Rome vene 8:10 - Sei di Uka Ago Ruaka di Buka Bedakai

¹⁰ Idu Keriso ya ideri amedo vonisi, rama mina roaita bi muyeyo vegu no dada, yi vima bi vegu amededi, mokena rorobo dada.

Rome vene 8:10 ပူးပေါင်းရင်းမြစ်များ

John 14:23

Ma nikabai reyo, “Amiye yokoi na uka mado vonisi, bi nai ago neidego ma nai Baba yaku uka mago, ma ina rofu desi uni amena sana inasa rigifa.

John 15:5

“Na bi waini meko di yabo ma ya bi ini teteka. Kaere nai ideri amego ma ini ideri ameida, bi meko tau varego, na gaima rofu beika yokoi regi anua regedi.

John 17:23

Na ina venesa ma ya nasa, mina dada ina bae yokoi maka rei vau nigedi, ye mina kono vene yaku diba nigika ya yaku na nifeidesi ina vene uka maro, na uka maro kana.

John 4:14

idu kaere amiye na yaku magida ma irigo koru bi toga toga koru de vaigo. Na yaku ina rofu magida koru bi ini ideri koru buruka nisi furu furu regasa makai toga toga ameibobina vegu mago.”

John 6:54

Amiye kaere nai roaita ma nai dava irigo bi toga toga ameibobina vegu moigo, ma ari metonari moi edadigida.

John 6:56

Kaere nai roaita ma nai dava irigo amiye bi nasa amebigo, ma na ka inasa amebigida.

Rome vene 5:12

Mina dada, amiye yokoi maka dudu vegu no bi kono tora noibanuri dui reyo, ma muyena ka bi vegu no dudu dui reyo kana, ye muyena yaku amiye tau vanu di fogori urafo reyo, ini adina amiye tau gade vegu no reyadi dada.

Rome vene 5:21

Ye makai vegu no rena yaku muyena dudu ourefeideyori, bi Sei di buni tora gade ka mokena rorobo dudu, una ourefeidesi toga toga ameibobina vegu Iesu Keriso uni Varika amiye dudu afei boyaine.

Rome vene 8:11

Kamini Iesu muyenari gutuna moi dadi rae reyo amiye di Vima ya ideri amedo vonisi, mina Keriso muyenari gutuna moi dadi rae reyo amiye ini Vima ya ideri amedo dudu, yi roaita muyeyadi rofu vegu mago.

1 Corinth vene 15:45

Ye yomakai bura reyo, “Mina ouresi amiye, Adam, bi vegu amedo amiye niyo”; ma gabi koukou baeyo amiye, ka Adam kana raka niyadi, bi vegu mana vima.

2 Corinth vene 13:5

Ya kaya yi uka vei mona refa ya bi mokena vari gira aena nufa ba ide. Ya kaya ebene refa. O Iesu Keriso yi uka mekori amedo, mina ya kaya mokededi ba ide? O rama ya kaya ebene resi no baku reyadi baeko!

2 Corinth vene 4:11

Adina una kaere vegu amesifa bi Iesu dada toga toga una umuyegi rededi, ye makai dudu, Iesu di vegu amena ka uni muyegedi roaitari ogau niyaine.

2 Corinth vene 5:21

Keriso, kaere bi vegu no de reyo amiye, bi una dada vegu no rena amiye kana niyo, ye ina dudu Sei di mokena rorobo kana nigifa dada.

Galatia vene 2:20

Ye mina bi gua de ameida, idu Keriso bi na ideri amedo. Mina vegu gua ameida, bi Sei di mida di mokena vari gira aena dudu ameida, kaere bi na uka masi ini vegu na maro.

Ephesus vene 3:17

Ye mokena vari gira aena dudu, Keriso yi uka ideri amebiyaine ma ya bi uka mana daru feidei nededi kana, are rei gira reyagane.

Philippi vene 1:23

Ye na rofu bi gira nido, mina remanu di utari goina ere bi auba regida. Na ura reida mina vegu feresi Keriso sa amegida, goina bi toga buni iniye;

Philippi vene 3:9

inasa gobuno regida; na kaya nai mokena rorobo ago gira dudu moina de, idu Keriso rofu mokena vari gira aena di baeyo. Ma mina bi Sei di mokena rorobo bi mokena vari gira aena fafau are redo.

Colossae vene 1:27

Sei di ura reyo bi mina sui ago di vabara di buni vayavaya, ini tora tutubena idana vene di fogori, bi gokai ina vene rofu moi diba riyo; mina bi Keriso ya ideri amedo, bi vabara di uka mokena mini.

1 Thessalonica vene 4:16

Adina Varika amiye bi naivo naivo vima tora di goroka ma Sei di kibi kukuroka rena dudu, oma gutuna imuna nigasa dego, ma Keriso rofu mokena vari gira aesi muyeyadi vene siko dadi rae regedi.

Hebrew vene 12:23

Ya bi ourena mida di ekalesia vene rofu baeyadi; ina vene di roka bi omari bura reyadi. Ka bi Sei, amiye tau noibanu moi kota aego amiye, ma moi rorobo iniye riyo mokena rorobo vene di vima rofu baeyadi.

Hebrew vene 9:27

Kamini amiye tau gade bi uru yokoi maka muyesi kota moi raga rego kana,

Niokuna sina 14:13

Kamini goroka oma gutuna neideyaka ma niyo, “Mina bura re: kaere bi gua ma gabi Varika amiye rofu mokena vari gira aesi muyegedi, bi buni tora gade moigedi!” Sei di vima yaku niyo, “Rama iniye bi buni tora gade magedi ma ini reremama rena rofu sifere reyaganedi, ini adina ini reremama rena vegu usi bogedi.”