Rome vene 8:5 - Sei di Uka Ago Ruaka di Buka Bedakai

⁵ Ini adina roaita di ura dada amededi vene bi roaita di ura rofu moke moke rededi, idu Vima dada amededi vene bi Vima di vegu rofu mokena aededi.

Rome vene 8:5 ပူးပေါင်းရင်းမြစ်များ

Mark 8:33

Idu Iesu kero resi ini usi dina vene vesi Peter besenai ago maro, “Satani, nai fufuta rofu ne, adina ya bi Sei di mokena kana de moisa, idu amiye di mokena moisa.”

John 3:6

Roaita yaku bi roaita evata rido, ma Vima yaku bi vima evata rido.

Rome vene 8:9

Idu rama bi Sei di Vima yi ideri amedo vonisi, roaita di ura yaku de ya ourefeidedo; Vima maka ya ourefeidedo. Amiye kaere Keriso di Vima nufa de, bi diya ini.

1 Corinth vene 15:48

Kono vene ka bi mina kono dudu riyo amiye kana, ma omari amededi vene bi mina oma gutuna deyo amiye kana.

1 Corinth vene 2:14

Kamini Vima de nufa amiye bi Sei di Vima bi beika baika asanu de rego, adina ina rofu bi forovai rena ago; diba nigi anua rego, Vima dudu maka diba nigi dada.

2 Corinth vene 10:3

Adina gua mina konori amesifa, idu mina konori diya mina kono di vegu dada iya de resifa.

Galatia vene 5:17

Adina beika roaita ura redo, Vima yaku ura de redo, ma beika Vima ura redo, roaita yaku ura de redo. Mina remanu bi tuma, ye beika ura rededi bi regi anua rededi.

Ephesus vene 5:9

Adina vabara di meko bi buni vayavaya, mokena rorobo ma ago rama tau noibanuri baku rededi.

2 Peter 2:10

Mina bi rama iniye, kaere koa rena vegu no di mokena no usi Sei di vava moi etagae ridedi. Mina ofa ofa oteimana vene bi uka bubu dudu rena ma negiyagiya amiye. Odoro vabara nufa vene di roka moi no ridediri, bi ori de rededi.