Philippi vene 3:17 - Sei di Uka Ago Ruaka di Buka Bedakai

¹⁷ Nai usika ourena bae na gogo risi na vesi toga tari tari resi kaere vene bi uni ida usi tari rededi, mina vei mona refa.

Philippi vene 3:17 ပူးပေါင်းရင်းမြစ်များ

Rome vene 16:17

Kamini nai usika ourena, amiye okusi Sei di ago buni ya oteimagamadi, mina rofu yabo daru kana ida gana ridedi vene nari rei gira regika, ya niguba reida; mina vene rofu bu nifa!

1 Corinth vene 10:32

Jew vene, tutubena idana vene, o Sei di ekalesia vene rofu esika ga mafa,

1 Corinth vene 11:1

Na yaku reida kana na tari refa, Keriso di vegu tari reida kana.

1 Corinth vene 4:16

Na beika reyaka ya yaku na tari reyaganedi ya niguba reida.

Philippi vene 4:9

Beika baika na rofu diba nisi moisi neidesi veyadi, mina refa ma Sei di uka amuta bi yasa amego.

1 Thessalonica vene 1:6

Ya vene bi una ma Varika amiye yaku amesifa kana mina reyadi; gokai esika esika tora gade moiyadi, idu Vima kikifa yaku ada ya vene maro, ma ya yaku ago buni moi gira riyadi.

2 Thessalonica vene 3:14

Amiye yokoi yaku mina ago fefari ya rofu moi feidesifa de neidego vonisi, beika redo vesi ina rofu ga bofa; maena reyainedi.

2 Thessalonica vene 3:7

Ya kaya diba uni vegu reyafa bi buni, mina kana reyainedi. Yasa amegasa una bi murono de.

2 Thessalonica vene 3:9

Makai reyafa, bi una aedeyaganedi di vava nigi de nufa, idu makai regifari, una vesi uni vegu tari reyaganedi.

1 Timothy 4:12

Amiye yokoi ya yi godua mina vego bi mokei itu ga reyaine, idu ago nina, vegu rena, uka mana, mokena vari gira aena ma vegu no yokoi de nufa di ida dudu, mokena vari gira aededi vene gokai vegu reyaganedi mina nioteima.

Hebrew vene 13:7

Yi ourefeidena vene, kaere Sei di ago ya rofu ago nigamadi, mina mokefa. Ini gokai vegu moi raga resi muyeyadi rofu, mokei mona resi ini mokena vari gira aena dudu reyadi, mina ida yokoi maka dudu makai rebifa.

1 Peter 5:3

Kaere amiye nari regi ya maro, bi ya kaya moi tora bi ga refa, idu ya usi dinari, ya kaya amiye di fogori yi moimai oteimafa.