Rome vene 2:5 - Sei di Uka Ago Ruaka di Buka Bedakai

⁵ Idu yi uka gira ma vegu no feresi moi etagae de rina dada, Sei di kota rorobo rena moi ogau rigori, ya bi ya rofu Sei di gubuyo tora ae torekai reisa, mina gubuyo tora di medari moigiya.

Rome vene 2:5 ပူးပေါင်းရင်းမြစ်များ

Rome vene 1:18

Adina Sei di gubuyo resi kota rena amiye di vegu no dada omari gutuna moi ogau rido Sei di mokena kana de ma mokena rorobo de vene tau vakoi fafau, kaere ini Sei di mokena kana de vegu dudu ago rama biri ridedi.

Rome vene 11:25

Nai usika ourena, ya kaya yi mokenari diba nigedi baebu, na ura reida ya bi mina sui ago diba nigedi: Israel vene di uka bi gira dudu amei bogo tutubena idana vene tau gade dui rena di meda vata ni vau rego mamo.

Rome vene 9:22

Sei yaku ini gubuyo iniye ma ini vava ura oteimagi reyo, idu toro iniye dudu, gubuyo moisi moi no regika rena urena rofu, are rei gira resi tua regamo.

2 Corinth vene 5:10

Adina una tau noibanu Keriso di kota rena fata di budari ogau nigifa, ye yokoi yokoi yaku beika roaitari reyo kana ini obini moigo, vegu buni ba vegu no bi.

2 Thessalonica vene 1:5

Mina vegu rededi yaku nido Sei di kota rena bi mokena rorobo redo, ye makai esika moi amededi dada, ini ourefeidena amena sana ideri amegedi.

Hebrew vene 3:13

Idu ari neineiri ya kaya ya kaya egira rebifa, “Gua” vo nidedi fuofuori, ye vegu no di ofa ago yaku ya yokoi di uka moi gira ga riyaine dada.

Hebrew vene 3:15

Yomakai niyo kana: “Ini goroka gua neidegedi vonisi, ruda reyadiri kana yi uka meko moi gira ga ribifa.”

Hebrew vene 4:7

Ye dudusa meda yokoi “Gua” vo nigasa gabi gabi David dudu, mina ago senagi mina fefari bura reyori, yomakai niyo: “Ini goroka gua neidegedi vonisi, yi uka meko moi gira ga ribifa.”

James 5:3

Yi goro ma siriva bi fosisa yaku fono reyo, ma mina fokiyoka yaku ita kana, yi roaita iri bae negasa bi niokuna ago ya fafau kana. Idu ari bae koina nigo medari, ya toga gugura fare tau ae mukora rededi.

2 Peter 2:9

Mina resi Varika amiye bi ina diba gokai Sei di mokena kana vene, bi ini esika esika moi vegu rigo ma gokai mokena vari gira de aededi vene bi toe manari, diburari nari resi kota rego ini medari mamo.

2 Peter 3:7

Idu gua mina oma ma kono amededi bi senagi Sei di ago ya niyo kana, nari rededi ita yaku moi sikori rego bogo Sei di mokena kana de vene kota resi moi sikori rena meda baego mamo.

Jude 1:6

Ma naivo naivo vima be, kaere bi ini moimai di vava moi gira de risi ini yava fereyadi. Ye bi toga toga amebigo seini aesi mukunari fereyo, ye kota rego meda tora nari reyaganedi.

Niokuna sina 2:21

Ye ini koa rena vegu no feresi moi etagae rigi meda be maraka, idu ura de redo.

Niokuna sina 6:17

adina ini gubuyo tora iniye di meda bi okiyo mini, ma kaere bi are rei gira rego?”