1 Corintios 1:29 - Kaqchiquel Bible

²⁹ Ri Dios keri' xuben richin chi man jun wineq ri xtunimirisaj ta ri' chuwech.

နောက်ထပ်ဗားရှင်းများ

Kaqchikel Santo Domingo (Xenacoj)

²⁹ chin keriꞌ, nixta jun wineq xtunimrisaj riꞌ chuwech ri Dios.

Kaqchikel Santa Maria de Jesus

²⁹ Quireꞌ xuꞌon ri Dios chi quireꞌ man jun vinak nunaꞌ chi nem choch jajaꞌ.

Kaqchikel Central Guatemala

²⁹ Y queri' xuben ri Dios richin chi man jun c'a vinek ri nitiquir nunimirisaj-ri' chuvech, y nubij ta chi ri Dios man jun nic'atzin-vi chire.

Re C'ac'a Testamento pa Kach'abal

²⁹ Y quire' xuban re Dios chin che man jun vinak nitiquir nubij che camas ruk'ij, y nubij-ta che re Dios man jun ndoc-va cha.

Kaqchikel Western Solola

²⁹ Y queri' xuben ri Dios riche (rixin) chi majun c'a winek ri nicowin ta nunimirisaj ri' chuwech Riya'.

1 Corintios 1:29 ပူးပေါင်းရင်းမြစ်များ

Romanos 3:27

¿K'o ta k'a roma niqanimirisaj-qi'?, man jun achike roma. ¿Ojkolotajineq kami roma xqanimaj ri pixa'? man keri' ta. Roj ojkolotajineq xaxe roma xqakuquba' qak'u'x rik'in ri Cristo.

Efesios 2:9

Man xojsamej ta k'a richin xqil kolotajik. Richin keri' man jun ri xtitikir xtunimirisaj ta ri' y xtubij ta chi ruyon xtikir xukol-ri'.

1 Corintios 4:7

Rix ri nina' chi k'o janila iq'ij, ¿achike kami biyon chiwe chi ja rix ri más nim iq'ij? ¿Roma achike ta kami ri k'o iwik'in rix ri man ja ta chuqa' ri Dios yoyon-pe chiwe? Man jun. Y wi keri', man jun nik'atzin-wi chi ninimirisaj-iwi', roma xa ta iyon rix, man jun ta k'o iwik'in.

1 Corintios 1:31

Y keri' achi'el ri tz'ibatel kan toq nubij:*f4* Ri nrajo' nunimirisaj-ri', tubana' k'a xaxe roma ri rubanon ri Dios rik'in, nicha'.

Romanos 15:17

Ri nusamaj ri ruya'on ri Dios, kan nuben k'a chuwe chi jantape' yikikot rik'in ri Cristo Jesús.

Romanos 3:19

Y qetaman k'a chi ronojel ri tz'ibatel kan, nich'on chiqij roj ri ojk'o chuxe' ri pixa'. Y ri pixa', k'o richin chi man jun tibin chi maneq rumak, y richin nuk'ut chiqawech chi qonojel k'o chi yojapon na chuwech ri ruq'atbel-tzij ri Dios.

Wuj Richin ri Jeremías 9:23

Chirij ri', ri Jehová xubij: Tiqasaj-iwi' y man tinimirisaj k'a iwi' rix ri k'o na'oj iwik'in. Chuqa' rix ri k'o iq'ij, man tinimirisaj k'a iwi' rik'in ri'. Y rix ri ix beyoma' man tinimirisaj k'a iwi' roma ri beyomel.

1 Corintios 5:6

Kan man jun achike roma ninimirisaj-iwi'. ¿Man iwetaman ta k'a chi ri ch'amilej-q'or, ri xa rik'in ti juba' niqaqa chupan ri k'ej muban, kan nuben chi nisipoj ronojel?

Romanos 4:2

Rija' man jun rumak xk'ulun chuwech ri Dios, jak'a man roma ta ri utz ri xerubanala'. Wi ta roma ri', xtikir ta xunimirisaj-ri'. Jak'a ri Dios nubij chi man roma ta ri' toq ri Abraham choj xk'ulun chuwech.

Wuj Richin ri Isaías 10:15

Jak'a ri Jehová nubij: ¿Nitikir kami niyakatej-el ruyon ri ikej? ¿Nitikir kami ri qupibel-che' nunimirisaj-ri' roma xuqupij ri che'? ¿Nitikir kami jun ch'ame'y nuyek-q'anej ri ruq'a' ri uk'uayon richin?

Wuj Richin Bix Chire ri Dios 49:6

Ri kikuquban kik'u'x rik'in ri kibeyomel, y ri kan nikinimirisaj-ki' rik'in ronojel ri k'o kik'in,