Rome vene 6:2 - Sei di Uka Ago Ruaka di Buka Bedakai

² Ide, ide iniye! Vegu no rena rofu muyeyafa—ye gokai vegu no renari toga ameibobigifa?

Rome vene 6:2 ပူးပေါင်းရင်းမြစ်များ

Luke 20:16

Ina bi baesi muro nari rededi vene umuyesi muro bouna vene mago.” Amiye yaku mina sina neideyadiri, bi niyadi, “Makai bi ga ogau niyaine!”

Rome vene 5:11

Ma mina maka de, idu uni Varika amiye Iesu Keriso dudu ka Sei rofu ada resifa, kaere ina dudu gua inasa uka yokoi maka niyafa.

Rome vene 6:15

Kamini beika bi nigifa? Ini adina bi ago gira gabireri de amesifa, idu buni tora gade gabireri amesifa, bi vegu no resifa ba? Ide iniye iniye!

Rome vene 7:4

Kamini, nai usika ourena, ya ka Keriso di roaita dudu ago gira rofu muyeyadi, ye ya bi amiye bouna di nigedi, mina Keriso kaere bi muyena gutuna dadi rae reyo. Makai una yaku Sei rofu meko varegifa.

Rome vene 7:6

Idu una bi senagi ago gira gutuna erufuyo, beika una diburari aeyo, mina rofu muyeyafa dada, ye bura reyo ago gira kori di ida dudu naivo de resifa, idu gua Vima di ida ruaka dudu Sei naivo resifa.

Galatia vene 2:19

Adina ago gira yaku ini beika nido ida dudu na umuyeyo, ye Sei rofu amegida dada. Na bi Keriso sa satauro odoro ikoko reyadi.

Galatia vene 6:14

Idu nai nivasina rena ago yokoi maka bi mini: uni Varika amiye Iesu Keriso di satauro ikoko rena maka. Na dada kono di vegu di vava bi satauro ikoko reyo. Ma kono di vegu di vava ka na rofu satauro ikoko reyo.

Colossae vene 2:20

Ya yaku Keriso sa kono di vima di vava gabireri gutuna muyeyadi dada, beika resi konori amededi kana, ago gira gabireri raga rededi?

Colossae vene 3:3

Adina ya bi muyeyadi ma yi vegu bi Keriso sa Sei ideri sui niyo.

1 Peter 1:14

Sei di mida kana, ini ago neidesi yi senagi ada gira di vegu di ura rena ga ourefeidefa.

1 Peter 2:24

Iniye ini roaitari uni vegu no satauro odorori uakaiyo, ye gokai vegu no dudu muyesi vegu rorobo dudu amegifa. Mina bi ini ara yaku ya moi buni riyadi.

1 John 3:9

Kaere Sei rofu vata niyadi bi vegu no toga de regasa amebigedi, adina Sei di yo bi ini ideri amedo. Bi vegu no anua regasa amebigedi, ini adina bi Sei rofu vata niyadi.