Rome vene 1:7 - Sei di Uka Ago Ruaka di Buka Bedakai

⁷ Mina sina bi Rome ri amededi vene tau rofu, kaere bi Sei ini uka masi iniye ini vene roka nido: Uni Baba Sei ma Varika amiye Iesu Keriso di buni tora gade ma uka amuta ya maragane.

Rome vene 1:7 ပူးပေါင်းရင်းမြစ်များ

Matthew 5:16

Mina ida dudu maka, yi vabara bi amiye budari vabara niyaine, ye yi beika vegu buni bi amiye yaku vegedi rofu yi Baba omari mina ini roka moi odoro riyaganedi.

John 20:17

Ma niyo, “Ga na avaka moi, adina nai Baba rofu bi dairina kode; idu nai dubuiyaka vene rofu disi nioteima, ‘Nai Baba ma yi Baba rofu dadigida, kaere bi nai Sei ma yi Sei.’ ”

Moimai di vegu 15:23

Ina venesa bi yomina fefa bura resi ni moi feideyadi: “Una, nifeidena vene ma tora vene, yi usika ourena vene, yaku uni yuata nifeidesifa tutubena idana usika ourena vene rofu, kaere bi Antioch, Syria ma Cilicia ri amededi.

Moimai di vegu 9:13

Idu Ananias nikabai resi niyo, “Varika amiye, amiye tau tora yaku mina amiye di sina na niyadi, beika vegu no reyo Jerusalem ri yi vene rofu.

Rome vene 1:6

Ma ya kaere mina fogori ka Iesu Keriso yaku ya raka nido, inasa auta reyainedi.

Rome vene 5:1

Mina resi, mokena vari gira aena dudu vegu rorobo niyafa dada, uni Varika amiye Iesu Keriso dudu, una bi Sei sa uka amuta nufa.

Rome vene 5:5

Ma mina uka mokena yaku una moi maena de aedo, adina Sei di uka mana bi uni uka meko ideri rausi reyo, Vima kikifa dudu, kaere bi una maro.

Rome vene 8:28

Ye una diba beika baika tau gade yaku Sei uka madedi vene rofu buni kana reremama regedi, mina vene kaere ini nirorotari rena sina dada raka niyo.

Rome vene 8:39

beika baika odorori amededi, beika baika mokari amededi ba beika baika idana tauri Sei yaku riyo, bi Sei di uka mana Iesu Keriso uni Varika amiye dudu, una moi gaima de rigedi.

Rome vene 9:25

Ye Hosea di burari niyo kana: “Amiye kaere diya nai vene ‘Nai vene’ roka nigida. Ye rema kaere uka de maraka ‘Nai uka maida rema’ roka nigida.

1 Corinth vene 1:24

idu raka niyadi vene, Jew vene ma tutubena idana vene gogo, mina ago bi Keriso, kaere bi Sei di vava ma ini mokena vabara.

1 Corinth vene 16:23

Varika amiye Iesu di buni tora gade bi ya venesa ameyaine.

Galatia vene 6:18

Usika ourena, uni Varika amiye Iesu Keriso di buni tora gade bi yi vimasa ameyaine. Rama.

Ephesus vene 1:2

Uni Baba Sei ma Varika amiye Iesu Keriso di buni tora gade ma uka amuta ya maragane.

Ephesus vene 6:23

Baba Sei ma Varika amiye Iesu Keriso yaku usika ourena uka amuta ma uka mana mokena vari gira aenasa maraine.

Philippi vene 1:2

Uni Baba Sei ma Varika amiye Iesu Keriso di buni tora gade ma uka amuta ya maragane.

Philippi vene 4:13

Ina kaere yeiva na maro bi ina dudu, beika baika tau gade regida bi buni.

Philippi vene 4:20

Uni Baba Sei rofu toga toga vabara niyaine! Rama.

Philippi vene 4:23

Varika amiye Iesu Keriso di buni tora gade yi vimasa ameyaine.

Colossae vene 1:2

Sei di vene ma vegu rama rededi usika ourena Keriso ideri Colossae ri rofu: Uni Baba Sei yaku buni tora gade ma uka amuta ya maraine.

Colossae vene 3:12

Mina dada, Sei di kikifa ma uka masi auba reyo vene kana, uka di iriyeduka, uka buni, ave nina, iniye rofu mokei mona rena ma toro rena varuka kana akufa.

Colossae vene 3:15

Resi Keriso di uka amuta yi uka ideri ourefeideyaine; ya ka roaita yokoi maka dudu mina rofu roka niyo dada. Ya ka buni tora gade mabifa.

1 Thessalonica vene 1:1

Mina bura na Paul, Silas ma Timothy gutuna — Thessalonica ekalesia vene ya rofu bura reyafa, kaere bi Baba Sei ma Varika Iesu Keriso sa: Buni tora gade ma uka amuta bi yasa.

1 Thessalonica vene 1:3

Una bi uni Baba Sei di nemokori toga ya mokei baesifa, gokai yi mokena vari gira aena moimai yaku moi vata rido, ma gokai yi uka mana yaku yi moimai rei tavoi moi vata rido, ma gokai yi uka mokena, uni Varika amiye Iesu Keriso rofu, mina moi gira rido.

