Rome vene 13:11 - Sei di Uka Ago Ruaka di Buka Bedakai

¹¹ Kamini ya ka mina diba dada, ye ya varena gutuna dadigedi meda nemoko bi gua vata niyo mini. Adina moi vegu rina bi gua una atafu iniye amedo, una siko mokena vari gira aeyafa medari kana de.

Rome vene 13:11 ပူးပေါင်းရင်းမြစ်များ

1 Peter 4:7

Beika tau koina nigedi meda bi negau niyo. Mina dada yuka vana nari resi yi guriguri dada yi mokena nari refa.

Ephesus vene 5:14

adina beika tau noibanu bi vabara dudu moi ogau ridedi. Mina dada yomakai niyo: “Ya vareisa amiye bi dadisi muyena gutuna dadi rae re kumo Keriso ya moi vabara rego.”

1 Corinth vene 15:34

Ida rama dada, yi mokena forovai youfeidesi vegu no ga rebifa. Adina bedakai bi Sei rofu ada yora kode. Ya moi maena regi makai nida.

Niokuna sina 22:20

Mina vegu rofu niokuyo amiye yomakai niyo, “Rama na evade baegida!” Rama. Varika amiye Iesu bae!

Luke 21:28

Mina reremama vata nigi kora regori, bi dadi are resi ne odoro rifa, adina Sei ya moi vegu rigo di meda bi baesi negau niyo mini.”

Niokuna sina 22:12

“Neidefo, evade amiye tau noibanu vegu reyadi dada, ini obini magika bi baegida.

1 Corinth vene 10:11

Ye mina ina vene rofu vata niyadi bi rebe kana una oteimado, ye una ni mama regi bura reyadi, una rofu, una kaere meda bae koina nigori.

Matthew 16:3

Ma uriyakuri bi nidedi, ‘Gua bi miya aura regedi, adina oma bi bora nisi seuya tau nido dada.’ Ya oma ma kono vesi bi beika ari gua una mago bi diba nigedi, idu Sei di rebe gua ariri vei mama regi bi anua rededi!

James 5:8

Ya kaya ka toro resi yi uka egira refa, Varika amiye di dego meda bi negau nido dada.

2 Peter 3:9

Varika amiye ini beika nitore reyo bi saka de rego, bedakai di mokena kana de. Idu ina bi ya dada kiya kiya nari redo, ini adina bi ura de iniye redo yokoi ga muyeyainedi, idu bi amiye tau gade yaku vegu no feresi moi etagae riyaganedi.

2 Peter 3:11

Mina kana ida dudu makai tau gade roro nigo, ya bi gokai kana vene nigedi? Ya yi vegu amei kikifa resi Sei di mokena kana refo,

1 John 2:18

Nai mida mida, ari bae koina nigo di meda bi negau niyo! Ya nigamadi kana, Keriso di tuma amiye bi baego; ma gua Keriso di tuma vene tau gade bi sena ogau niyadi. Mina dada, una una diba ari bae koina nigo di meda bi negau niyo.

Niokuna sina 1:3

Buni tora gade bi amiye, kaere mina beika vata nigo sina di bura veyaine ma buni tora gade bi amiye, kaere beika ideri bura reyaka neidesi reyainedi, adina meda bi atafu niyo.

Niokuna sina 22:10

Ka na niyo, “Mina bukari Sei di ago niyo bi kake risi moi sui ga ri, adina mina beika baika di vata nina meda bi atafu nigo.