Rome vene 7:24 - Sei di Uka Ago Ruaka di Buka Bedakai

²⁴ Na bi sibogi amiye! Nai roaita di ura na muyena rofu moi baededi; ye kaere yaku ina gutuna na moi vegu rigo?

Rome vene 7:24 ပူးပေါင်းရင်းမြစ်များ

Matthew 5:4

Isaka isaka nidedi vene bi ada regedi; ini adina ini iriyedukari moi ada rego!

Matthew 5:6

Kaere ini ura bi mokena rorobo rofu rauna rededi kana bi ada regedi; adina ina bi moi vata baegedi!

Luke 4:18

“Varika amiye di Vima bi nasa, na vo niyo dada, sina buni irava vene rofu nirausi regida. Ina na nifeideyo, bi dibura vene nigida bi moi younesi ne taufa vene bi dudusa nene reyagane; moke itu vene erufugida.

Rome vene 6:6

Kamini una una diba uni vegu kori bi inasa satauro ikoko reyo, ye vegu no rena roaita bi moi no riyaine, ye makai una vegu no rena rofu dudusa naivo naivo rei tavoi de regifa dada.

Rome vene 8:13

Adina roaita di ura dada amegedi vonisi, bi muyegedi; idu Vima dudu roaita di ura umuyegedi vonisi, vegu amegedi.

Rome vene 8:2

Adina vegu mado Vima di ago gira Iesu Keriso dudu, vegu no ma muyena di ago gira ya erufuyo.

Rome vene 8:23

Una bi Sei di beika siko maro mina moiyafa; bi ini Vima. Ma mina beika tau Sei yaku riyo ina maka de, idu uniye uni uka dadina dudu mida mida kana vana regi rofu tua regasa uni ideri ka anana nisifa. Mina bi uni roaita di davana rego rofu.

Rome vene 8:26

Mina makai yau nisifari, Vima una aededo. Ini adina gokai usa usa nigi kana niyainedi una toto, idu Vima ina kaya sina amiye yokoi nigi anua redo, mina una rofu anana nina dudu guyaguya nido.

Colossae vene 2:11

Inasa ya ka amiye vana dudu yi roaita de nugaro; mina bi Keriso di roaita nugana o roaita di vegu no nugana.

2 Timothy 4:18

Varika amiye yaku vegu no tauri, na moi vegu risi ini ourefeidena amena sana omari na afei bogo. Ina rofu bi toga toga vabara niyaine! Rama.

Titus 2:14

bi kaere yaku vegu no tau rofu, una erufusi iniye rofu amiye moisi moi ruaka riyo, ye vegu buni rena mokena rebigedi.

Hebrew vene 2:15

Resi amiye tau gade ini vegu amena tauri, muyena ori rena rofu, moimai rei tavoi rena gabireri ameyadi bi erufuyo.

Niokuna sina 21:4

Resi ini nemoko di ne koru tau gade moi ugago ma muyena bi koina nigo. Guruo rena, isaka nina ma esika moina ka bi koina nigedi, adina sena di beika baika bi koina niyadi mini.”