1 Corintios 10:7 - Kaqchiquel Bible

⁷ Man k'a tiya' kiq'ij kiwachibel ch'aqa' chik dios, achi'el xkiben jujun chike ri qati't-qamama', achi'el tz'ibatel kan chupan ri ruch'abel ri Dios*f12* toq nubij chi ri winaqi' xetz'uye' richin xewa-xe'uk'ya', y konojel xeq'aber y xekibanala' itzel taq banobel.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Ma tiyaꞌ kiqꞌij tiox, achel xkibꞌen ekꞌiy chikikajal rejeꞌ, achel tzꞌibꞌan kan chupan ri rutzij ri Dios ri kereꞌ ndubꞌij: Ri tinamit xetzꞌuyeꞌ chin xewaꞌ y xkitij yaꞌ, y atoq xekolaj, xeyakatej y xkibꞌen itzel teq etzꞌanin chikiwech. Keriꞌ tzꞌibꞌan kan.

Kaqchikel Santa Maria de Jesus

⁷ Man tiyaꞌ quikꞌij ri ídolos, incheꞌl xquiꞌan nicꞌaj chiquivach ijejeꞌ. Chupan ri ruchꞌabꞌal ri Dios ri tzꞌibꞌan can, nuꞌej chirij ri xquiꞌan: Ri vinak xaꞌtzꞌuyeꞌ chi xaꞌvaꞌ y xaꞌkumun, y xaꞌpalaj chi xaꞌxajo. Quireꞌ ri tzꞌibꞌan can.

Kaqchikel Central Guatemala

⁷ Rije' can xquiya-vi chuka' quik'ij dios ri xa man e kitzij ta, y chupan ri ruch'abel ri Dios ri tz'ibatel can, nunataj ri nimak'ij xquiben tok c'a juba' tic'achoj jun vachibel: Ri vinek xetz'uye' richin xeva-xe'uc'ya', y tok xecolaj, xeyacatej-el richin xenimak'ijun. Queri' nubij ri tz'ibatel can. Man c'a tikaben roj ri achique xquiben rije'. Man tikaya' quik'ij dios ri xa man e kitzij ta.

Re C'ac'a Testamento pa Kach'abal

⁷ Reje' can xquiya-va chuka' quik'ij re imágenes re xa vinak je'banayon-ka, y chupan re ruch'abal re Dios re tz'iban can, nunataj che reje' xquiban namak'ij tak c'a ba' tiquiban-va jun imagen: Re vinak xe'tz'uye' chin xe'va-xe'uq'uia', y tak xe'c'achoj-yan che va'in, xe'yacataj-a chin xquitz'am atz'anen y xe'xajo'. Quire' nubij re tz'iban can. Yoj man takaban re andex xquiban reje'. Man takaya' quik'ij re imágenes re xa vinak je'banayon-ka.

Kaqchikel Western Solola

⁷ Ma tiya' ta quik'ij dios ri xa ye banon cuma winek, ma tiben ta achi'el ri xquiben riye', ruma yec'o nic'aj chique riye' ri xquiya' ruk'ij jun dios ri xa ye riye' xebano, achi'el ri tz'ibatal ca chupan ri ruch'abel ri Dios, tek nubij: Ri winek xetz'uye' chuwech ri wachbel ri' riche (rixin) chi xewa' xe'uc'ya', y tek xec'achoj chare ri wa'in, xeyacatej el riche (rixin) chi xquichop jun itzel etz'anen. Queri' nubij ri tz'ibatal ca.

1 Corintios 10:7 ပူးပေါင်းရင်းမြစ်များ

1 Corintios 6:9

¿Man iwetaman ta k'a chi ri man choj ta kik'aslen xa man xtiya'ox ta q'ij chike richin xkeok pa rajawaren ri Dios? Man tiq'ol-qa-iwi', roma chupan ri rajawaren ri Dios man xke'ok ta ri achi'a' y ri ixoqi' ri nikikanola-ki' richin yemakun, ri yeya'on kiq'ij ch'aqa' chik dios, ri k'ulan taq winaqi' y nikikanoj jun chik richin yemakun y ri achi'a' ri man yekajo' ta ixoqi' y xa kik'in chik achi'a' yek'oje-wi-qa.

