1 Corintios 1:19 - Kaqchiquel Bible

¹⁹ Roma kere' ri tz'ibatel kan:*f3* Yin xtinben chi xtik'is ri na'oj ri k'o kik'in ri winaqi' ri e aj-na'oj. chuqa' xtinben chi kan xtik'is ri nojibel ri k'o kik'in ri winaqi' ri yenojin jebel, nicha'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁹ Porque chupan ri rutzij ri Dios tzꞌibꞌan kan, kereꞌ ndubꞌij: Riyin nikꞌis ruqꞌij ri kinojibꞌal ri wineq tzꞌan aj rochꞌulew nojibꞌel kꞌo kikꞌin, Y nisuqꞌ rubꞌeyal ri kikꞌoxoman ri santienta ngekꞌoxoman. Keriꞌ ndubꞌij ri rutzij ri Dios.

Kaqchikel Santa Maria de Jesus

¹⁹ Y chiquij ijejeꞌ, ri Dios ruꞌeꞌn: Inreꞌ xtinꞌan chica ri vinak ri altíra quinoꞌj ri choch-ulief chi can xcaꞌsach. Y chica jeꞌ ri qꞌuiy cataꞌn, xtinꞌan chica chi man jun nicꞌatzin-ve nojiel ri cataꞌn. Quireꞌ ri tzꞌibꞌan can.

Kaqchikel Central Guatemala

¹⁹ Y chiquij rije', ri Dios rubin c'a can: Yin xtinben c'a chique ri vinek ri janíla quina'oj chuvech re ruvach'ulef chi can yesach. Can xtinben chi man jun nic'atzin-vi ri etamabel ri c'o quiq'uin. Queri' ri tz'ibatel can.

Re C'ac'a Testamento pa Kach'abal

¹⁹ Y chiquij reje' ch'ovenak-va can re Dios, y ja quire' rubin can: Yen xtimban chique re vinak re camas quina'oj chach re ruch'ulef che can nisatz re quina'oj. Can xtimban chique che man jun ndoc-va re na'oj c'o quiq'uin. Quire' nubij chupan re ruch'abal re Dios re tz'iban can.

Kaqchikel Western Solola

¹⁹ Y chiquij c'a riye', tz'ibatal wi ca chupan ruch'abel ri Dios, tek nubij c'a: Riyin xtinben c'a chique ri winek ri sibilaj q'uiy quina'oj chuwech re ruwach'ulef chi yesach riq'ui ri quina'oj. Can xtinben chi majun nic'atzin wi ri etamabel ri c'o quiq'ui. Queri' ri tz'ibatal ca.

1 Corintios 1:19 ပူးပေါင်းရင်းမြစ်များ

Wuj Richin ri Isaías 19:11

Chupan ri q'ij ri' ri e tata'al richin ri tinamit Soan kan xke'ok e nakaneq, roma man xketikir ta chik xtikiya' pixabanik. Konojel ri e rupixabanela' ri rey richin Egipto xa kan man xtik'oje' ta chik kina'oj. Y man xketikir ta chik xtikibij chire ri rey chi rije' e alk'ualaxela' kichin achi'a' aj-na'oj, o e tzeqelibey kichin e ojer taq rey.

Wuj Richin ri Isaías 19:3

Konojel k'a ri winaqi' aj-Egipto xa xtisach kik'u'x, roma ri Dios kan xtuben chike richin man jun chik xketikir xtikiben. K'ari' xkekik'ulubej kiwachibel ri ki-dios; xkebe kik'in aj-itza'; xkekik'ulubej itzel taq espíritu y kik'in ri nikibananej chi ketaman ri peteneq chikiwech.

Wuj Richin ri Isaías 29:14

Roma ri' yin xtinsech chik ik'u'x jun bey, rix aj-Jerusalem. Xkenben meyel taq banobel ri man jun bey itz'eton. Y ronojel ri na'oj ri k'o kik'in ri aj-na'oj kan xtik'is, y ri etamabel ri k'o kik'in rije' chuqa' xtik'is.

Wuj Richin ri Jeremías 10:7

Kan konojel k'o chi nik'oje' akiy chikiwech roma rat ri at rey pa kiwi' konojel tzobaj winaqi'. Roma ri' xaxe rat ruk'amon chi nik'oje' akiy. Y chikikojol konojel aj-na'oj richin chijun ruwach'ulew, kan man jun chik achi'el rat.

Wuj Richin ri Jeremías 8:9

Jak'a rix ri ix aj-na'oj xa xtiqasex iq'ij y kan xkixk'ixbitej. Xa kan xtiben achi'el ri chikopi' ri nikiya-ki' pa jun pikbel. ¿Akuchi kami k'o-wi ri ina'oj roma xa man xik'ul ta chi utzil ri nuch'abel?

1 Corintios 3:19

Roma chuwech ri Dios, ri na'oj richin re ruwach'ulew xa kan man jun nik'atzin-wi, achi'el ri nubij chupan ri ruch'abel ri tz'ibatel kan: Ri winaqi' ri nikikuquba' kik'u'x rik'in ri na'oj ri k'o kik'in, k'iy bey xa chubanik ri etzelal nikikusaj-wi y chiri' k'a yeruchop-wi ri Dios y yeqaqa pa ruq'a'.*f7*

1 Corintios 4:10

Chikiwech ri winaqi' richin ri ruwach'ulew, roj xa oj nakaneq chupan ri rusamaj ri Cristo. Jak'a rix kan ix nowineq-wi rik'in ri Cristo. Chikiwech rije', roj xa maneq quchuq'a'. Jak'a rix kan janila wi iwuchuq'a'. Chikiwech rije', roj xa man jun qaq'ij. jak'a rix janila iq'ij.

1 Corintios 4:6

Wach'alal, ronojel ri xinbij yan toq xich'on chirij ri qach'alal Apolos y chuwij yin, xinbij roma ninwajo' chi niq'ax ta jebel chiwech ri e tz'ibatel kan chupan ri ruch'abel ri Dios. Ninwajo' chi man tina-iwi' chi rix k'o janila iq'ij y niqasaj kiq'ij ri ch'aqa' chik.