Rome vene 14:2 - Sei di Uka Ago Ruaka di Buka Bedakai

² Amiye yokoi yaku beika baika tau noibanu irigi mokena vari gira aedo, idu mokena vari gira yeiva de aedo amiye yaku roku baguru maka irido, vibani di musa de.

Rome vene 14:2 ပူးပေါင်းရင်းမြစ်များ

Rome vene 14:1

Ye kaere amiye ini mokena vari gira aena bi yeiva de, moi dui refa, idu ini mokena rofu ruda ga refa.

Rome vene 14:14

Na yaku mokesi diba nida, Varika amiye Iesu dudu iruku yokoi bi kino de, idu amiye di mokenari be bi kino vonisi, ye makai ina rofu bi kino.

Rome vene 14:20

Iruku dada Sei di moimai moi no ga ri. Rama, beika tau noibanu bi ruaka, idu yokoi ini beika baika irido dudu amiye idana moi futu regori, mina bi no.

Rome vene 15:1

Una kaere uni mokena vari gira yeiva aesifa vene bi uniye moi ada ga renadi, idu kaere kaere ini mokena vari gira aena rofu yau nidedi vene, mina moi aedebinadi.

1 Corinth vene 10:25

Vibani beika baika tau noibanu maketiri sero rededi, mina irisi uka di mokena dada nikaitena yokoi ga refa.

1 Corinth vene 8:9

Idu nari refo, ye yi mina regedi di vava bi uka di mokena yau vene moi yaregedi baebu.

1 Corinth vene 9:22

Yau niyadi vene rofu yau nina amiye kana niyaka, ye yau niyadi vene moi yova rigida dada. Amiye tau noibanu rofu beika baika tau kana niyaka, ye beika baika dudu bedakai moi vegu rigida dada.

Galatia vene 2:12

Adina senagi James di asiyaka bedakai okina koderi, Peter bi tutubena idana ekalesia venesa iruku irigamo, idu mina vene baeyadiri, bi maikeri bosi inaike ameyo, roaita nugana vene rofu ori reyo dada.

1 Timothy 4:4

Adina beika baika tau gade Sei yaku riyo bi buni, ma beika baika bi buni tora gade mana dudu moina vonisi, bi ga makunadi.

Titus 1:15

Amiye kaere bi Sei di nemokori ini vegu no yokoi de, beika tau ina rofu ka bi no yokoi de. Idu kaere bi vegu no nufa vene ma Iesu rofu mokena vari gira de aededi, bi beika tau rededi bi buni de. Mina di adina bi, ini mokena ma ini uka di mokena bi kino nufa.

Hebrew vene 13:9

Deda oteimana ago idana rofu ya moi ourefeidegi usi ga difa, adina buni tora gade dudu, uka meko moi gira rigi bi buni; diya iruku be irina ago gira dudu, adina gabireri raga rededi vene bi ina rofu buni yokoi baku de reyadi.

Hebrew vene 9:10

Mina bi iruku ma koru irina ma moi ruaka koitena bedakai maka; mina noibanu yaku roaita di ago gira kana maro kumo moi rorobo rina ari baego mamo.