Philippi vene 4:9 - Sei di Uka Ago Ruaka di Buka Bedakai

⁹ Beika baika na rofu diba nisi moisi neidesi veyadi, mina refa ma Sei di uka amuta bi yasa amego.

Philippi vene 4:9 ပူးပေါင်းရင်းမြစ်များ

Matthew 1:23

“Rumanasa varena kode rema yokoi yaku rivo nisi rumana mida odigo, ye ini roka nigedi bi Immanuel” (ini adina bi, “Sei bi unasa”).

Matthew 28:20

Ma beika ago gira tau ya maraka, mina oteimagedi ma rebiyaganedi. Ma na bi yasa ari neinei bogo meda bae koina nigo di meda okigo mamo.”

Matthew 7:21

“Amiye tau kaere na rofu ‘Varika amiye’ vo nidedi, bi Sei di ourefeidena amena sana omari de dui regedi, idu nai Baba kaere bi omari amedo di mokedo vegu rededi vene maka dui regedi.

Luke 6:46

“Ya vene bi na rofu nidedi, ‘Varika amiye,’ idu beika resi na nida kana, bi de rededi?

Luke 8:21

Idu nikabai resi niyo, “Nai nono ma nai dubuiyaka bi Sei di ago neidesi rededi vene.”

John 13:17

Mina beika baika diba nigedi vonisi, ye rebigediri buni tora gade ya mago!

John 15:14

Ya beika ago gira nida mina neidegedi vonisi, bi nai asiyaka.

John 2:5

Idu ini nono yaku naivo rededi vene rofu niyo, “Ya rofu beika nigo bi refa.”

Moimai di vegu 9:6

Idu dadisi taoniri bo. Mironari bi ya nigo beika regiya bi.”

Rome vene 15:33

Ye uka amuta di Sei bi ya tau noibanusa amebiyaine. Rama.

Rome vene 16:20

Ye atafuri, uka amuta di Sei yi yuka rafo gabireri Satani moi foyoma rego. Uni Varika amiye Iesu di buni tora gade bi ya venesa amebiyaine.

1 Corinth vene 10:31

Mina resi, iruku o koru irigedi, beika baika regasa Sei di vabara rofu beika baika tau noibanu refa.

1 Corinth vene 14:33

adina Sei ura redo bi ago tau ruda kayamo de dudu beika baika tau regifa, idu bi uka amuta maka dudu regifa. Sei di vene di dubu tau noibanuri kana,

1 Corinth vene 4:16

Na beika reyaka ya yaku na tari reyaganedi ya niguba reida.

2 Corinth vene 13:11

Usika ourena, metonari ada refo. Rorobo iniye nina baku resi ya kaya ya kaya moi aedesi uka yokoi maka nisi uka amuta dudu vegu amebifo; resi uka mana ma amuta nina di Sei bi yasa amebiyaine.

Philippi vene 3:17

Nai usika ourena bae na gogo risi na vesi toga tari tari resi kaere vene bi uni ida usi tari rededi, mina vei mona refa.

Philippi vene 4:7

Ma Sei di uka amuta, uni diba tau gade ebu redo, bi Iesu Keriso dudu, yi uka ma mokena nari reyaine.

1 Thessalonica vene 1:6

Ya vene bi una ma Varika amiye yaku amesifa kana mina reyadi; gokai esika esika tora gade moiyadi, idu Vima kikifa yaku ada ya vene maro, ma ya yaku ago buni moi gira riyadi.

1 Thessalonica vene 2:14

Ma ya uni usika ourena, kaere bi Iesu Keriso di, beika Sei di duburi, Judea gaganiri amededi Jew vene gutuna ina vene rofu reyadi kana, yi gagani vene gutuna esika esika ka moiyadi,

1 Thessalonica vene 5:23

Uka amuta di Sei iniye yaku ya moi akeke kotana riyaine, ma uni Varika amiye Iesu Keriso dairi degori, ina yaku yi vima, uka mokena ma roaita vegu no yokoi de nufa moi gira rei mona rego.

2 Thessalonica vene 3:4

Una yaku mokena vari gira Varika amiye rofu aesifa, ma mina ago gira ya rofu niyafa ya rededi, bi toga rebigedi.

2 Timothy 4:22

Varika amiye bi yi vimasa. Sei di buni tora gade bi ya tau noibanusa.

James 1:22

Mina ago maka ga neidefa; makai regediri, bi ya kaya eru rededi, idu mina ago refa.

2 Peter 1:10

Mina dada, nai usika ourena, yi moimai renari, moi gira risi Sei ya auba resi raka niyo, mina moi rama aefa. Ye mina kana regediri, ya bi vegu no rena rofu toga keto de regedi.

1 John 3:22

Kamini beika baika ina rofu usa nigifa, bi moigifa, adina ini ago gira moi gira risi ina moi ada rena vegu resifa.