Philemon 1:17 - Sei di Uka Ago Ruaka di Buka Bedakai

¹⁷ Ye, ya yaku mokegiya na yi asini vonisi, bi na moi dui regiya kana ina ka makai re.

Philemon 1:17 ပူးပေါင်းရင်းမြစ်များ

Matthew 10:40

“Kaere ya moi dui rego, bi na moi dui rego, ma kaere na moi dui rego, bi kaere yaku na nifeideyo moi dui rego.

Matthew 18:5

Ma kaere yaku nai roka dudu mida yokoi makai kana moi dui rego, bi na moi dui rego.

Matthew 25:40

Ye Kini yaku nikabai rego, ‘Rama iniye ya nida, nai usika ourena yokoi roka de amiye rofu reyadi kana, ya bi na rofu reyadi mini!’

Moimai di vegu 16:15

Kamini ina ma ini yavari amededi vene bi babatiso moiyadi, gabi mamo bi ina yaku ini yavari una omasi niyo, “Ye ya yaku mokeyadi na bi vegu ramari Varika amiye rofu mokena vari gira aeyaka vonisi, bi nai yavari bae dui resi amefa.” Una niguba reyo ma inasa boyafa.

2 Corinth vene 8:23

Ye Titus iniye bi nai asini, ma ya vene rofu gogo moimai resifa. Ma uni usika ourena vene bi ekalesia vene di nifeidena vene, kaere bi Keriso di roka moi odoro ridedi.

Ephesus vene 3:6

Mina nisui ago bi tutubena idana vene ka vakoi gugura rau rena biyaguna vene, ma roaita yokoi maka di, ma ago buni dudu, Iesu Keriso di nitore reyo ago moigedi vene.

Philippi vene 1:7

Nai amutena ya rofu bi rama, adina ya vene bi toga toga nai mokenari! Adina ya tau vanu bi Sei di buni tora gade nasa rau reyadi, na gua dibura yavari ameida ma na ka etofarori, ago buni moi odoro risi egira regamakari.

1 Timothy 6:2

Kamini kaere bi mokena vari gira aededi varika vene di moimai rei tavoi rededi vene, bi ina vene rofu ga gubuyo reyagane, ini usika ourena dada. Idu, besa ka naivo reyaganedi, ini adina ini naivo rei mona rena moidedi vene bi mokena vari gira aededi vene, kaere bi Sei yaku uka mado. Mina kana ago oteimasi egira re.

Philemon 1:10

Nai usa bi yomini: Onesimus rofu di, kaere bi dibura ideri amegamakari, nai mida kana niyo.

Philemon 1:12

Ya rofu dairi nifeideida mini, ina kaere bi nai uka meko.

Philemon 1:18

Ye, ya rofu beika no be reyo o beika moiyo, mina de ya moi dairiyo, bi nai rokari ae.

Hebrew vene 3:1

Mina dada, usika ourena kikifa, kaere Sei yaku unasa raka niyo, nifeidena amiye ma Sei ma amiye utari naivo amiye tora, kaere di roka bi Iesu Keriso, mokei mona refa. Uni mokena vari gira ina rofu aena niogau reyafa.

Hebrew vene 3:14

Adina una yaku siko ori de dudu, mokena buni metonari moi gira rigifa vonisi, ye una bi Keriso sa moimai regifa.

James 2:5

Nai uka maida usika ourena nai ago neidefo. Sei yaku mina kono tora di irava vene mokena vari gira aenari, gugura tau kana ma ini ourefeidena amena sana di biyaguna kana bi auba reyo ba? Ye Sei yaku kaere amiye ina rofu uka madedi bi mina sana nitore reyo.

1 Peter 5:1

Na, na kaya kaere bi amiye tora, bi ekalesia tora vene yi fogori egira reida. Na bi Keriso di esika moina veyaka amiye ma vabara vata nigo, mina vegu ka rau regida. Mina ya nida,

1 John 1:3

Beika vesi neideyafa, mina ka ya niogau resifa, ye ya ka unasa auta reyagane. Ma uni auta rena bi Baba ma ini Mida Iesu Keriso sa.