1 Corintios 11:24 - Kaqchiquel Bible

²⁴ Y toq rija' rumatioxin chik chire ri Dios, xuper ri kaxlan-wey ri', y xubij chike ri rutijoxela': Tik'ama' y titija' re kaxlan-wey re', roma jare' ri nuch'akul ri kan xtijach pan ik'exel rix. Kan titija' k'a, richin natabel wichin, xcha' ri Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

²⁴ y atoq rumatioxin chik chare ri Dios, xuper y xubꞌij: Jareꞌ ri nu-cuerpo ri ndijach pa kamik chin ndukꞌen pe utz chiwa. Tikꞌuxuꞌ y kereꞌ tibꞌanaꞌ chin ndikꞌuxlaꞌaj chi xiken iwoma.

Kaqchikel Santa Maria de Jesus

²⁴ y antok jajaꞌ ruyoꞌn chic tiox bꞌaꞌ cha ri Dios, xuper ri simíta y xuꞌej chica ri ru-discípulos: Titzꞌamaꞌ y ticꞌuxuꞌ ri simíta; ruma jareꞌ ri nu-cuerpo ri xtijach pan i-cuenta ixreꞌ. Can tibꞌanaꞌ cava siempre richin nquininataj.

Kaqchikel Central Guatemala

²⁴ Y tok rija' rumatioxin chic chire ri Dios, xuper (xupir) ri caxlan-vey, y xubij chique ri rutijoxela': Tic'ama' y titija' re caxlan-vey re', roma jare' ri nuch'acul ri xtapon pa camic richin yixcolotej. Can titija' c'a, richin natabel vichin.

Re C'ac'a Testamento pa Kach'abal

²⁴ Y tak reja' rutioxin chic cha re Dios, xupar re xcana-vay, y xubij chique re ru-discípulos: Tic'ama' c'a can y titija' re xcana-vay re', roma jare' re nu-cuerpo re xtapon pa camic chin yixcolotaj chach re imac. Can titija' chin che yininataj.

Kaqchikel Western Solola

²⁴ Y tek rumatioxin chic chare ri Dios, xuwech' ri caxlan wey, y xubij chique ri rudiscípulos: Tic'ama' y titija' re caxlan wey re', ruma yac'are' ri nuch'acul ri xtapon pa camic riche (rixin) chi yixcolotej. Can titija' c'a, riche (rixin) natabel wuche (wixin).

1 Corintios 11:24 ပူးပေါင်းရင်းမြစ်များ

Wuj Richin ri Isaías 26:8

Chuqa' roj kan qakuquban qak'u'x awik'in, rik'in ri choj bey ri aya'on chiqe. Y ri rurayibel ri qánima chi kan xaxe rat ri yatqach'ob.

Wuj Richin ri Nimalej Bix 5:1

Wajowanel yin, xkinapon k'a awik'in, richin yinach'uch'urisaj rat, ri at achi'el nuqejoj; richin xtinseq ri mirra y ri jubulej taq awaq'om ri niwachin chiri'; richin xtintej ri kab, y richin xtinqum k'a ri vino y ri leche ri ek'o chiri'. ¡Rix qachibil, qojwa-qojuk'ya', qojqumun janipe' ri niqajo'!

Wuj Richin Etamabel-Tzij 9:5

Kan utzilej ipeten chupan re wa'in re ninsuj chiwe yin, kan kixanpe k'a; kan kixwa-kixuk'ya' wik'in; kan tiqumu' k'a ri vino ri kan iwichin rix nubanon rutzil.

Ex 12:14

Y re q'ij re' kan k'o chi xtinimaq'ijuj rix, chuqa' keri' xtikiben ri iwijatzul ri xkepe chi wiq chi tanaj. Kan keri' k'a ri k'o chi niben richin jantape'.

Wuj Richin ri Isaías 25:6

Ri Jehová k'iytisanel richin ronojel kan xtuberuchojmirisaj k'a jun nimaq'ij chiri' pa juyu' Sión, kichin konojel winaqi' ri ek'o chuwech re ruwach'ulew. Kan xtuya' jebelej taq vino ri kan e cha'on, y jebelej taq ti'ij.

Wuj Richin ri Nimalej Bix 1:4

Kan chi'anin k'a kinak'uaj-el, kan kinak'uaj k'a el pan awachoch. Kan janila k'a yojkikot awik'in rat. Kan niqaya' más rejqalen ri awajowabal rat ke chuwech ri vino. Xa roma aj k'a ri' janila yatajowex.

Wuj Richin Bix Chire ri Dios 111:4

E nima'q taq banobel yeruben ri Jehová richin natabel richin. Rija' kan joyowanel y koch'onel.

San Mateo 26:13

Tiwak'axaj na pe jebel re xtinbij chiwe, chi xabakuchi k'a ri xtitzijox-wi ri utzilej ch'abel richin kolotajik, chiri' chuqa' xtitzijox-wi re xuben re jun ixoq re'. Kan ronojel k'a ruwach'ulew xtitzijox-wi, y man jun bey k'a xtimestex, xcha' ri Jesús.

Wuj Richin Bix Chire ri Dios 22:29

Konojel ri e beyoma' kan xkexuke' chawech y xtikiya' aq'ij, roma konojel re winaqi' re' xa kan xke'ok chik poqolaj, y kiyon rije' kan man yetikir ta nikiya-qa kik'aslen.

Wuj Richin Bix Chire ri Dios 22:26

Ri kiqasan-ki' chawech kan xtikitej k'a ri kiway y kan xtinoj k'a kipan. Ri yekanon awichin, kan xtikiya' k'a aq'ij y xkek'ase' k'a richin jantape'.

Wuj Richin ri Josúe 4:7

jari' toq xtikibij chike: Toq ri káxa ri akuchi beneq-wi ri rujikibel-tzij ri Dios xapon chuchi' ri raqen-ya', jari' toq xch'aratej ri raqen-ya' Jordán, xkecha'. Y kan keri' k'a xtiben, roma ri' re jun molaj abej re' xtik'atzin richin natabel chike ri iwiy-imam richin q'asen, xcha' ri Josué.

Ex 28:12

Re ka'i' abej re' xkeya' chuwi-rutele'n ri efod ri banon rik'in lino, richin jun natabel kichin ri winaqi' israelita. Ri Aarón xkeruk'uaj k'a ri chuwi' taq rutele'n, richin chi yin nintz'et y xke'oqaqa chi nuk'u'x.

1 Corintios 11:23

Jak'a ri ruchojmilal ri nuya'on chiwe yin, kan ja wi ri ajaw ri xya'on chuwe. Y ri ruchojmilal ri' nubij k'a chi ri ajaw Jesús, toq nijach yan el pa kiq'a' ri winaqi', chupan ri aq'a' ri' rija' xuchop jun kaxlan-wey.

1 Corintios 11:25

Y toq xek'achoj yan chire ri wa'in, ri Jesús xuchop k'a chuqa' ri qumbel ri k'o vino chupan, y xubij: Re vino re', jare' ri nukik'el ri xtibiyin pan ik'exel rix. Rik'in re' nik'achoj ri k'ak'a' jikibel-tzij ri rajowan-pe ri Dios chi nuben iwik'in. Ronojel bey ri xtiqum, kan richin k'a natabel wichin yin, xcha' ri Jesús.