Rome vene 10:16 - Sei di Uka Ago Ruaka di Buka Bedakai

¹⁶ Idu diya amiye tau gade yaku ago buni neideyadi. Adina Isaiah niyo, “Varika amiye, kaere yaku uni ago neidesi mokena vari gira aeyo?”

Rome vene 10:16 ပူးပေါင်းရင်းမြစ်များ

Matthew 13:14

Isaiah, Sei di ago niyo amiye, yaku beika vata nigo ago niyo bi makai rama aeyo: ‘Ya bi neidebigedi, idu diba de nigedi; ya bi vebigedi, idu vei mama de regedi,

John 10:26

Idu ya yaku na rofu mokena vari gira de aededi, adina ya bi diya nai mamoe dada.

Moimai di vegu 28:24

Bedakai bi ini agori uka vava aeyadi, idu bedakai bi mokena vari gira de aeyadi.

Rome vene 1:5

Una bi ina dudu buni tora gade ma nifeidena vene di reremama moiyafa, ye amiye mokena vari gira aesi ini ago neidegedi, ini roka gagani gagani vene tau vakoi ini fogori dada.

Rome vene 11:17

Idu yabo teteka bedakai moi odesi makuyadiri, ya bi olive yabo tuma di meto kana, yabo teteka bedakai di fogori kake riyo, ma gua olive yabo di daru di iruku inasa rau reisa.

Rome vene 16:26

Idu gua mina ago bi niokuyadi, ma gagani gagani tau gade di vene bi Sei di ago niyadi vene di bura dudu diba niyadi, toga toga ameibobina Sei di ago gira dada. Ye makai mokena vari gira aesi ago neideyaganedi.

Rome vene 2:8

Idu kaere iniye di buni maka maina resi ago rama de neidesi mokena rorobo de ka neidededi, Sei di gubuyo tora iniye moigedi ma buburu vai rei mona rego.

Rome vene 3:3

Ye bedakai yaku mokena vari gira de aeyadi vonisi, bi beika? Ini mokena vari gira de aena bi Sei di vegu rama rena moi koina nigo ba?

Rome vene 6:17

Idu buni tora gade Sei rofu mafa, adina ya kaere sena bi vegu no rena di moimai rei tavoi reyadi vene, ma oteimana ago di ida ya maro, ya yaku gua mina yi uka meko dudu neidededi.

Galatia vene 3:1

Ya Galatia vene bi ada de! Kaere yaku yaumana ya rofu reyo? Adina yi nemokori ariarari, Iesu Keriso satauro ikoko reyadi di sina mina ya oteimaradi!

Galatia vene 5:7

Yi vima dudu raga rei mona regamadi! Kaere amiye yaku ago rama neidegi ya kebi reyadi?

2 Thessalonica vene 1:8

Sei rofu gedu madedi vene ma uni Varika amiye Iesu di ago buni de neidededi vene rofu, ini obini toe tora iniye mago.

Hebrew vene 11:8

Mokena vari gira aena dudu, Abraham ini gagani feregi kono yokoi gabi moigo, mina raka niyori, bi Sei di ago neideyo. Goidu bobigo ina toto, idu kamini ini gagani fereyo mini.

Hebrew vene 4:2

Adina ago buni ina vene rofu nirausi reyo kana, makai una rofu nirausi reyo, idu sina neideyadi yaku de aedeyo, ini adina ago neidesi mokena vari gira de aeyadi dada.

Hebrew vene 5:9

Ini vegu Sei di ura tau gade dada niyori, ina bi toga toga ameibobina vegu mina moi vegu rina di adina niyo, ini ago neidebigedi amiye tau rofu,

1 Peter 1:22

Yi anema yora niyadi ago rama rofu bi yi vima moi ruaka riyo ma yi usika ourena rofu uka noibanu maradi, mina bi yi uka noibanu dudu ya kaya ya kaya uka noibanu mabifo.

1 Peter 2:8

Ma: “Amiye yaku mina fore futu regedi; mina rabema ya moi keto rego.” Ago de neideyadi dada, futu rededi Sei di mokena kana.

1 Peter 3:1

Mina ida yokoi maka dudu, ya mena rema vene yi rumana neidebifo, ye bedakai ka Sei di ago de neidegediri, bi ago yokoi de ini rema di reremama buni maka dudu Sei rofu mokena vari gira aegedi.