1 Corintios 10:11 - Kaqchiquel Bible

¹¹ Ronojel k'a ri xkik'uluwachij rije', kan k'o-wi k'a nuk'ut chiqawech roj, y roma ri' e tz'ibatel kan richin chi roj re ojk'o chupan re ruk'isibel taq q'ij richin re ruwach'ulew niqak'en qana'oj chirij.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Nojel re xkikꞌulwachij rejeꞌ ojer kan, xtzꞌibꞌex kan chupan ri rutzij ri Dios chin ndiqetamaj roj ri rojkꞌo chupan ri rukꞌisibꞌel teq tiempos chi ma tiqabꞌen achel xkibꞌen rejeꞌ.

Kaqchikel Santa Maria de Jesus

¹¹ Nojiel ri xbꞌanataj quiqꞌuin ijejeꞌ, xa jun ejemplo chika ojreꞌ. I-tzꞌibꞌan can chupan ri ruchꞌabꞌal ri Dios, chi quireꞌ ojreꞌ ri ojcꞌo chupan ri ruqꞌuisbꞌal tiempo richin ri roch-ulief, man tibꞌanataj kiqꞌuin quireꞌ.

Kaqchikel Central Guatemala

¹¹ Ronojel c'a ri xquic'ulvachij rije', can c'o-vi c'a ri nubij chike. E tz'ibatel c'a can richin chi roj ri ojc'o chupan re ruq'uisibel tak tiempo richin re ruvach'ulef, man tikac'ulvachij chuka' queri'.

Re C'ac'a Testamento pa Kach'abal

¹¹ Ronojel re xquic'alvachij reje', can nuban chaka che yojnojin y c'o q'uiy cosa chuka' nubij chaka. Re' je'tz'iban can chin che yoj re yojc'o chupan re ruq'uisibal tak tiempo chin re ruch'ulef, man takac'alvachij chuka' quire'.

Kaqchikel Western Solola

¹¹ Ronojel c'a ri xquic'ulwachij riye', jun c'ambel na'oj chkawech riyoj. Ye tz'ibatal c'a ca riche (rixin) chi riyoj ri yojc'o chupan re ruq'uisbel tak tiempo riche (rixin) re ruwach'ulef, can tikachajij ki' riche (rixin) chi ma xtikac'ulwachij ta chuka' riyoj queri'.

1 Corintios 10:11 ပူးပေါင်းရင်းမြစ်များ

Wuj Richin ri Rutikeribel 19:35

Y kan keri' wi xkiben chupan ri aq'a' ri', xkiben chire ri kitata' chi xuqum k'iy vino, y ja chik ri chaq'laxel ri xk'oje' kan rik'in. Jak'a ri Lot kan man xuna' ta toq xk'oje' kan rik'in, ni toq xyakatej-el.

Wuj Richin Bix Chire ri Dios 102:18

Ronojel re' k'o chi xtitz'ibatej kan, richin tiketamaj konojel ri sol winaqi' ri e peteneq; richin chi ri winaqi' ri xkebe'alex kan xtikibixaj k'a chuqa' ri abi' rat Jehová.

Ez 5:15

Kan konojel k'a ri winaqi' kichin ch'aqa' chik ruwach'ulew xtiketzelaj y xtikitze'ej. Chuqa' kan xtik'atzin richin k'ixbilal chike ri ch'aqa' chik ruwach'ulew ri ek'o chunaqaj, roma yin xtinq'et-tzij pa ruwi' rik'in oyowalen y rik'in ch'olinik.

San Mateo 13:39

Ri etzelanel ri xbetikon kan ri pach'un-q'os, kan jak'a ri Itzel-Wineq. Ri q'atoj, jak'a ri xtibanatej pa ruk'isibel chire ri ruk'isibel taq q'ij; y ri q'atonela', jak'a ri ángel.

