1 Corintios 1:8 - Kaqchiquel Bible

⁸ Y rija' kan xkixruto-apo k'a toq xtapon ri ruk'isibel taq q'ij richin chi man jun mak nilitej pa taq ik'aslen toq xtapon ri q'ij chi xtitzolej chik pe ri qajaw Jesucristo.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Ri Dios ndubꞌen chuqaꞌ chiwa chi jumul kaw ngixpeꞌeꞌ pa rubꞌey chin ma ngixtzaq hasta jampeꞌ ndekꞌis nojel, chin keriꞌ chupan ri qꞌij atoq nditzolij pe ri Qajaw Jesucristo, nixta jun mak xtilitej pa ikꞌaslen.

Kaqchikel Santa Maria de Jesus

⁸ Y ri Kajaf Jesucristo can xquixrutoꞌ chupan ri icꞌaslien, chi quireꞌ man jun ta pecado nilitaj pan icꞌaslien antok xtalka ri kꞌij chi xtitzalaj chic pa ri Kajaf Jesucristo.

Kaqchikel Central Guatemala

⁸ Y ri Kajaf Jesucristo can xquixruto-vi chupan ri ic'aslen, richin chi man jun ta mac nilitej pa tak ic'aslen tok xtapon ri k'ij ri richin rija'.

Re C'ac'a Testamento pa Kach'abal

⁸ Y re Kajaf Jesucristo can xquixruto-va chupan re ic'aslen, chin che manak-ta mac nilitaj pa tak ic'aslen tak xtapon re k'ij che xtipa reja'.

Kaqchikel Western Solola

⁸ Y ri Kajaf Jesucristo can xquixruto' wi riche (rixin) chi cof yixc'oje' chupan ri ic'aslen, riche (rixin) chi man ta jun mac nilitej pa tak ic'aslen tek xtapon ri k'ij tek xtipe chic jun bey Riya'.

1 Corintios 1:8 ပူးပေါင်းရင်းမြစ်များ

Wuj Richin Bix Chire ri Dios 37:17

Roma ri kuchuq'a' ri e banoy taq etzelal xa kan xtelesex k'a chike. Jak'a ri choj kik'aslen, kan ja ri Jehová ri nito'on kichin.

Wuj Richin Bix Chire ri Dios 37:28

Roma ri Jehová kan niqa' chuwech ri ruchojmilal ri k'aslen. Y roma ri' man yerumalij ta kan, wi rije' man nikimalij ta kan rija'. Kan jantape' k'a ruya'on ri ruq'a' pa kiwi', jak'a ri kijatzul ri e banoy etzelal kan xkeruk'is k'a.

San Lucas 17:24

Roma toq xtapon ri q'ij chi yin, ri xiqaqa-pe achi'el wineq chi'ikojol, yipe chik jun bey, xkinoqaqa achi'el jun koyopa', ri niq'alajin jebel roma nusaqirisaj ri jun ruchi' ri kaj k'a ri jun chik ruchi'.

San Lucas 17:30

Keri' chuqa' ri q'ij toq yin ri xiqaqa-pe achi'el wineq chi'ikojol xkinok'ulun chik qa re chuwach'ulew.

Romanos 14:4

Roma ri' man jun k'a tich'on itzel chirij jun chik qach'alal y nubij chi man utz ta ri rubanobal. Roma ri qach'alal ri' chuqa' rusamajel ri Dios. Y ja rija' ri nibin wi utz ri rubanobal o xa man utz ta. Y ri qach'alal ri' kan man xtitzaq ta, roma kan ja ri Dios ri nito'on richin.

Romanos 16:25

Tiya' k'a ruq'ij ri Dios, roma xaxe rija' ri nitikir nibanon chiwe chi más nikuquba' ik'u'x rik'in. Keri' nubij ri utzilej ch'abel richin kolotajik, ri ruch'abel ri Jesucristo ri nintzijoj yin. Re ch'abel re' man kan ta q'alajirisan-pe roma ri Dios, xa k'a ja re q'ij re' ri xuq'alajirisaj jebel.

Romanos 8:19

Y re ruwach'ulew y ri ch'aqa' chik ri e rubanon ri Dios, kan koyoben ri q'ij toq rija' nubij achike ri' ri e ralk'ual rija'.

1 Corintios 3:13

Ja k'a kan xtapon ri q'ij toq xtiq'alajin ri qasamaj chiqajujunal, wi utz ó man utz ta; kan achi'el xa ta xtiqaqa q'aq' pa ruwi' ri jay ri xqapaba-q'anej.

1 Corintios 5:5

K'ari' pa rubi' k'a ri ajaw Jesús, ri achin ri xbanon keri', xtijach-el pa ruq'a' ri Satanás richin chi kan xtutej poqon y ri ru-espíritu xtikolotej toq xtipe ri ajaw Jesús.

2 Corintios 1:13

Yin man nintzijoj ta el chiwe ri xa man yixtikir ta nisik'ij y man niq'ax ta chiwech. Stape' wakami man ronojel ta ri niqabij niq'ax chiwech, jak'a ri nurayibel yin chi toq ri ajaw Jesús xtipe chiqak'amik, kan jebel xtiq'ax chiwech ronojel ri qabin chiwe. Wi keri' rix kan xkixkikot qoma roj, achi'el yojkikot roj iwoma rix.

