Rome vene 1:13 - Sei di Uka Ago Ruaka di Buka Bedakai

¹³ Nai usika ourena, nai ura bi ya diba niyaganedi na bi uru tau ya rofu digida (idu gua mamo bi kebi reyo). Mina ye tutubena idana vene yasa yi fogori moimai resi butu regida.

Rome vene 1:13 ပူးပေါင်းရင်းမြစ်များ

John 12:24

Rama iniye ya nida: witi meko konori yaresi de muyego vonisi, bi meko yokoi makari kana amego. Idu muyego vonisi, bi ini meko tau gade rama nigedi.

John 15:16

Ya na auba de reyadi, idu na yaku ya auba resi abidi reyaka, ye disi meko varegedi, ma yi meko bi toga amebigo. Makai beika baika nai roka dudu nai Baba rofu usa nigedi, bi ya mago.

John 4:36

Amiye kaere butu butu redo bi sena ka ini moimai rena di davana moisi toga toga ameibobina vegu di iruku ka butu butu redo; ye varido amiye ma butu butu rena amiye vakoi ada regedi dada.

Moimai di vegu 1:15

Mina ariri, Peter yaku dadisi mina usika ourena vene di utari are reyo. (Ina vene tau egogo reyadi bi 120 kana.) Niyo,

Moimai di vegu 14:27

Antioch taoniri okiyadiri, bi ekalesia vene niegogo reyadi. Resi Sei sa vakoi reyadi moimai tau vakoi di sina niyadi ma gokai Sei yaku tutubena idana vene rofu di ida ekeyo ma mokena vari gira aeyaganedi.

Moimai di vegu 15:12

Amiye tau noibanu bere nisi Paul ma Barnabas gokai Sei yaku ina vene dudu tutubena idana vene di fogori mokena vegu ma rebe reyo mina nirorotari regamadiri, mina neideyadi.

Moimai di vegu 19:21

Mina beika vata nisi koina niyori, Paul bi ini ukari mokeyo bi Macedonia ma Achaia ri diga bogasa resi Jerusalem ri bogo. Ina yaku niyo, “Mina sanari okigidari, ka bi bosi Rome vegida.”

Moimai di vegu 21:19

Paul yaku faiva nisi Sei yaku tutubena idana vene di tobori reyo kana Paul di moimai rofu, mina ago tau niokuyo.

Moimai di vegu 28:14

Mironari bi usika ourena bedakai baku reyafa ma ina venesa meda 7 amegi una omaradi. Ye makai dudu Rome ri okiyafa.

Rome vene 1:12

Ye makai uniye uni mokena vari gira aena dudu ya na niegira regedi, ma na ka ya niegira regida.

Rome vene 11:25

Nai usika ourena, ya kaya yi mokenari diba nigedi baebu, na ura reida ya bi mina sui ago diba nigedi: Israel vene di uka bi gira dudu amei bogo tutubena idana vene tau gade dui rena di meda vata ni vau rego mamo.

Rome vene 7:1

Usika ourena, ye ya ya diba na bi kaere ago gira diba niyadi vene rofu ago nida: amiye yokoi toga amedori, bi ago gira ina fafau vava nufa.

1 Corinth vene 1:10

Kamini uni Varika amiye Iesu Keriso di roka dudu, usika ourena ya egira reida, ya vene tau noibanu ya kaya ya kaya ago moi yokoi maka risi yi utari okuna ga reyaganedi, idu mokena ma ura yokoi makari gobuno reyaganedi.

1 Corinth vene 10:1

Adina nai usika ourena, na ura reida ya mina diba nigedi, uni bobada vene tau noibanu seuya gabireri amesi davara tobori boi neyadi.

1 Corinth vene 12:1

Kamini nai usika ourena, na ura reida ya Vima kikifa di beika baika dada diba niyagane.

1 Corinth vene 14:20

Nai usika ourena, yi mokenari bi mida kakua kana ga nifa. No dada bi mida kakua kana nifa, idu yi mokenari bi amiye tora nifa.

1 Corinth vene 14:26

Mina dada, nai usika ourena, ya bi gokai? Egogo regediri, yokoi bi yauta nigo, yokoi bi oteima ago nigo, yokoi bi niogau rena ago nigo, yokoi bi ago bouna o ago bouna di adina ago nigo. Mina beika baika tau noibanu rena bi amiye moi gira reyaganedi.

1 Corinth vene 9:2

Na bi bedakai vene rofu bi diya nifeidena amiye vonisi, rama ya maka rofu bi, adina nai reremama rena Varika amiye dudu, ya rofu oteimadedi na bi nifeidena amiye rama.

2 Corinth vene 1:8

Usika ourena, Asia gaganiri esika esika moiyafa, mina diba niyagane ura resifa. Ini adina mina toe una fafau aeyo bi tora iniye, ye una yaku duku rena ka yeiva de reyafa, ma uni uka ka yau niyo, ye una bi gua muyegifa mokeyafa.

2 Corinth vene 2:14

Idu Sei rofu buni tora gade maida, kaere bi Keriso dudu, iya rena vene yaku rautu toboma oro imisi okiyadi ma kuo airata niyadi kana, una toga ourefeidesi una dudu ina rofu diba nina bi sisika guta kono tau noibanuri rivai reyo kana.

Galatia vene 3:15

Usika ourena, amiye di vegu kana ago nida: amiye remanu uka yokoi maka niyadiri, amiye yokoi etofa regi ba tanu regi anua rego.

Galatia vene 6:18

Usika ourena, uni Varika amiye Iesu Keriso di buni tora gade bi yi vimasa ameyaine. Rama.

Philippi vene 1:22

Ye toga ameibobigida vonisi, bi moimai buni ma tora regida. Ye na toto goina ere kamini auba regida.

Philippi vene 4:17

Yi beika na magamadi, mina besa na maragane de maina reida, idu Sei yaku yi rama buni fafau aego ma ya rofu tau ni amebigo, mina maina reida.

Colossae vene 1:10

Resi Varika amiye rofu nana rei mona resi ina moi ada rei vau resi vegu buni noibanu dudu, meko varesi Sei di diba ninari tora niyagane.

Colossae vene 1:6

Sena ya rofu baeyo ma kono tora noibanuri, ini meko varesi tora nido. Yi fogori mina ida yokoiri ka makai reyo, boyo mina medari neidesi mamo rama dudu, Sei di buni tora gade diba niyadi.

1 Thessalonica vene 2:18

Adina uni ura bi dudusa ya rofu bae negifa. Na Paul, bi besa bae negika reida, idu Satani yaku una biri riyo.

1 Thessalonica vene 4:13

Usika ourena, uni ura bi ya diba niyaganedi, neyadi vene rofu bi ga uka esika refo, ye kaere be bi dadi rae rena di uka mokena aena de, mina vene kana ga reyagane.

2 Thessalonica vene 2:7

Adina vegu no di vava sui amedo yaku ini moimai sena rei baedo, idu beika bodo vegu vata nigo bi de vata nigo bogo moi gira rido amiye etae rigo mamo.

2 Timothy 4:17

Idu Varika amiye bi nai eta rofu are resi yeiva na maro, ye makai na dudu, ago bi ninegau rei mona rego ma tutubena idana vene tau noibanu neideyaganedi. Ma lion di venari na moi vegu riyo.