San Mateo 13:40

Roma ri' kan achi'el k'a niban rik'in ri pach'un-q'os chi ye'elesex-el y yeporox pa q'aq', kan keri' chuqa' xtibanatej.

Romanos 13:11

Y ronojel re xinbij-qa, kan richin chi qojk'astej, roma qetaman chi noqaqa yan ri q'ij toq xqojkolotej-el. K'o yan k'a q'ij ri qakuquban-pe qak'u'x, y roma ri' yojtikir niqabij chi wakami más naqaj chik ojk'o-wi chire ri q'ij richin ri qakolotajik.

Romanos 13:12

Ri q'equ'm niq'ax yan, y niq'alajin yan pe ri saqil. Roma ri', wi k'a k'o qamak ri niqaben pa taq q'equ'm, tiqaya' kan. Nik'atzin chi ja ri saqil ri nok qatobal, achi'el jun aj-labal toq nukusaj ri rutobal.

Romanos 15:4

Y ronojel ri ruch'abel ri Dios ri tz'iban kan ojer, e tz'ibatel kan richin chi k'o niqetamaj. Kan nuben-wi chiqe chi yojkoch'on y niqakuquba' más qak'u'x chiroyobexik ri rutzil ri Dios.

Romanos 4:23

Man xaxe ta k'a richin rija' chi man jun rumak xk'ulun chuwech ri Dios,

1 Corintios 10:6

Roma ri' man tiqaben achi'el ri xkiben rije'. Roma rije' xa xkirayij ronojel ri man e utz ta.

1 Corintios 7:29

Jak'a man timestaj wach'alal, chi xa man k'iy ta chik q'ij xqojk'oje' wawe' chuwech re ruwach'ulew. Roma ri' ri qach'alal ri k'o kixjayilal man tikiya' q'ij chi roma ri e k'ulan chik, roma ri' man nikiben ta chik ri achike nrajo' ri Dios.

1 Corintios 9:10

Rija' xubij keri' roma nrajo' chi chiqajujunal niqak'ul ta ri ruk'amon. Achi'el nuben jun achin ri nusamajij ri ulew, rija' ruk'amon nroyobej ri q'ij toq k'o xtuk'ul roma ri rusamaj. Y keri' chuqa' ri nich'ayon ru-trigo, ruk'amon chi nroyobej chi k'o ri nuya-pe chire.

Gálatas 4:24

Re tzij re' jun k'ambel-na'oj, roma re ka'i' ixoqi' re', nuk'exewachuj ri ka'i' jikibel-tzij ri xuben ri Dios. Ri Agar, achi'el ri jikibel-tzij ri xban pa ruwi' ri juyu' Sinaí. Y konojel k'a ri ye'alex keri', ye'alex chupan ri ximonri'il.

Filipenses 4:5

Ri utzil ri niben kan niq'alajin ta k'a chikiwech konojel, roma ri ajaw naqaj chik k'o-wi ri rupetebal.

Hebreos 10:25

Roma ek'o ri man nikirayij ta chik ye'apon chupan ri molojri'il richin niqaya' ruq'ij ri Dios. Jak'a roj man tiqaben keri'. Xa kan nik'atzin chi niqamol-qi', richin niqakuqubala' qak'u'x chiqachibil-qi'. Y jari' ri más nik'atzin richin niqaben roma qetaman chi napon yan ri q'ij toq xtipe chik jun bey ri ajaw.

Hebreos 10:37

Roma chupan ri ruch'abel ri Dios nubij:*f25* Ri jun ri xtipe, chi'anin xtoqaqa. Naqaj chik ri rupetebal.

1 Juan 2:18

Rix walk'ual, ojk'o chik chupan ri ruk'isibel taq q'ij. Y rix iwak'axan chik chi xtipe jun q'olonel ri netzelan richin ri Cristo. Y wakami e k'iy chik ri e keri'. Y roma ri' qetaman chik chi ojk'o chik chupan ri ruk'isibel taq q'ij.