Rome vene 14:3 - Sei di Uka Ago Ruaka di Buka Bedakai

³ Beika baika tau noibanu irido amiye yaku vibani di musa de irido amiye rofu mokei itu ga reyaine, ma de irido amiye yaku mina tau noibanu irido rofu mokei no ga reyaine, adina Sei yaku moi dui reyo.

Rome vene 14:3 ပူးပေါင်းရင်းမြစ်များ

Matthew 18:10

“Vei mona refa ya bi mina mida keika keika yokoi rofu gedu ga mafo. Adina bi ini nari rededi naivo naivo vima omari toga nai Baba omari amedo amiye di seira vegasa amededi.

Matthew 9:14

Mina usi John di usi dina vene yaku ina rofu baesi nikaiteyadi, “Beika resi Pharisee vene ma una bi oyo resifa, idu yi usi dina vene bi de?”

Luke 18:9

Iesu yaku ka amiye be rofu mina mokena ago niyo. Mina vene yaku ini mokeyadi bi, ina bi mokena rorobo nufa vene, ma be vene rofu mokeyadi bi vegu no rededi vene.

Moimai di vegu 10:34

Kamini Peter ago niyo: “Gua vei mama reida rama iniye Sei yaku una tau vakoi bi mokena yokoi maka dudu una dogo redo.

Moimai di vegu 10:44

Peter ago nigamori, bi Vima kikifa Peter di ago neidegamadi vene tau fafau deyo.

Moimai di vegu 28:2

Minari amena vene yaku una rofu mokei tora reyadi. Ita tora orisi una tau rofu gaba reyadi, ini adina bi miya ma itu regamo.

Rome vene 11:15

Ini adina gedu maradiri, bi kono tora noibanu di vene Sei sa uka yokoi maka niyadi. Ye Sei yaku nimaro mina bi beika? Bi muyenari gutuna dairisi vegu amegedi mini!

Rome vene 14:1

Ye kaere amiye ini mokena vari gira aena bi yeiva de, moi dui refa, idu ini mokena rofu ruda ga refa.

Rome vene 14:10

Ya beika resi yi dubuini o tobaini rofu mokei no reisa? O ya beika resi yi dubuini o tobaini rofu mokena tora de aesa? Adina una tau noibanu yaku Sei di kota rena amena sana budari are regifa.

Rome vene 14:13

Mina dada uniye uniye rofu mokei no regi dudusa ga resi uni dubuini o tobaini di idari futu regi, o erikigi beika yokoi toga toga ga aenadi.

Rome vene 14:15

Adina yi beika irisa iruku yaku yi dubuini o tobaini moi uka esika rego vonisi, ya bi uka mana di ida nana de reisa. Ya beika irigi ura reisa, idu amiye kaere Keriso ina rofu muyeyo mina iruku irigiya, bi ina rofu vegu no, ye ini uka esika rego vonisi, bi mina ga re!

Rome vene 14:21

Buni bi vibani di musa ma waini de irisi beika baika yi usika ourena moi futu rego, mina ka de regiya.

Rome vene 15:7

Mina dada Sei di vabara rofu Keriso ka ya moi dui reyo kana, ya kaya ya kaya moi dui refa.