2 Corintios 1:21

Y ja ri Dios ri banayon chi rix y roj xaxe jun qabanon rik'in ri Cristo, y ja ri Dios chuqa' ri xojcha'o.

Efesios 5:27

Keri' xuben richin chi roj ri qakuquban qak'u'x rik'in, man jun ta qamak xtiq'alajin chuwech. Xa nrajo' chi kan ch'ajch'oj ri yojapon rik'in, achi'el jun tzieq ri ch'ajch'oj chik; banon chik ruchojmil, y man yochoyik ta chik.

Filipenses 1:10

richin chi niq'ax ta jebel chiwech ri achike ri kan k'o kejqalen. Keri' rix beneq ta ruwech nik'uaj jun k'aslen ch'ajch'oj, y man ta jun itzel nilitej pan ik'aslen toq xtoqaqa ri q'ij richin xtipe ri Cristo.

Filipenses 1:6

Ri Dios ruchapon k'a jun utzilej samaj pa taq iwánima, y kan jujik chi xtuk'is-wi pa ruwi', toq xtapon ri q'ij richin nipe chik ri Jesucristo.

Colosenses 1:22

Jak'a re wakami rix junan chik iwech rik'in ri Dios, roma ri samaj ri xuben ri Ruk'ajol. Kan xok-wi k'a wineq achi'el roj y xken richin chi rix xixok loq'olej, ch'ajch'oj ri ik'aslen, maneq imak y man jun itzel nitz'etetej chiwij toq xkixruya' chuwech ri Dios.

Colosenses 2:7

Rix kan ix tikil k'a rik'in ri Cristo, y chiri' ix paban-wi-pe achi'el nipabex jun jay pa ruwi' ri ruxe'. Kan ta kuqurineq ik'u'x rik'in, achi'el ri xiwetamaj toq xik'ul ri tijonik. Y beneq ta ruwech nik'oje' matioxinik pa taq iwánima.

1 Tesalonicenses 3:13

Chuqa' niqarayibej chi ri Jesucristo xtuya' ta iwuchuq'a' richin yixok loq'olej, richin keri' man jun ta itzel yixtajin chubanik toq xtipe chik jun bey ri qajaw Jesucristo, e rachibilan-pe konojel ri e loq'olej ri ek'o chik rik'in rija'.

1 Tesalonicenses 5:2

Roma rix jebel iwetaman chi man jun etamayon janipe' xtipe. Roma rija' toq xtipe, xtuben achi'el nuben jun eleq'om toq napon pa jun jay ri chi'aq'a'.

2 Tesalonicenses 2:2

Roma qak'axan chi xtzijox chiwe chi ri q'ij richin nipe ri ajaw xa xq'ax yan. Jak'a man tijalatej ri ich'obonik y man tisach ik'u'x, stape' xya'ox rutzijol chiwe roma jun ri nubij chi q'alajirisey ruch'abel ri Dios, o chupan jun wuj ri ik'ulun ri pa qabi' roj k'o-wi-el.

2 Tesalonicenses 3:3

Toqaqa chi'ik'u'x chi ri ajaw man jun bey xkixruya' kan; xa kan xtuya' iwuchuq'a' y xkixruchajij chuwech ri etzelal.

2 Timoteo 1:12

Y roma ri' nintej poqon, jak'a man yik'ix ta, roma kan wetaman-wi ri achike nuniman y kan kuqul-nuk'u'x rik'in chi nuchajij ri wánima ri nujachon pa ruq'a', k'a toq xtapon ri ruk'isibel q'ij.

2 Timoteo 1:18

Kan jebel awetaman chi rija' janila xojruto' toq xojk'oje' pa tinamit Éfeso. Roma ri' ri Jesucristo xtujoyowaj ta ruwech chupan ri q'ij toq xtipe chik jun bey.

1 Pedro 5:10

Y toq ik'owisan chik el re tijoj-poqonal re', ri Dios xtuben chiwe chi xkixok tz'aqet, kow xkixk'oje', xtik'oje' iwuchuq'a' y kuqul-ik'u'x xkixk'ase'. Ri Dios rik'in rajowabal xixroyoj richin yixilon chuqa' rix chire ri ruq'ij-ruk'ojlen richin jantape', keri' xtuben iwik'in roma jun ibanon rik'in ri Cristo.

2 Pedro 3:10

Kan xtipe na wi ri q'ij ri rubin kan ri ajaw, y man jun etamayon jampe', achi'el nuben jun eleq'om toq nok pa jun jay. Y chupan ri q'ij ri', ri kaj kan xtik'is roma xtijinin pa q'aq'. Chuqa' re ruwach'ulew y ronojel ri k'o pa ruwi' xkek'at chuqa'.

2 Pedro 3:14

Roma ri' wach'alal ri iwoyoben ronojel re', titija' k'a iq'ij chi toq xtipe ri Jesús, ch'ajch'oj ta ri ik'aslen, man jun ta chuqa' imak yixorila-qa, y k'o ta chuqa' uxlanen pa taq iwánima.