Rome vene 4:21 - Sei di Uka Ago Ruaka di Buka Bedakai

²¹ Rama iniye ina bi beika Sei yaku nitore reyo, mina rego fafau mokena buni mokegamo.

Rome vene 4:21 ပူးပေါင်းရင်းမြစ်များ

Matthew 19:26

Ma vesi niyo, “Amiye yaku mina bi anua regedi, idu Sei rofu tau noibanu rena bi aita iniye.”

Luke 1:1

Theophilus amiye tora, amiye tau tora ya beika vegu una rofu Sei yaku moi ogau riyo, bi sena bura reyadi. Mina vegu vata ni baeyo rofu, mina nifeidena vene ini ouresi ini ne yaku mina vegu veyadi, ma ina ka bi mina ago di naivo vene. Kamini ini sina niodoro reyadi, resi nidedi mini, una rofu. Mina dada, Theophilus, nai mokena bi mina sina dudusa bura rei mona regida, resi moi feidegida ya rofu, adina mina vata niyo vegu bi, sena baku rei mona reyaka, ini vata ni baeyo gutuna.

Luke 1:37

adina bi vegu yokoi de Sei yaku moi rama de rigo.”

Luke 1:45

Varika amiye di ago ya rofu niyo, ma ya bi mina rofu mokena vari gira aeyo. Ina bi buni tora gade ya mago dada!”

Rome vene 14:4

Ya bi gokai kana amiye yokoi ini moimai rei tavoi redo amiye rofu mokei no reisa? Ini ourefeidena amiye di veveri maka are o keto rego vo nigo. Kamini duku rigo, adina Varika amiye moi are rego.

Rome vene 14:5

Amiye yokoi mokedo meda yokoi bi kikifa ma meda yokoi bi kikifa de vo nido, idu amiye yokoi mokedo meda tau gade bi kikifa. Amiye neinei ini mokena rofu nirorotari reyaine.

Rome vene 8:38

Adina nai mokenari bi rama muyena, vegu, naivo naivo vima, ourefeidena vene, beika baika gua amededi, beika baika gabi amegedi, vava,

2 Corinth vene 9:8

Ye ina yaku buni tora gade ya rofu moi tora rigo, mina resi toga toga beika baika tau noibanu nufa nigiya, moimai buni dudu, beika baika tau gade ya rofu moi tora rigedi.

2 Timothy 1:12

Mina resi na bi mina rofu gurauga ameida. Idu na bi maena de reida, adina na na diba kaere rofu na bi mokena vari gira aeyaka, resi na bi nai mokena moida, beika na rofu nimaro, ina yaku na nari rego bogo mina Keriso di dairina meda okigo.

Hebrew vene 11:13

Ina vene tau gade mokena vari gira aena nufa, muyegasa nitore reyo beika baika de moiyadi, idu gaimari vegasa faiva nisi nigamadi bi okina vene ma mina konori ni meki reyo vene.

Hebrew vene 11:19

Abraham mokeyo Sei bi muyenari edadi rae rego—kamini rama bi muyena gutuna moi dairiyo kana.