Rome vene 16:4 - Sei di Uka Ago Ruaka di Buka Bedakai

⁴ Nai vegu dada ini vegu eyaregika reyadi, ye diya na maka buni tora gade maida, idu tutubena idana vene di ekalesia vene tau gade ka ina rofu buni tora gade madedi.

Rome vene 16:4 ပူးပေါင်းရင်းမြစ်များ

John 15:13

Amiye yokoi di uka mana tora iniye bi mini: ini asiyaka rofu ini vegu eyaredo.

Moimai di vegu 15:26

kaere bi Iesu uni Varika amiye Keriso di moimai rofu ini vegu maradi.

Moimai di vegu 15:41

Resi Syria ma Cilicia gaganiri diga bogasa resi ekalesia vene di uka ni moi gira riyadi.

Moimai di vegu 16:5

Kamini ekalesia vene ini mokena vari gira aena bi yeiva nigamo ma ari neinei amiye bi tau nigamadi.

Moimai di vegu 9:31

Mina ariri bi ekalesia vene tau Judea, Galilee ma Samaria gagani tau noibanuri bi uka amuta dudu amegamadi. Vima kikifa yaku aedegamo, dada yeiva moigamadi ma ini rafu ka amiye tau gade dui regamadi, Varika amiye ori regamadi dada.

Rome vene 16:3

Na yaku Priscilla ma Aquila rofu yuata nifeideida; ina bi nasa vakoi Iesu Keriso di moimai resifa vene.

Rome vene 16:5

Na ka ini yavari egogo rededi ekalesia vene rofu yuata nifeideida. Resi nai uka maida amiye Epaenetus rofu yuata nifeideida, kaere bi ouresi amiye Asia gaganiri mokena vari gira Keriso rofu aeyo.

Rome vene 5:7

Adina amiye tau gade fogori, yokoi yaku mokena rorobo amiye dada de muyego, idu amiye buni iniye yokoi rofu muyegi ura rego baeko.

1 Corinth vene 16:1

Kamini Sei di vene rofu aedegika moni butu butu rena dada: Galatia ekalesia vene tau noibanu ago gira maraka kana, ye ya ka makai reyaganedi.

1 Corinth vene 7:17

Kamini amiye neinei bi vegu gokai Varika amiye masi raka niyo dudu makai amebiyaine. Mina bi nai ago gira ekalesia vene tau noibanu rofu.

Philippi vene 2:30

ini adina, bi Keriso di moimairi, iniye di vegu ya dada no moigi resi muyegika reyo, yi moimai na rofu rei vau de reyadi, mina na aedegika reyori.

1 Thessalonica vene 2:14

Ma ya uni usika ourena, kaere bi Iesu Keriso di, beika Sei di duburi, Judea gaganiri amededi Jew vene gutuna ina vene rofu reyadi kana, yi gagani vene gutuna esika esika ka moiyadi,

1 John 3:16

Uka mana di vegu bi yomina vegu dudu vei mama regifa: ye Keriso una rofu ini vegu maro. Mina dada una ka uni usika ourena rofu uni vegu magifa!

Niokuna sina 1:4

Na John yaku dubu 7 Asia gaganiri rofu bura reida: Amiye kaere amedo ma ameyo ma amego, ma vima 7, kaere bi ini ourefeidena amena fata di budari amededi, bi buni tora gade ma uka amuta ya mado.