1 Thessalonica vene 1:4

Usika ourena, una diba Sei yaku ini uka ya masi ya bi ini auba reyo,

1 Thessalonica vene 4:7

Adina Sei yaku vegu no rena di, uni vo de niyo, idu vegu akeke dudu amebina di, vo niyo.

1 Thessalonica vene 5:28

Uni Varika amiye Iesu Keriso di buni tora gade bi ya venesa amebiyaine.

2 Thessalonica vene 1:2

Baba Sei ma Varika amiye Iesu Keriso di buni tora gade ma uka amuta bi ya venesa ameyaine.

2 Thessalonica vene 3:16

Varika amiye iniye, kaere bi uka amuta di adina, bi ari neinei ida yokoi yokoi dudu uka amuta ya maraine. Varika amiye bi ya vene tausa.

2 Thessalonica vene 3:18

Uni Varika amiye Iesu Keriso di buni tora gade bi ya vene tausa amebiyaine.

1 Timothy 1:2

Timothy, mokena vari gira aenari nai mida rama iniye, ya rofu bura reida: Baba Sei ma Iesu Keriso uni Varika amiye yaku buni tora gade, iriyeduka ma uka amuta ya maragane.

1 Timothy 6:2

Kamini kaere bi mokena vari gira aededi varika vene di moimai rei tavoi rededi vene, bi ina vene rofu ga gubuyo reyagane, ini usika ourena dada. Idu, besa ka naivo reyaganedi, ini adina ini naivo rei mona rena moidedi vene bi mokena vari gira aededi vene, kaere bi Sei yaku uka mado. Mina kana ago oteimasi egira re.

2 Timothy 1:2

Mina bi Timothy nai uka maida mida, ya rofu bura reida: Baba Sei ma Iesu Keriso uni Varika amiye di buni tora gade, iriyeduka ma uka amuta ya maragane.

2 Timothy 4:22

Varika amiye bi yi vimasa. Sei di buni tora gade bi ya tau noibanusa.

Titus 1:4

Titus, mina fefa bi ya rofu bura reida. Ya bi nai mida kana, adina ya bi nasa vakoi Sei rofu mokena vari gira aesifa. Sei uni Baba ma Iesu Keriso, kaere yaku bi uni Moi vegu rina amiye, yaku buni tora gade ma uka amuta ya maragane.

Philemon 1:25

Varika amiye Iesu Keriso di buni tora gade bi ya vene di vimasa amebiyaine.

Philemon 1:3

Uni Baba Sei ma Varika amiye Iesu Keriso di buni tora gade ma uka amuta ya maragane.

James 1:1

Mina bi James, Sei ma Varika amiye Iesu Keriso di moimai rei tavoi reida amiye, rofu: Ya Israel di rubu 12 vene kaere kono tora noibanuri rerevaida reyadi, ya rofu yuata nifeideida.

1 Peter 1:15

Idu yi beika tau regedi bi kikifa dudu, Sei kaere ya raka niyo kana,

1 John 3:1

Va mokefa, uni Baba di uka mana di gokai una rofu bi sena maro, ye una bi ini mida mida vo nibiyagane. Una bi rama iniye ini mida mida. Mina resi kono tora noibanu di vene bi una toto, adina ina vene bi Sei toto.

2 John 1:3

Baba Sei ma Iesu Keriso ini Mida di buni tora gade, iriyeduka ma uka amuta unasa sina rama ma uka mana dudu amebiyaine.

Niokuna sina 2:1

Ina ka na rofu niyo, “Ephesus ekalesia vene di naivo naivo vima rofu bura re: “Mina bi ini vana ramari, iya 7 moi gira resi ramefa aena gugura goro 7 di utari nana dido amiye di sina.

Niokuna sina 2:12

“Pergamum ekalesia vene di naivo naivo vima rofu bura re: “Mina bi kaere bi bainasi berou berou arika remanu nufa amiye di sina.

Niokuna sina 2:18

“Thyatira ekalesia vene di naivo naivo vima rofu bura re: “Mina bi Sei di mida di sina, kaere ini nemoko bi ita fairo kana ma ini yuka bi auri roka bronze ita vavari aeyo kana.

Niokuna sina 2:29

“Kaere anema nufa amiye bi beika Vima kikifa yaku ekalesia vene rofu nido bi neideyaine!

Niokuna sina 2:8

“Symrna ekalesia vene di naivo naivo vima rofu bura re: “Mina bi kaere bi ouresi ma gabi, ka bi muyesi dadisi vegu niyo amiye di sina.

Niokuna sina 22:21

Varika amiye Iesu di buni tora gade bi ya tausa ameyaine. Rama.

Niokuna sina 3:14

“Laodicea ekalesia vene di naivo naivo vima rofu bura re: “Mina bi Ago rama, vegu rama resi ninegau redo amiye rama ma Sei yaku beika baika tau gade riyo, di ourefeidena amiye di sina.

Niokuna sina 3:22

“Kaere anema nufa amiye bi beika Vima yaku ekalesia vene rofu nido bi neideyaine!”

Niokuna sina 3:7

“Philadelphia ekalesia vene di naivo naivo vima rofu bura re: “Mina bi kikifa ma rama amiye, kaere bi David di ida vena ki nufa amiye, ekeyo ye amiye yokoi biri de rigo, ma biri riyo, ye yokoi eboka de rego, mina amiye di sina.