij ri ruch'akul y ri rukik'el ri Cristo.

နောက်ထပ်ဗားရှင်းများ

Kaqchikel Santo Domingo (Xenacoj)

²⁷ Roma kꞌa riꞌ, xa achike na jun ndikꞌuxu ri kaxlan wey o ndutij ri vino kꞌuxlabꞌel rukamik ri Ajaw, si ma pa rubꞌeyal ta ndubꞌen atoq ndumal riꞌ kikꞌin ri eralkꞌuaꞌl ri Dios, ri jun riꞌ kin mak ndubꞌen chirij rukikꞌel y ru-cuerpo ri Ajaw.

Kaqchikel Santa Maria de Jesus

²⁷ Rumareꞌ, xa chica-na ri nicꞌuxu ri simíta y nikumu ri ruyaꞌl ri uva ri nunataj ri rucamic ri Ajaf, xa man jun rakalien nuꞌon cha, nuꞌon pecar-riꞌ, ruma nuꞌon cha ri ru-cuerpo y ri ruquiqꞌuiel ri Ajaf chi man jun rakalien.

Kaqchikel Central Guatemala

²⁷ Romari' vi xa man nikaya' ta ruk'ij ri Ajaf tok nikatej ri caxlan-vey y ri ruya'al-uva richin natabel richin, yojmacun. Can chirij c'a ri ruch'acul y ri ruquiq'uel rija' yojmacun-vi.

Re C'ac'a Testamento pa Kach'abal

²⁷ Mare' vo xa man nakaya-ta ruk'ij re Ajaf tak nakataj re xcana-vay y re ruyi'al-uva chin nakanataj reja', yojmacun. Can chij c'a re ru-cuerpo y re ruq'uiq'uel reja' yojmacun-va.

Kaqchikel Western Solola

²⁷ Rumari' xabachique c'a ri xtitijo ri caxlan wey y nukum ri ruya'al uva ri natabel riche (rixin) ri rucamic ri Ajaf, wi xa majun rejkalen nuben chare ri rutijic ri caxlan wey y ri rukumic ri ruya'al uva, ri winek ri' nimacun, y can chrij ri ruch'acul y ri ruquiq'uel ri Ajaf nimacun wi.

1 Corintios 11:27 ပူးပေါင်းရင်းမြစ်များ

San Juan 6:51

Ja yin k'a ri qitzij wey aj-chikajil ri niya'on k'aslen. Y xabachike ri xketijo k'a re wey re', xkek'ase' richin jantape'. Ri wey k'a ri xtinya' yin chike kan jak'a ri nuch'akul. Kan xkinapon-wi k'a pa kamik richin chi nuk'en-pe k'aslen chike ri winaqi' ri ek'o chuwech re ruwach'ulew, xcha'.

1 Corintios 10:21

Rix kan niqum k'a ri vino richin ninataj ri rukamik ri Cristo. Y wi keri', man ruk'amon ta chi niqum chuqa' ri xa xsuj yan chike itzel taq espíritu. Rix nitej ri kaxlan-wey richin ninataj ri rukamik ri Jesús. Y wi keri', chuqa' man ruk'amon ta nitej ri xa xsuj yan chike itzel taq espíritu.

Hebreos 10:29

Y wi keri', ¿man nich'ob ta kami rix chi xa más ruk'ayewal niqaqa pa ruwi' ri wineq ri nuxolq'otij ri rubi' ri Ruk'ajol ri Dios, y nuben chi man jun rejqalen ri rukik'el ri xya'on rejqalen ri jikibel-tzij?, roma ja kik' ri' ri xch'ajch'ojirisan ri ruk'aslen. Chuqa' ri wineq ri nixolq'otin richin, kan nretzelaj chuqa' ri Loq'olej Espíritu ri niya'on utzil pa qawi'.

Wuj Richin ri Q'axanri'il 9:13

Jak'a ri wineq ri ch'ajch'oj, wi man beneq ta nej chire ri rutinamit y man nunimaq'ijuj ta ri q'ij ri', rija' k'o chi nelesex-el chi'ikojol, roma man xuya' ta apo ri sipanik chire ri Jehová chupan ri q'ij y kan nrejqalej k'a ri rumak.

Wuj Richin ri Q'axanri'il 9:10

Tabij k'a chike ri awinaq: Wi k'o jun chiwe o k'o jun chike ri iwijatzul ri man ch'ajch'oj ta roma xuneq ruch'akul jun kamineq o xa nej beneq-wi chire ri tinamit toq xapon ri q'ij richin ninimaq'ijuj ri q'ij ri', utz ninimaq'ijuj stape' man chupan ta ri q'ij.

San Mateo 22:11

K'ari' ri rey xok k'a apo chikitz'etik konojel ri xeroyoj. Y rija' xutz'et k'a chi k'o k'a jun achin ri chiri' ri man rukusan ta el ri rutziaq ri nik'atzin chupan ri jun k'ulubik ri'.

1 Corintios 11:29

Roma wi xa man niq'ax ta chiwech ri rejqalen ri ruch'akul ri ajaw Jesucristo toq nitej ri kaxlan-wey y niqum ri vino, kan k'o k'a ri ruk'ayewal ri niqaqa pan iwi'.