Rome vene 3:3 - Sei di Uka Ago Ruaka di Buka Bedakai

³ Ye bedakai yaku mokena vari gira de aeyadi vonisi, bi beika? Ini mokena vari gira de aena bi Sei di vegu rama rena moi koina nigo ba?

Rome vene 3:3 ပူးပေါင်းရင်းမြစ်များ

Matthew 24:35

Oma ma kono bi roro nigedi, idu nai ago bi roro de nigo.

John 1:16

Kamini una tau vakoi Ini vabara tora gutuna uni buni tora gade moi tanu resi moiyafa.

Rome vene 10:16

Idu diya amiye tau gade yaku ago buni neideyadi. Adina Isaiah niyo, “Varika amiye, kaere yaku uni ago neidesi mokena vari gira aeyo?”

Rome vene 11:29

Adina beika baika Sei masi kaere vene raka nido dada, bi ini mokena remanu de moido.

Rome vene 9:6

Idu Sei di ago ini nitore rena ago de moi rama aeyo kana, mina de nida. Ini adina Israel di tutubena vene tau noibanu bi Sei di amiye rama de.

2 Corinth vene 3:18

Ma una muko seira bou de reyafa vene tau noibanu yaku garasiri kama redo kana, Varika amiye di vabara vesifa ma vima yokoi makari una moi idana riyo, vabara keika gutuna vabara tora rofu. Adina mina vegu bi Varika amiye rofu deyo, kaere ina bi Vima.

2 Thessalonica vene 1:3

Usika ourena, una toga toga ya dada Sei rofu buni tora gade manadi. Makai resifa bi buni, ini adina yi mokena vari gira aena bi tora nido ma ya kaya ya kaya rofu uka mana ka bi tora nido.

2 Timothy 2:13

Ina niyo kana, una bi de regifa vonisi, ina bi ini ago kana mina toga redo mini, adina iniye fufuta magi anua rego.”

Hebrew vene 4:2

Adina ago buni ina vene rofu nirausi reyo kana, makai una rofu nirausi reyo, idu sina neideyadi yaku de aedeyo, ini adina ago neidesi mokena vari gira de aeyadi dada.