Rome vene 7:11 - Sei di Uka Ago Ruaka di Buka Bedakai

¹¹ Adina vegu no bi ago gira dudu, na eru regika ida veitao resi mina ago gira dudu na umuyeyo.

Rome vene 7:11 ပူးပေါင်းရင်းမြစ်များ

Rome vene 3:20

Adina ini nemokori ago gira usi dina dudu, amiye yokoi bi vegu rorobo de nigo, ago gira dudu vegu no neide mama rego dada.

Rome vene 7:13

Kamini beika bi buni bi muyena na rofu moi baeyo ba? Ide iniye! Vegu no na umuyeyo, ye makai ini mokena rama oteimaro: beika bi buni, mina dudu na umuyeyo, ye ago gira dudu vegu no besa besa tora niyo.

Rome vene 7:8

Idu vegu no yaku ago gira dudu ini ida baku resi na ideri moke moke bouna bouna aeyo. Adina ago gira de nufa, vegu no di vava ka bi koina.

Ephesus vene 4:22

Ini ago bi yi sena vegu di ida moi makugedi; mina bi yi gokai amegamadi bi ofa ma udu dada moi no riyo.

Hebrew vene 3:13

Idu ari neineiri ya kaya ya kaya egira rebifa, “Gua” vo nidedi fuofuori, ye vegu no di ofa ago yaku ya yokoi di uka moi gira ga riyaine dada.

James 1:22

Mina ago maka ga neidefa; makai regediri, bi ya kaya eru rededi, idu mina ago refa.

James 1:26

Kaere amiye iniye ini mokenari ina bi ekalesia amiye buni, ma ini afiye bi nari de rego, ma ini uka di mokena moi eru rego vonisi, ini ekalesia di vegu bi ini buni yokoi de.