1 Corintios 10:26 - Kaqchiquel Bible

²⁶ Roma ri ruch'abel ri Dios*f13* nubij chi ronojel kan rik'in rija' peteneq-wi; richin k'a rija' re ruwach'ulew y ronojel ri yek'iy chuwech.

နောက်ထပ်ဗားရှင်းများ

Kaqchikel Santo Domingo (Xenacoj)

²⁶ Porque ri rochꞌulew y nojel ri kꞌo chuwech, kin richin ri Ajaw.

Kaqchikel Santa Maria de Jesus

²⁶ Ruma richin ri Ajaf Dios ri roch-ulief y nojiel ri cꞌo choch.

Kaqchikel Central Guatemala

²⁶ Roma can ronojel c'a riq'uin ri Ajaf Dios petenek-vi. Richin c'a rija' re ruvach'ulef y ronojel ri yeq'uiy chuvech.

Re C'ac'a Testamento pa Kach'abal

²⁶ Roma ronojel cosa riq'uin re Ajaf Dios je'pitinak-va. Richin reja' re ruch'ulef y ronojel re ye'q'uiy chach.

Kaqchikel Western Solola

²⁶ Ruma can riche (rixin) ri Ajaf Dios re ruwach'ulef y ronojel ri yeq'uiy chuwech.

1 Corintios 10:26 ပူးပေါင်းရင်းမြစ်များ

Wuj Richin Bix Chire ri Dios 24:1

Chijun ri ruwach'ulew y ronojel ri k'o chuwech kan e richin ri Jehová. Chijun ri ruwach'ulew y konojel ri e k'es chuwech kan e richin-wi rija'.

Ex 19:5

Wakami k'a, wi kan xtinimaj k'a ri nuch'abel y nitaqej ri jikibel-tzij ri nubanon iwik'in, rix kan xkixok k'a jun tinamit ri janila iwejqalen chikiwech ri ch'aqa' chik tinamit. Man rik'in ri' chijun re ruwach'ulew kan wichin yin.

Wuj Richin Bix Chire ri Dios 50:12

Wi ta yin yinum, man ta ninbij chawe rat, roma kan wichin yin ri ruwach'ulew y ronojel ri k'o chuwech.

Wuj Richin ri Achin Job 41:11

Kan man jun k'a wineq ri k'o ta pe nabey chinuwech yin, richin chi kan ruk'amon ta chi k'o nuk'as rik'in. xa kan ronojel k'a ri k'o chuwech chijun re ruwach'ulew, kan ja yin ri ink'o pa ruwi'.

Deut 10:14

Ri Jehová ri qa-Dios kan richin k'a rija' ri kaj ri tz'etel y ri man tz'etel ta, y chuqa' chijun ruwach'ulew, y ronojel ri ek'o chuwech.

1 Timoteo 6:17

Y rat Timoteo, tabij chike ri qach'alal ri e beyoma' chi man tikinimirisaj-ki', ni man tikoyobej chi ri beyomel nuk'en-pe ronojel chike, roma ri beyomel xa nik'is. Pa ruk'exel ri' xa kan tikikuquba' kik'u'x rik'in ri Dios ri niya'on ronojel ri utz chiqe paruk'iyal richin nikikot ri qánima.

1 Corintios 10:28

Jak'a wi k'o ta jun ri nibin chiwe chi ri ti'ij ri niya'ox chiwe richin nitej xa sujun chik chikiwech wachibel, rix kan man k'a titej ri ti'ij ri', roma wi rix xtitej, xa xtiben chi niq'axo ri ránima ri xbin chiwe, y man roma ta chi niq'axo ri iwánima rix. Y rik'in juba' ek'o chiwe rix ri yech'obon y nikibij-qa pa taq kánima: ¿Kan roma kami ri ruch'obonik rija' yin k'o chi ninq'et-wi' chire ri k'o chi ninben?

Ex 9:29

Y ri Moisés xubij: Kan xaxe k'a xkinel-el chuchi' re nima-tinamit re', xtinyek ri nuq'a' chikaj, y xtink'utuj k'a chire ri Jehová, y kan xtitane' k'a ri koqolajay y ri saqboch, richin keri' nawetamaj chi ja ri Jehová rajaw re ruwach'ulew.

1 Timoteo 4:4

Ronojel ri ruk'iytisan ri Dios, kan e utz wi, roma ri' man jun tibin chi k'o ri man ta utz richin yetij. Xaxe nik'atzin chi nimatioxix chire ri Dios ronojel.