1 Corintios 10:14

Roma ri' rix, wach'alal ri yalan yixinwajo', man tiya' kiq'ij ch'aqa' chik dios.

Deut 9:12

Y ri Jehová xubij chuwe: Kabiyin y kaqaqa-el chi'anin, roma ri tinamit ri xe'awelesaj-pe pan Egipto kan chi'anin xkich'er kan ki' wik'in; xa kan man xkitaqej ta ri xinbij chike; xa xkiben jun wachibel ri banon rik'in q'anapueq ri ya'erisan pa q'aq'.

1 Corintios 5:11

Ri xinwajo' xinbij chiwe chupan ri wuj ri', ja ri man tiwachibilaj jun achin o jun ixoq ri xa nikikanola-ki' richin yemakun, stape' nikibij chi kan e qach'alal. Y keri' chuqa' ri ye'ajowan chi ronojel kik'in ta rije' k'o-wi, ri k'a nikiya' na kiq'ij ch'aqa' chik dios, ri yeyoq'on, ri yeq'aber, y ri ye'eleq'. Re winaqi' re', ni man ruk'amon ta richin yixwa' kik'in.

1 Juan 5:21

Rix walk'ual, man k'a ke'iwojqaj ri dios ri xa man e qitzij ta. Kan keri' ta k'a.

Ex 32:19

Y toq xe'apon akuchi ek'o-wi-qa, jari' toq ri Moisés xutz'et ri ruwachibel ri jun nima-alaj achij wákix y ri xajoj ri niban chuwech. Jari' toq xyakatej royowal y xuk'eq-qa pan ulew ri tz'alem taq abej, y xupaxij chiri' chuxe' ri juyu'.

Ex 32:17

Y toq ri Josué junan chik k'a e peteneq rik'in ri Moisés, roma nrak'axaj raqoj-chi'ij kichin ri winaqi', xubij chire ri Moisés: Yin ninwak'axaj raqoj-chi'ij richin labal ri akuchi ek'o-wi-qa ri qawinaq, xcha'.

Ex 32:4

Y ri Aarón kan xuk'ul k'a kan chuwi-kiq'a', ri kik'uan-apo chire. Xpe rija' xutzek k'a ronojel ri ruwi' taq ixkinaj ri', richin xya'er y k'ari' xuq'ej pa jun k'ojelibel ri xuben rija'. Y k'ari' xuchop ri rusamajibal y xel ruwachibel jun nima-alaj achij wákix chuwech. Y k'ari' ri winaqi' xkibij: ¡Qawinaq! Ja k'a qa-dios re' ri xojelesan-pe pa ruwach'ulew Egipto, xecha'.

1 Corintios 8:7

Jak'a kan ek'o qach'alal ri man ketaman ta chi ri wachibel man jun yetikir nikiben, stape' xkiya' kiq'ij ri wachibel toq rubanon kan. Roma ri' ri kánima jujun chike rije', nuna' chi wi nikitej ri ti'ij ri sujun chike ri wachibel, rik'in ri' nikiya' ruq'ij ri wachibel. Y nikina' chi kan mak wi ri nikiben.

Hechos 15:20

Ri ruk'amon k'a niqaben, ja ri tiqataqa-el rubixikil chike chupan jun wuj, chi man yekitej ri xa man utz ta richin nitij roma ya'on chik chikiwech ch'aqa' chik dios. Chuqa' ri winaqi' e k'ulan man tikikanola-ki' richin yemakun, y man chuqa' tikitej ti'ij kichin ri chikopi' ri xejiq', ni man k'a chuqa' tikitej kik', qojcha-el chupan ri wuj.